Հա

Ազգային

24/09/2020 - 13:00

Հոկտեմբերի 8-ի հանրահաւաքի գլխաւոր պահանջը արտահերթ խորհրդարանական ընտրութիւններն են

Հայ Յեղափոխական Դաշնակցութիւնը փակագծեր է բացում՝ հոկտեմբերի 8-ին, Ազատութեան հրապարակում, նախատեսւած համապետական հանրահաւաքի գլխաւոր պահանջը արտահերթ խորհրդարանական ընտրութիւններն են։

«alikonline.ir» - Հայ Յեղափոխական Դաշնակցութիւնը փակագծեր է բացում՝ հոկտեմբերի 8-ին, Ազատութեան հրապարակում, նախատեսւած համապետական հանրահաւաքի գլխաւոր պահանջը արտահերթ խորհրդարանական ընտրութիւններն են։

«Հանրահաւաքի գխաւոր պահանջն արտահերթ խորհրդարանական ընտրութիւններ են, իսկ դրան հասնելու համար անհրաժեշտ է վարչապետի հրաժարականը: Մնացած մանրամասնութիւնները կը հնչեցւեն հանրահաւաքում»,- «Ազատութիւն» ռադիոկայանին ասաց ՀՅԴ Գերագոյն մարմնի ներկայացուցիչ Իշխան Սաղաթելեանը:

Հայ Յեղափոխական Դաշնակցութիւնը բացառում է, թէ որեւէ կապ կայ Գագիկ Ծառուկեանի կալանաւորման հարցով դատական նիստի եւ հանրահաւաքի միջեւ։ Ըստ Գերագոյն մարմնի ներկայացուցչի, իշխանութիւնը պարզապէս ցանկանում է ցոյց տալ, թէ ընդդիմութիւնը օրակարգ չունի եւ հանրահաւաքն ընդամէնը Գագիկ Ծառուկեանի կալանաւորման հետ է կապւած։

«Այս ամբողջ ժամանակահատւածում բազմաթիւ անգամ ասել ենք, որ, այո, երբ որ արտակարգ դրութիւնը վերանայ մենք օգտւելու ենք նաեւ հանրահաւաքներ, երթեր, ցոյցեր անելու մեր սահմանադրական իրաւունքից: Այս ժամանակահատւածում մենք նաեւ պարբերաբար խօսել ենք այդ մասին եւ ընդամենը մի քանի օր առաջ որոշել ենք հանրահաւաքի օրը, հիմա դա բերել կապել անմիջական դատավարութեան հետ չի ստացւելու: Մենք էլ հակառակն ենք ասում, որ այս իշխանութիւնը շարունակում է այդ ճանապարհով, այդ քրէական գործերով, հետապնդումներով փորձել լռեցնել իր ընդդիմախօսներին եւ ընդդիմադիր դաշտին»,- ասաց Սաղաթելեանը:

Հայ Յեղափոխական Դաշնակցութիւնը կարծում է, որ քաղաքական 3 ուժերին կը յաջողւի բազմամարդ հանրահաւաք անցկացնել, քանի որ օրակարգը օդից չեն վերցրել, այն կառուցել են հանրային դժգոհութիւնների եւ իրենց գնահատումների հիման վրայ։ Դաշնակցութեան Գերագոյն մարմնի ներկայացուցիչ Իշխան Սաղաթելեանի համոզմամբ՝ իշխանութիւնը բոլոր ոլորտներում ձախողել է, կառավարութիւնը եւ խորհրդարանն այլեւս ի վիճակի չեն դիմագրաւել երկրի առջեւ կանգնած մարտահրաւէրներին, կայ իրաւացի դժգոհութիւն հասարակական տարբեր շերտերում, եւ մարդիկ դուրս են գալիս փողոց։

«Եթէ չլինի այդ հասարակական աջակցութիւնը, երեք կուսակցութիւնները ոչինչ չեն կարող անել, բայց մենք վստահ ենք՝ կայ եւ մենք կը կոնսոլիդացնենք այդ հասարակական պահանջը»,- նշեց Սաղաթելեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։