Հա

Ազգային

21/09/2020 - 11:35

Հայ ժողովրդի համար անկախութիւնը գերարժէք է, որի համար պատրաստ է անգամ իր կեանքը զոհել

Հայաստանի Անկախութեան հռչակագիրն ընդունւեց 1990 թ. օգոստոսի 23-ին: Հայաստանի Գերագոյն խորհուրդը՝ արտայայտելով Հայաստանի ժողովրդի միասնական կամքը եւ 1918 թւականի մայիսի 28-ին ստեղծւած Հայաստանի Անկախ Հանրապետութեան ժողովրդավարական աւանդոյթները, հռչակեց անկախ պետականութեան հաստատման գործընթացի սկիզբը եւ 1991 թւականի սեպտեմբերի 21-ին, Խորհրդային Հայաստանի քաղաքացիները հանրաքւէում իրենց վճռական «այո»-ն ասելով, բռնեցին անկախութեան ուղին:

Հայաստանի Անկախութեան հռչակագիրն ընդունւեց 1990 թ. օգոստոսի 23-ին: Հայաստանի Գերագոյն խորհուրդը՝ արտայայտելով Հայաստանի ժողովրդի միասնական կամքը եւ 1918 թւականի մայիսի 28-ին ստեղծւած Հայաստանի Անկախ Հանրապետութեան ժողովրդավարական աւանդոյթները, հռչակեց անկախ պետականութեան հաստատման գործընթացի սկիզբը եւ 1991 թւականի սեպտեմբերի 21-ին, Խորհրդային Հայաստանի քաղաքացիները հանրաքւէում իրենց վճռական «այո»-ն ասելով, բռնեցին անկախութեան ուղին:

Մեր անկախութիւնը մեր ազգի դարաւոր պայքարի արդիւնքն է: Հայաստանի անկախութեան գաղափարի ջատագովներն են եղել Իսրայէլ Օրիները, Դաւիթ Բէկերը, Ներսէս Աշտարակեցիները, Միքայէլ Նալբանդեանները, Խրիմեան Հայրիկները, Րա‎ֆֆիներն ու բազմաթիւ ազգային գործիչներ:

Հայ ժողովրդի սխրանքի ու զոհողութիւնների շնորհիւ է 20-րդ դարասկզբին վերականգնւել հայկական պետականութիւնը եւ եթէ չլինէր հայ ազատագրական պայքարն ու նրան առաջնորդող ՀՅԴ-ն, գոյութիւն չէր ունենայ նաեւ այսօրւայ Հայաստանի Հանրապետութիւնը:

Հայ ժողովրդի պատմութիւնը կերտւել է ազգի հաւաքական կամքից բխող հետեւողական ջանքերի ու մեծ զոհողութիւնների շնորհիւ, որը մեզ պարտաւորեցնում է իմաստաւորել մեր ներկայ պետական կացութիւնը՝ անցեալի հանդէպ միասնական պատասխանատւութեան հիմամբ:

Սեփական պատմութեան, ժողովրդի ու պետութեան ներկայ ընթացքը բոլորովին այլ ուղղութեամբ փոխելու ձգտումները կարող են հանգեցնել հայ ժողովրդի բուն էութիւնը պայմանաւորող արժէքների դէմ ուղղւած պատերազմի:
Ցաւօք, նմանօրինակ մի պատերազմի մէջ են յայտնւել Հայաստանի ներկայի իշխանութիւնները, որոնք ոչ թէ նպատակ են հետապնդում հայ ժողովրդի համար ժողովրդավար, արդար ու ազգային արժէքներ ունեցող երկիր ստեղծելու, այլ փորձում են կոտրել Հայաստանի ու հայութեան դիմադրական ոգին ու ազգային միասնութիւնը:

Պատմական ճշմարտութիւններն անտեսելով ու զոհելով, ազգային արժէքները թիրախաւորելով ու ազգային մտածողութիւն ունեցող անհատների եւ կազմակերպութիւնների դէմ պայքար մղելով, վերստին հայ-թրքական յարաբերութիւնների խնդիրը իբր կարգաւորելու համար թաքուն ու բացահայտ քայլեր ձեռնարկելով, նրանք իրականում ոչ միայն նպաստում են հայ ժողովրդի դէմ իր թշնամանքը բազմիցս ապացուցած Թուրքիայի քաղաքական եւ տնտեսական գերիշխանութեան հաստատմանը տարածաշրջանում, այլեւ ուրւագծում են Հայաստանի ու հայութեան կորստեան հեռանկարը:

