Հա

Ազգային

08/09/2020 - 12:10

Այսօրւայ օրէնսդրական փաթեթը ստրկատիրութիւն տանող վարքագիծ է

Հայ Յեղափոխական Դաշնակցութեան Գերագոյն մարմնի անդամ Արծւիկ Մինասեանը պնդում է, որ իշխանութիւնը ձախողել է բազմաթիւ ուղղութիւններով: «Օր առաջ պէտք է ազատւել այս իշխանութիւններից»,- «Ազատութիւն ռադիոկայան»-ի՝ Հրայր Թամրազեանի «Կիրակնօրեայ վերլուծականի» շրջանակներում նշել է Մինասեանը:

«alikonline.ir» - Հայ Յեղափոխական Դաշնակցութեան Գերագոյն մարմնի անդամ Արծւիկ Մինասեանը պնդում է, որ իշխանութիւնը ձախողել է բազմաթիւ ուղղութիւններով: «Օր առաջ պէտք է ազատւել այս իշխանութիւններից»,- «Ազատութիւն ռադիոկայան»-ի՝ Հրայր Թամրազեանի «Կիրակնօրեայ վերլուծականի» շրջանակներում նշել է Մինասեանը:

Ստորեւ ներկայացնում ենք հատւածներ հարցազրոյցից.

Արծւիկ Մինասեան.- Այն, որ Նիկոլ Փաշինեանը եւ իշխող քաղաքական ուժի առանձին ներկայացուցիչներ ունեն հասարակութեան մէջ աջակիցներ, փաստ է, սա որեւէ ձեւով հերքել չի կարելի եւ անհնար է, սակայն հարցն այն է, թէ 2018 թւականին, երբ համաժողովրդական ընդվզումն ու պահանջը, որ կար, արդեօք որքանով են ներկայ պայմանները համապատասխանում այն աջակցութեանը, որը տրւեց այն ժամանակ քաղաքական այդ ուժին եւ նրա առաջնորդին: Տեսէք` կայ թէ՛ օբիեկտիւ եւ թէ՛ սուբիեկտիւ պատճառ` իմ գնահատմամբ, որ էականօրէն փոխւել են նաեւ այդ պատկերացումները: Օբիեկտիւ պատճառը նա է, որ թէ՛ աշխարհաքաղաքական զարգացումների, թէ՛ նոր կորոնավիրուսի պայմաններում փոխւել են ամբողջութեամբ թէ՛ իշխող քաղաքական ուժի մօտեցումները, ծրագրերը, թէ՛ նաեւ աշխարհընկալման տարբերութիւնները: Եւ թէ նաեւ կայ սուբիեկտիւ կողմ, որը, իմ գնահատմամբ, նա է, որ իշխանութիւնը ցաւօք սրտի ձախողել է բազմաթիւ ուղղութիւններով: Եւ այս ամէնն առաջին հերթին նաեւ իշխանութեան համար է պէտք, որպէսզի ինքը ընտրողների առջեւ հանդէս գայ եւ ներկայացնի` այս փոփոխման պայմաններում արդեօք հասարակութիւնը տալիս է վստահութեան քւէ, թէ ոչ: Ես նշեցի օրակարագը, որի շուրջ մենք ունենք համաձայնութիւն եւ որի շրջանակներում համագործակցում ենք: Օրակարգն անյապաղ իշխանափոխութիւն, թէ արտահերթ անյապաղ ընտրութիւններ, դա կախւած է հասարակութեան ընդհանուր տրամադրւածութիւնից եւ դժգոհութեան ալիքի ամենաբարձր մակարդակում իշխանութեան ընկալունակութիւնից:

Մեր կարծիքով, եւ այսօր ես պէտք է փաստեմ նաեւ, որ հետեւելով Ազգային ժողովում քննարկումներին, երբ ներկայացւած է 7 օրէնքների նախագծերի փաթեթը, իմ կարծիքն ասեմ, որ այո, օր առաջ պէտք է ազատւել այս իշխանութիւններից։

 

«Ազատութիւն».- Ինչո՞ւ պիտի ազատւել, պարոն Մինասեան, եւ ո՞վ պիտի գայ այդ իշխանութեան փոխարէն` գան նախկիննե՞րը, նորից Սերժ Սարգսեանը, Ռոբերտ Քոչարեանը:

Արծւիկ Մինասեան.- Ո՛չ, դա հերթական մանիպուլատիւ յայտարարութիւնն է, երբ իշխանութիւնը փորձում է իրեն այլընտրանք տեսնի նախկինին, մինչդեռ իրականում ընտրութիւն կատարողը ժողովուրդն է, հասարակութիւնն է, ով կը գայ, թող որոշի ժողովուրդը, թող որոշի ընտրողը, բայց որ պայմանները փոխւել են, դժգոհութեան ալիքը մեծացել է, սա փաստ է: Բայց այսօրւայ օրէնսդրական փաթեթը, իմ գնահատմամբ, ստրկատիրութիւն տանող վարքագիծ է, գործողութիւն է:

Անկախ դիտորդը` եւրոպացի կը լինի, ամերիկացի կը լինի կամ այլ երկրի անկախ դիտորդը եթէ ուսումնասիրի այն սահմանափակումները, որոնք հիմա ներկայացւում են եւ ներկայացւում են կորոնավիրուսի քողի ներքոյ, մինչդեռ վերաբերում են ամբողջ մի համակարգի, երկրի, հասարակութեանը, իմ խորին համոզմամբ, այս իշխանութիւնների առկայութեան պարագայում զրկւելու է քաղաքացին իր պարզ, տարրական իրաւունքներից, քաղաքական իրաւունքներից սկսած աւարտւած այլ իրաւունքներով: Եւ ես համոզւած եմ, որ այս համոզումը մեր հասարակութեան ճնշող մեծամասնութեան մօտ նոյնպէս ձեւաւորւելու է, որովհետեւ գիտէք, երբ իշխանութիւնն ունակ չէ լսելու, քննադատութիւնն առնւազն գոնէ վերլուծելու, այլ անընդհատ փորձում է յարձակւել, անընդհատ փորձում է քաղաքացուն դիտարկել որպէս մի երեւոյթ, որին անընդհատ պէտք է ուղղորդել, տանել, տուգանել եւ այլն, այս դէպքում այս հասարակութեան պայմաններում այսպիսի իշխանութիւնն անելիք չունի:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։