Հա

Ազգային

21/09/2020 - 14:14

Հայրենակերտման հսկայ գործ կայ կատարելիք

Բէյրութի «Վանայ ձայն» ռադիոկայանի տնօրէն Վիգէն Աւագեանն անդրադառնալով սեպտեմբերի 21-ին՝ Հայաստանի վերանկախացման տօնին

«alikonline.ir»- Բէյրութի «Վանայ ձայն» ռադիոկայանի տնօրէն Վիգէն Աւագեանն անդրադառնալով սեպտեմբերի 21-ին՝ Հայաստանի վերանկախացման տօնին, ֆէյսբուքեան իր էջում գրել է.

«21 Սեպտեմբեր է այսօր։

29 տարի առաջ այսօր, 21 Սեպտեմբեր 1991-ին, մեր ժողովուրդը վճռական քայլ մը առաւ իր սեփական ճակատագիրը ինքնուրոյն կերպով տնօրինելու, հայրենի հողին վրայ ազատ ու անկախ ապրելու իր անկաշկանդ կամքին արտայայտութեամբ։

29 տարի առաջ, այսօր, ազգային ինքնութեան պահպանման եւ գոյատեւման համար, հայութիւնը ընտրեց անկախութեա՛ն ուղին։

Դիւրին չեղաւ այդ ուղին, որովհետեւ ան դիմագրաւեց ներքին ու արտաքին բազմաթիւ դժուարութիւններ, որոնցմէ սակայն միշտ յաղթական եւ ամուր դուրս եկաւ ան՝ շնորհիւ Հայաստան-Արցախ-Սփիւռք եռամիասնութեան միացեալ ճիգերուն։

Հ.Յ.Դաշնակցութիւնը իր անուրանալի ներդրումը ունեցաւ այդ ուղիին նուաճման մէջ՝ թէ՛ անկախ բանակի ստեղծման իր մասնակցութեամբ եւ թէ երկրի օրէնսդրական դաշտի ձեւաւորման իր կարեւոր դերակատարութեամբ։

28 Մայիսի քաղաքական պատուանդանին վրայ վերականգնած 21 Սեպտեմբերի անկախութիւնը կերտուեցաւ մեծ կորուստներու եւ զրկանքներու գնով։ Առ այդ, անոր պահպանումն ու զօրացումը դարձաւ իւրաքանչիւր հայու պատուի եւ արժանապատուութեան հարց։

Այսօր, 21 Սեպտեմբերի անկախութիւնը նշող մեր ժողովուրդը իրաւունքը ունի աւելի բարօր եւ բարգաւաճ հայրենիք մը ունենալու, իր զաւակներուն ապահովելու համար հանգիստ, ապահով եւ կայուն կեանք։

Այսօր մեր ժողովուրդը իրաւունքը ունի նաեւ համաժողովրդային շարժումի արդիւնքով իշխանութեան հասած հայրենիքի վարիչներէն պահանջելու շռայլօրէն իրեն տրուած խոստումներուն իրականացումը. օրէնսդիր-գործադիր եւ դատական իշխանութիւններուն անկախ գործունէութիւնը, կաշառակերութեան եւ փտածութեան երեւոյթներուն ամբողջական յաղթահարումը, ազգային արժէքներու պահպանման յանձնառութիւնը, տնտեսութեան վերականգնումն ու արտագաղթի հոսանքին կասեցումը։

Մեր բոլորին ակնկալած ու երազած Հայաստանը տակաւին հեռու է իրականութիւն ըլլալէ։ Տակաւին հայրենակերտման հսկայ գործ կայ կատարելիք՝ փրկելու համար ապագան, մեր հայրենիքի՛ ապագան, մեր զաւակներուն եւ գալիք սերունդներուն ապագան։ Հայրենիք, որուն գոյատեւումն ու զարգացումը երաշխաւորուած պիտի ըլլայ արդիական պետականութեամբ, ամուր բանակով, հզօր տնտեսութեամբ, ժողովրդավար արդար կարգերով եւ ընկերային անապահովութեան բոլոր երեւոյթներու վերացումով։

Հայրենիք մը, որ իր շուրջ պիտի համախմբէ համա՛յն հայութիւնը, իբրեւ կորիզ ու մեկնակէտ՝ վաղուան մեր ամբողջական հայութեամբ ամբողջական Հայաստանին»։

