Հա

Ազգային

23/09/2020 - 12:05

Յեղափոխութեան մէջ կրկին յեղափոխութիւն ըլլալու հրամայականը

Ժամանակի թաւալումով բաւարարուածութեան բարդոյթ մը կը զարգանայ ազգային կեանքին մէջ։ Բարդոյթը, սակայն, լոկ պատրուակ է հեռու մնալու նախաձեռնութենէ։

ՍԵԴՕ ՊՈՅԱՃԵԱՆ

Ժամանակի թաւալումով բաւարարուածութեան բարդոյթ մը կը զարգանայ ազգային կեանքին մէջ։ Բարդոյթը, սակայն, լոկ պատրուակ է հեռու մնալու նախաձեռնութենէ։

Կը ստեղծուի գոհունակութեան հարկադրանք, որ խորքին մէջ հետեւանք է ընթացիկով ընթանալու խաբկանքին։ Ընթացիկը դիւրին է, պայքար ու աշխատանք չի պահանջեր։

Անտարբերութեան մաշկը կը կարծրանայ։ Յամեցող իրավիճակի հանդէպ կրաւորականութիւնը պէտք չէ խանգարէ տարածուող անտարբերութիւնը։

Ամէն ինչ լաւ է, պէ՛տք է լաւ ըլլայ, այլապէս պիտի խանգարուի մեծին ու փոքրին հանգիստը։

Բայց պիտի գայ այդ օրը – եթէ արդէն չէ եկած, բանալու աչքերը եւ տեսնելու ազգային համայնապատկերը՝ խճանկարուած ձախողութիւններով – քաղաքական անկարողութիւն, կազմակերպական թուլացում, տնտեսական անկում, հոգեկան ու արժէքային վայրէջք, ինքնութեան հիւծում...։

Նկարները, ինքնիկները, երգ ու պարերը, դատարկաբանութիւնները, յուսատու խօսքերը պիտի չկարենան փրկել այդ օ՛րը։

Փրկութիւնը միայն յեղափոխութեան մէջ է – մտքի եւ գործի յեղափոխութեան՝ ընդդէմ հանգստաւէտութեան, անտարբերութեան եւ կրաւորականութեան։

Բարեբախտաբար, կա՛յ յեղափոխութիւնը, միշտ ներկայ է – Հայ Յեղափոխական Դաշնակցութիւնն է։ Եւ երբ հարկ է, այս յեղափոխութիւնը կրկին անգամ կ՚ըլլայ յեղափոխութիւնը յեղափոխութեան մէջ։

Ատոր համար կը դիմես մեծ Սպարապետին՝ Գարեգին Նժդեհին, որպէսզի ծնի յեղափոխութիւնը յեղափոխութեան մէջ։ Կը կարդաս անոր «Ցեղի ոգու շարժը» (Սոֆիա, 1932) գիրքը՝ կրկին ծանօթանալու Դաշնակցութեան յեղափոխականութեան ու էութեան, կարդալով հետեւեալ հատուածը.- «Հ.Յ.Դ.ն «բարոյական» յեղափոխութիւն է, արժէքներու գնահատման նոր չափանիշ: Առանց նուիրումի՝ չկայ բարձր ստեղծագործութիւն, իսկ նուիրումի գաղափարը հայութեան համար հոգեբանութիւն դարձաւ Դաշնակցութեան մարտիրոսագրութեան ու հերոսականի շնորհիւ:

«Այդ է պատճառը, որ «Դաշնակցութիւնը, իբր ցեղի ներքին հոգեկան կարողութիւն» չի խորտակւում անգամ արտաքին պարտութիւնների դէպքում։ Նա մնում է իր ստեղծագործ ապագային հաւատացող իտէալիստ հայութեան հոգեւոր կորիզը։

Դաշնակցութիւնը, սակայն, պիտի ունենայ նաեւ իր ողբերգանքը: Չէ՞ որ ամէն հերոսական ըստ էութեան ծնունդ է մի ողբերգականի։

«Իւրսն եկ եւ Իւրքն զնա ոչ ընկալան»։ Ոչինչ, ոչինչ է այնքան խոր՝ որքան տառապանքը զոհաբերողի՝ որ զոհաբերում է իր նմանների համար եւ մնում չհասկցուած»:

Այդ պահուն կը զգաս հրամայականը կրկին անգամ ըլլալու յեղափոխութիւնը յեղափոխութեան մէջ։

Յարակից լուրեր

  • Մեր միակ վախը վախնալն է
    Մեր միակ վախը վախնալն է

    Արցախի դէմ շղթայազերծուած շարունակուող յարձակումը Թուրքիոյ համընդհանուր պատերազմն է հայութեան դէմ։ Այս պատերազմի ճամբով Թուրքիա կը հետապնդէ եռեակ թիրախներ.

  • Կրթութեան նախարար Արայիկ Յարութիւնեանի քրէական խոստովանութիւնը
    Կրթութեան նախարար Արայիկ Յարութիւնեանի քրէական խոստովանութիւնը

    Երկու տարուան իշխանական մենատիրութիւնը կու գայ ապացուցելու, թէ «ԻմՔայլական»-ները պատերազմ յայտարարած են ազգային արժէքներու դէմ։ Այս պատերազմի թէժագոյն դաշտը հայրենի կրթութեան համակարգն է, ուր կը փորձեն կրթութեան ծրագիրներէն դուրս հանել ազգային բաղադրիչները՝ նենգափոխելով պատմութիւնը, արժեզրկելով պատմական դէմքերն ու դէպքերը, այլասերելով գրականութիւնն ու մշակոյթը, նսեմացնելով մեր ազգային մշակոյթը կերտող եւ հարստացնող հեղինակները։

  • Արթուր Մկրտչեան՝ Արցախի հերոս
    Արթուր Մկրտչեան՝ Արցախի հերոս

    Արցախի Հանրապետութեան նախագահի հրամանագրով՝ յետ մահու Արցախի հերոսի բարձրագոյն կոչում եւ «Ոսկէ արծիւ» շքանշան շնորհուեցաւ Արցախի Հանրապետութեան Գերագոյն խորհրդի առաջին նախագահ Արթուր Մկրտչեանին։ Արթուրը Դաշնակցական էր՝ միսը միսէն, ոսկրը ոսկրէն։

  • Եթէ Դաշնակցութիւնը իշխանութիւն ըլլար
    Եթէ Դաշնակցութիւնը իշխանութիւն ըլլար

    Հ.Յ. Դաշնակցութիւնը, իր հայրենական եւ Սփիւռքեան կառոյցներով, շարքերով եւ համակիրներով տեւաբար կը կանգնի հայրենիքի ու ժողովուրդի մէջքին։

  • Մէկ հարցում պրն. Արարատ Միրզոյեանին - Սեւրի սահմանած հողատարածքը որո՞ւ կը պատկանի
    Մէկ հարցում պրն. Արարատ Միրզոյեանին - Սեւրի սահմանած հողատարածքը որո՞ւ կը պատկանի

    Սեւրի Դաշնագրի հարիւրամեակի առիթով Ազգային Ժողովի նախագահ Արարատ Միրզոյեան օգոստոս 10 թուակիր դիմատետրային գրառումը, հետեւելով տասնամեակներէ ի վեր ի զուր կրկնուող պոլշեւիկեան քարոզչական ոճին ու բովանդակութեան, կը միտէր յերիւրածոյ վերագրումներով վարկաբեկել Հայաստանի առաջին հանրապետութեան ղեկավարութեան (իմա՛ Հ. Յ. Դաշնակցութեան) աշխատանքն ու վարքագիծը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։