Հա

Ազգային

17/10/2020 - 15:30

Պահանջում ենք ստեղծել ռազմաքաղաքական հարցերի օպերատիւ շտաբ, ներգրաւել ՀՀ եւ Արցախի նախկին նախագահներին, պաշտպանութեան եւ ԱԳ նախարարներին. քաղաքական ուժերի համատեղ յայտարարութիւնը

Պահանջում ենք ստեղծել ռազմաքաղաքական հարցերի օպերատիւ շտաբ, ներգրաւել ՀՀ եւ Արցախի նախկին նախագահներին, պաշտպանութեան եւ ԱԳ նախարարներին. քաղաքական ուժերի համատեղ յայտարարութիւնը

ՀՅԴ Հայաստանի գերագոյն մարմնի ներկայացուցիչ Իշխան Սաղաթելեանը այսօր հրաւիրւած հրատապ մամուլի ասուլիսի ժամանակ տեղեկացրեց, որ Արցախում ստեղծւած իրավիճակով պայմանաւորւած՝ մի շարք քաղաքական կուսակցութիւնները համատեղ յայտարարութիւն են տարածել, որով Կառավարութիւնից պահանջում են ստեղծել ռազմաքաղաքական հարցերի օպերատիւ կառավարման շտաբ, ներգրաւել Հայաստանի եւ Արցախի նախկին նախագահներին, վարչապետերին, պաշտպանութեան եւ արտաքին գործերի նախարարներին, ռազմական եւ քաղաքական փորձաքննութիւն ունեցող անձանց:

ՀՅԴ Հայաստանի գերագոյն մարմնի ներկայացուցիչ Իշխան Սաղաթելեանը այսօր հրաւիրւած հրատապ մամուլի ասուլիսի ժամանակ տեղեկացրեց, որ Արցախում ստեղծւած իրավիճակով պայմանաւորւած՝ մի շարք քաղաքական կուսակցութիւնները համատեղ յայտարարութիւն են տարածել, որով Կառավարութիւնից պահանջում են ստեղծել ռազմաքաղաքական հարցերի օպերատիւ կառավարման շտաբ, ներգրաւել Հայաստանի եւ Արցախի նախկին նախագահներին, վարչապետերին, պաշտպանութեան եւ արտաքին գործերի նախարարներին, ռազմական եւ քաղաքական փորձաքննութիւն ունեցող անձանց:

 

Յայտարարութիւնում ասւում է.

 

Ադրբեջանի եւ Թուրքայի կողմից սանձազերծւած պատերազմի 20-րդ օրն է:

Համայն հայ ժողովուրդը, խորհրդարանական եւ արտախորհրդարանական քաղաքական ուժերը, մէկտեղել են իրենց կարողականութիւնը՝ դիմագրաւելու մեր երկու պետականութիւնների դէմ ուղղւած գոյապահպանական սպառնալիքը:

Ադրբեջանաթուրքական ագրեսիան՝ միջազգային ահաբեկաչական տարբեր խմբաւորումների ներգրաւմամբ, վերածւել է գլոբալ անվտանգութեանն ուղղւած իրական սպառնալիքի:

Հայութեան համար հայրենականի վերածւած պատերազմը նոր ծաւալներ է ստանում՝ յանգեցնելով մեծաթիւ անդառնալի կորուստների: Պատերազմը սանձազերծած ագրեսորները՝ Ադրբեջանն ու Թուրքիան անհաղորդ են միջազգային հանրութեան՝ անյապաղ հրադադար հաստատելու եւ ռազմական ճանապարհով հիմնախնդրի լուծումը բացառելու պահանջներին: Աւելին, առաջին իսկ պահից Ադրբեջանը խախտել է Ռուսաստանի Դաշնութեան միջնորդութեամբ ձեռք բերւած հումանիտար հրադադարի հաստատման համաձայնութիւնը:

Օրհասական այս իրավիճակում՝ ռազմական, քաղաքական եւ դիւանագիտական ճակատներում բեկում մտցնելը հրամայական է: Ստեղծւած կացութիւնը համազգային ներուժի ամբողջական եւ աննախադէպ զօրաշարժ է պահանջում:

Դիմում ենք ՀՀ կառավարութեանը եւ պահանջում.

1. Հրատապ կարգով ստեղծել ռազմաքաղաքական հարցերի օպերատիւ կառավարման շտաբ-պետական յատուկ մարմին՝ օժտելով նրան որոշումներ ընդունելու, օպերատիւ գործողութիւններ ծրագրելու եւ համակարգելու իրաւասութիւններով: 

2. Հայրենքի պաշտպանութիւնն արդիւնաւէտ կազմակերպելու համար ներգրաւել Հայաստանի եւ Արցախի Հանրապետութիւնների նախկին եւ գործող նախագահներին, վարչապետներին, պաշտպանութեան եւ արտաքին գործերի նախարարներին, ռազմական եւ քաղաքական փարձառութիւն ունեցող այլ անձանց: 

 

«Ազատութիւն» կուսակցութիւն

«Ազգային օրակարգ» կուսակցութիւն

«Ազգային ժողովրդավարական միութիւն» կուսակցութիւն

«Ազգային ինքնորոշում միավորում» կուսակցութիւն

«Երկիր Ծիրանի» կուսակցութիւն

«Ժառանգութիւն» կուսակցութիւն

«Համերաշխութիւն» կուսակցութիւն

«Հայ Յեղափոխական Դաշնակցութիւն»

