Հա

Ազգային

06/08/2020 - 12:00

Կոչ կ՛ուղղենք մեր ժողովուրդին` ամուր կանգնելու լիբանանահայութեան կողքին. ՀՅԴ Բիւրօ

Հայ Յեղափոխական Դաշնակցութեան ամբողջ ընտանիքի անունով, ի հայրենիք եւ ի սփիւռս աշխարհի, մեր անվերապահ զօրակցութիւնը կը յայտնենք Լիբանանի եղբայրական ժողովուրդին եւ լիբանանահայութեան, Պէյրութի նաւահանգիստին մէջ տեղի ունեցած ահաւոր պայթումին հետեւանքով արձանագրուած մարդկային, բարոյական եւ նիւթական անգնահատելի կորուստ:

Հայ Յեղափոխական Դաշնակցութեան ամբողջ ընտանիքի անունով, ի հայրենիք եւ ի սփիւռս աշխարհի, մեր անվերապահ զօրակցութիւնը կը յայտնենք Լիբանանի եղբայրական ժողովուրդին եւ լիբանանահայութեան, Պէյրութի նաւահանգիստին մէջ տեղի ունեցած ահաւոր պայթումին հետեւանքով արձանագրուած մարդկային, բարոյական եւ նիւթական անգնահատելի կորուստին եւ վնասներուն համար:

Մեր խորազգաց ցաւակցութիւնը կը յայտնենք անմեղ զոհերուն ընտանիքներուն, շուտափոյթ ապաքինում կը մաղթենք վիրաւորներուն, կամք ու կորով` լիբանանահայ մեր քոյրերուն եւ եղբայրներուն, դժուարին այս պայմանները յաղթահարելու համար:

Անգամ մը եւս կը հաստատենք, որ Լիբանանի մեր գաղութը եղած է, է՛ ու կը մնայ հայ ժողովուրդի կարեւոր մէկ օղակը, որ մի՛շտ ու անվերապահօրէն իր առաւելագոյնը նուիրաբերած է մեր ժողովուրդի հաւաքական բագինին, եւ մղձաւանջային պայմաններու բերումով այսօր ի՛նք կը գտնուի աննախընթաց լրջագոյն մարտահրաւէրներու դիմաց: Վերջին մէկ տարուան ընթացքին երկրէն ներս տիրող քաղաքական անկայունութիւնը, ընկերային-տնտեսական-ելեւմտական ճգնաժամը, թագավարակը եւ այս բոլորին զուգահեռ սարսափելի պայթումը իրաւամբ դարձած է անտանելի այլեւս ու անհասկնալի` մարդկային բանականութեան համար։

Հ.Յ.Դ. Բիւրօն, ահասարսուռ պայթումի առաջին իսկ վայրկեանէն մնայուն կապի մէջ է Լիբանանի Կեդրոնական Կոմիտէին հետ եւ մօտէն կը հետեւի դէպքերու զարգացումին: Հարուածը եւ ստացուած մարդկային, բարոյական ու նիւթական վնասը աննախադէպ է:

Վստահ ենք, որ Հայաստանի եւ Արցախի մեր պետութիւնները գործնապէս օժանդակութիւն պիտի ցուցաբերեն լիբանանահայ համայնքին:

Կոչ կ՛ուղղենք հայրենի եւ աշխարհասփիւռ մեր ժողովուրդին` ամուր կանգնելու լիբանանահայութեան կողքին, ճգնաժամի այս պահուն:

Հայ Յեղափոխական Դաշնակցութեան բոլոր Մարմինները, ինչպէս նաեւ մեր ուղեկից միութիւնները` Հ.Օ.Մ., Համազգային, Հ.Մ.Ը.Մ. իրենց ամբողջ ներուժը արդէն իսկ զօրաշարժի ենթարկած են, ի խնդիր Լիբանանանի հայութեան օժանդակութեան:

Սիրելի՛ հայրենակիցներ, պահը լուրջ է: Խիստ անհրաժեշտ է, որ ազգովին, համահայկական ներուժով դիմագրաւենք այս արհաւիրքը եւ անգամ մը եւս ապացուցենք մէկ ու միասնական ազգ ըլլալու մեր հաւատամքը:

 

Հ.Յ.Դ. ԲԻՒՐՕ

5 Օգոստոս, 2020 թ.

Յարակից լուրեր

  • ՀՅ Դաշնակցութեան Բիւրոյի յայտարարութիւնը Մոսկւայի 1921 թ. մարտի 16-ի ռուս-թուրքական պայմանագրի 100-ամեակի կապակցութեամբ
    ՀՅ Դաշնակցութեան Բիւրոյի յայտարարութիւնը Մոսկւայի 1921 թ. մարտի 16-ի ռուս-թուրքական պայմանագրի 100-ամեակի կապակցութեամբ

    Սիրելի հայրենակիցներ,

    Լրանում է մեր պետութեան եւ ժողովրդի համար աղէտալի նշանակութիւն ունեցած Մոսկւայի 1921 թ. մարտի 16-ի ռուս-թուրքական պայմանագրի ստորագրման 100-ամեակը։ Այդ պայմանագրի արդիւնքում Հայաստանին պարտադրւեց հրաժարւել Արեւելեան Հայաստանի զգալի հատւածից՝ Կարսի մարզից, Սուրմալուի գաւառից, Նախիջեւանից եւ այլն։

  • ԱԶԴ
    ԱԶԴ

    Հայ Յեղափոխական Դաշնակցութեան Բիւրոն ձեռնարկած է քայլերու՝ շրջանին մէջ հաստատելու կազմակերպական կարգն ու անդորրը։ Հ.Յ.Դ. Կազմակերպական Կանոններուն համաձայն, կատարուած են կարգապահական տնօրինումներ, որոնց արտաքսումներու բաժինը կը հրատարակուի Հ.Յ.Դ. պաշտօնաթերթ «Դրօշակ»-ին մէջ:

  • Էդմոն Մարուքեանը հանդէս է եկել կոչով
    Էդմոն Մարուքեանը հանդէս է եկել կոչով

    «Լուսաւոր Հայաստանի»-ի առաջնորդ Էդմոն Մարուքեանը հանդէս է եկել կոչով․

  • ՀՅԴ Բիւրոյի յայտարարութիւնը
    ՀՅԴ Բիւրոյի յայտարարութիւնը

    Արցախեան վերջին պատերազմից անցել է գրեթէ չորս ամիս: Պատերազմի եւ նրան յաջորդած շրջանի բազմաթիւ կենսական խնդիրները, այս ընթացքում, ոչ միայն չեն մարել, այլեւ աւելի են խորացել, եղածներին աւելացել են նորերը:

  • ՀՅԴ ներկայացուցիչները հանդիպել են ՀՀ-ում Ռուսաստանի դեսպանի հետ
    ՀՅԴ ներկայացուցիչները հանդիպել են ՀՀ-ում Ռուսաստանի դեսպանի հետ

    Փետրւարի 17-ին ՌԴ դեսպանատանը ՀՅԴ Բիւրոյի նախագահ Արմէն Ռուստամեանը եւ ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը հանդիպում են ունեցել ՌԴ արտակարգ եւ լիազօր դեսպան Սերգէյ Կոպիրկինի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։