Հայաստանը միշտ գտնւել է եւ այսօր էլ գտնւում է աշխարհաքաղաքական բարդ ու վտանգաւոր տարածաշրջանում: Այսօր անհերքելի փաստ է, որ տարածաշրջանում եւ առհասարակ համայն աշխարհում Թուրքիան շարունակում է բծախնդրօրէն ծրագրած հակահայ քաղաքականութիւնը, անմիջականօրէն եւ առատօրէն հովանաւորելով Ադրբեջանի հանրապետութեանը՝ Հայաստանի եւ Արցախի դէմ նրա գործողութիւններում։

Իսկ հայ ժողովրդի գոյութենական երաշխիքը Հայաստանի ու Արցախի հզօրացումն ու անվտանգութեան պահպանումն է, ինչպէս նաեւ նրանց զարգացումն ու բարգաւաճումը։ Հետեւաբար հարկաւոր է միասնական կամքով ու գործողութեամբ լծւել աշխատանքի՝ ի խնդիր հայրենքի վերելքի եւ նրա հողային ամբողջականութեան պահպանման: Պատմութեան զանազան հանգրւաններում հայ ժողովրդը փաստել է, որ միասնական է դառնում, երբ վտանգւած է տեսնում հայրենիքն ու ազգային արժէքները. մի խօսքով, հայ ժողովուրդն իր հայկականը պահպանելու հարցում աննահանջ է:

Մենք պէտք է մեր յոյսը կապենք սեփական ուժին. ազգովի համախմբւենք ու հետապնդենք մեր ազգային դատը, միշտ ամուր կառչած մնալով՝ ազատ, անկախ եւ միացեալ Հայաստանի գաղափարին:

Շնորհաւոր տօնդ անկախ Հայաստան։

Վահէ Թորոսեան
Նոր Ջուղա
21
սեպտեմբեր 2020

 

Յարակից լուրեր

  • Շուշին հայկական է եւ ոչ մի քննարկման ենթակայ չէ. Իսկ ինչուների պատասխանը աւելի քան պարզ է
    Շուշին հայկական է եւ ոչ մի քննարկման ենթակայ չէ. Իսկ ինչուների պատասխանը աւելի քան պարզ է

    Չեմ ուզում խօսել Շուշիի պատմութեան մասին, սակայն այն որ Շուշին, Արցախի քաղաքական եւ մշակութային կենտրոնն է եղել ու մնում է հայկական, դա որեւէ քննարկման ենթակայ չէ, անկախ նրանից, թէ վարչապետի աթոռից կպած անհատը եւ իր կողմնակիցները ինչ արտայայտութիւններ են անելու եւ ինչ ստեր են յօրինելու այդ մասին:

  • ՀՅԴ-ի 130-ամեակի առիթով
    ՀՅԴ-ի 130-ամեակի առիթով

    Հայ Յեղափոխական Դաշնակցութիւնը ծնւել է հայ ժողովրդի ծոցից՝ հայութեան ու Հայաստանի ազատագրութեան նպատակով: 130-ամեայ պատմութեան ընթացքում նրա գաղափարախօսութիւնը եզակի եւ անփոխարինելի արժէքներ է համարում Հայաստանին ու հայ ժողովրդին: Դաշնակցութիւնը այդ նպատակների իրագործման եւ այդ արժէքների պաշտպանութեան համար անհնարինը հնարաւոր դարձնելու վճռակամութեամբ կատարել է ամէն տեսակ զոհողութիւն, որի շնորհիւ հայ ժողովուրդը 1918 թւականին կարողացաւ վերականգնել հայոց պետականութիւնը. պետականութիւն, որը թէեւ կարճ կեանք ապրեց, սակայն եղաւ այսօրւայ Հայաստանի Հանրապետութեան անկախութեան վերականգնման երաշխիքն ու հիմնաքարը:

  • Վարչապետը անդունդի եզրին
    Վարչապետը անդունդի եզրին

    Հայաստանի գործող իշխանութիւնն իր անխոհեմ քայլերի պատճառով ոչ միայն երկիրը կանգնեցրել է բազմաթիւ մարտահրաւէրների առջեւ, այլեւ լուրջ հարւած է հասցրել ազգային անվտանգութեանը:

  • Հզօրանալ է պէտք
    Հզօրանալ է պէտք

    ՀՅԴ 33-րդ Ընդհանուր ժողովի յայտարարութեամբ ասւած է, որ Արցախի հանրապետութեան անկախ պետականութեան կարգավիճակը եւ տարածքային ամբողջականութիւնն անսակարկելի են։

  • Սէրն ու համերաշխութիւնն այս օրերում
    Սէրն ու համերաշխութիւնն այս օրերում

    Սէր նշանակում է սիրել, որեւէ մէկի հետ հաշտ ու բարիացակամ յարաբերութիւն ունենալ, բարեկամաբար վարւել, համակրել, յարգել եւ ...

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։