 

Յարակից լուրեր

  • Էրտողանին մեծ սխալը
    Էրտողանին մեծ սխալը

    Միջին Արեւելքի ամբողջ տարածաշրջանը կը գտնուի յարաբերութիւններու կարգաւորման փուլի մը մէջ: Ընթացքի մէջ են Իրան-Միացեալ Նահանգներ եւ Իրան-Սէուտական Արաբիա բանակցութիւններ: Թուրքիան եւս կը փորձէ բնականոնացնել Եգիպտոսի, Իսրայէլի եւ Սէուտական Արաբիոյ հետ իր յարաբերութիւնները:

  • Ուշագրաւ շրջադարձ ու հաւանական երեք բեմագրութիւններ
    Ուշագրաւ շրջադարձ ու հաւանական երեք բեմագրութիւններ

    Սէուտական Արաբիոյ գահաժառանգ Մոհամետ պըն Սալման իշխանը 27 ապրիլին սէուտական պատկերասփիւռի կայանին յայտնեց. «Իրանի հետ լաւ յարաբերութիւններու կը ձգտինք», աւելցնելով, որ «Տարածաշրջանին մէջ մեր գործընկերներուն հետ աշխատանք կը տանինք Իրանի հետ տարակարծութիւնները յաղթահարելու»: Յայտարարութիւնը ուշագրաւ է, որովհետեւ ան չորս տարի առաջ այդ կարելիութիւնը բացառելով` յայտարարած էր. «Ծայրայեղական գաղափարաբանութեան վրայ հիմնուած վարչակարգի մը հետ ի՞նչպէս երկխօսութիւն կը կատարես»:

  • Նկատառումներ` արձանագրուած քաղաքական մեծ կէտի վերաբերեալ
    Նկատառումներ` արձանագրուած քաղաքական մեծ կէտի վերաբերեալ

    Միացեալ Նահանգներու նախագահ Ճօ Պայտըն Հայոց Ցեղասպանութիւնը ճանչնալով, իբրեւ Միացեալ Նահանգներու այդ քայլը կատարած առաջին նախագահ` ապահովեց պատմութեան մէջ իր պատուական տեղը:

  • Դիրքորոշման ծանուցում կամ հրապարակում
    Դիրքորոշման ծանուցում կամ հրապարակում

    9 նոյեմբեր 2020-ին Հայաստանի, Ազրպէյճանի եւ Ռուսիոյ ղեկավարներու հրապարակած եռակողմ յայտարարութեամբ ԵԱՀԿ-ի Մինսքի խմբակի համանախագահներու ձեւաչափին կողքին ստեղծուեցաւ նոր ձեւաչափ մը: Ռուսիոյ նախագահ Վլատիմիր Փութին յայտարարեց, որ ինք է այդ յայտարարութեան կէտերուն հեղինակը: Ռուսական կողմը, նոյն ատեն, չբացառեց համանախագահներուն դերակատարութեան շարունակութիւնը:

  • Ամերիկեան դիւանագիտութեան վերաշխուժացումն ու Արցախի հարցին մէջ դերակատարութեան վերականգնումը
    Ամերիկեան դիւանագիտութեան վերաշխուժացումն ու Արցախի հարցին մէջ դերակատարութեան վերականգնումը

    27 սեպտեմբեր 2020-ին շղթայազերծուած թուրք-ատրպեճանական յարձակումն ու ատոր ուղղակի հետեւանքը եղող Հայաստանի վարչապետին, Ռուսիոյ ու Ատրպէյճանի նախագահներուն` 9 նոյեմբերին ստորագրած եռակողմ յայտարարութիւնը ծանր հարուած էին ԵԱՀԿ Մինսքի խմբակի ձեւաչափին ու անոր հեղինակութեան։ Իրողութիւն մը, որ կարելի դարձաւ Մինսքի խմբակի եռանախագահութեան անդամներէն Միացեալ Նահանգներու` իրենց ներքին լուրջ խնդիրներով՝ նախագահական ընտրութեան ու ներքաղաքական լարուած մթնոլորտով զբաղած ըլլալնուն հետեւանքով ստեղծուած բացին պատճառով։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։