«Հայաստանի դեմոկրատական կուսակցութիւն»

«Հայաստանի Հանրապետական կուսակցութիւն»

«Հայրենիք» կուսակցութիւն

«Յանուն սոցիալական արդարութեան» կուսակցութիւն

«Մէկ Հայաստան» կուսակցութիւն 

Յայտարարութիւնը բաց է ստորագրման համար:

Յարակից լուրեր

  • ՀՅԴ Հայաստանի Գերագոյն մարմնի յայտարարութիւնը
    ՀՅԴ Հայաստանի Գերագոյն մարմնի յայտարարութիւնը

    2021 թ. դեկտեմբերի 5-ին Հայաստանի 36 խոշորացւած համայնքներում տեղի ունեցած ՏԻՄ համամասնական ընտրութիւնները գործող ազգակործան իշխանութիւններին դիմադրելու հերթական հնարաւորութիւնն էր: Գրանցւած յաջողութիւների առումով ՀՅԴ-ն ընդդիմադիր դաշտի առաջատար ուժն է: Կուսակցութիւնը՝ առանձնաբար եւ դաշինքներով, յաջողութիւն է գրանցել 18 համայնքներում եւ, կոալիցիոն ձեւաչափով, տեղական իշխանութիւն կը ձեւաւորի ՀՀ Շիրակի մարզի Ախուրեան համայնքում: Նախատեսւում է համագործակցութիւն ծաւալել նաեւ այլ համայնքների ընդդիմադիր, առողջ ուժերի հետ:

  • ՄԽ համանախագահները ցաւում են, որ Հայաստանի եւ Ադրբեջանի ԱԳ նախարարների հանդիպում չի կայացել
    ՄԽ համանախագահները ցաւում են, որ Հայաստանի եւ Ադրբեջանի ԱԳ նախարարների հանդիպում չի կայացել

    ԵԱՀԿ Մինսկի խմբի համանախագահներ ռուսաստանցի Իգոր Խովաեւը, ամերիկացի Էնդրիւ Շոֆէրը եւ ֆրանսիացի Բրիս Ռոքֆէյն յայտարարութիւն են տարածել՝ անդրադառնալով Ստոկհոլմում Հայաստանի եւ Ադրբեջանի արտգործնախարարների չկայացած հանդիպմանը։

  • Հրապարակւել է Պուտին-Փաշինեան-Ալիեւ եռակողմ հանդիպման արդիւնքներով ընդունւած յայտարարութիւնը
    Հրապարակւել է Պուտին-Փաշինեան-Ալիեւ եռակողմ հանդիպման արդիւնքներով ընդունւած յայտարարութիւնը

    Հայաստանի Հանրապետութեան վարչապետ Նիկոլ Փաշինեանը, Ռուսաստանի Դաշնութեան նախագահ Վլադիմիր Պուտինը եւ Ադրբեջանի նախագահ Իլհամ Ալիեւը եռակողմ հանդիպման արդիւնքներով ընդունել են համատեղ յայտարարութիւն: Այս մասին յայտնում է ՀՀ վարչապետի աշխատակազմը:

  • «ՀՀ մերօրեայ իշխանութիւնները ոչ մի կերպ պատրաստ չեն պետական մասշտաբով հայրենադարձութիւն կազմակերպել». Յակոբ Բագրատունի
    «ՀՀ մերօրեայ իշխանութիւնները ոչ մի կերպ պատրաստ չեն պետական մասշտաբով հայրենադարձութիւն կազմակերպել». Յակոբ Բագրատունի

    ՀՅԴ Հայաստանի Գերագոյն մարմնի Հայրենադարձների խորհրդատւութեան գրասենեակի նախաձեռնութեամբ նոյմբերի 20-ին հանդիպում է տեղի ունեցել Հայաստանում գտնւող ՀՅԴ Լիբանանի Կենտրոնական կոմիտէի ներկայացուցիչ եւ Լիբանանի ԱԺ-ում Հայկական պատգամաւորական խմբի նախագահ Յակոբ Բագրատունիի եւ հայրենադարձ լիբանանահայերի միջեւ։

  • Յայտարարութիւն Հ.Յ.Դաշնակցութեան Արեւմտեան Ամերիկայի Կեդրոնական Կոմիտէի
    Յայտարարութիւն Հ.Յ.Դաշնակցութեան Արեւմտեան Ամերիկայի Կեդրոնական Կոմիտէի

    Սիրելի Հայրենակիցներ,

    Լրատուամիջոցներէն տեղեակ էք, որ Երեքշաբթի, 16 Նոյեմբեր 2021-ի յետմիջօրէի ժամը 1-ին (տեղական ժամանակով), Ատրպէյճանը նոր յարձակում շղթայազերծեց Հայաստանի դէմ, Սիւնիքի հատուածէն ներս։ Բախումները դադրեցան երեկոյեան 6։30-ին, ռուսական միջնորդութեամբ։ Հայկական բանակը ունի նահատակներ եւ նոր գերիներ։ Թշնամին եւս ունի սպաննուածներ, սակայն դժբախտաբար, գրաւած է ՀՀ հողամասերէն 41 քառակուսի քիլոմեթր տարածք։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։