Հա

Ազգային

21/11/2020 - 09:00

Լոյս է տեսել ՀՅԴ պաշտօնաթերթ «Դրօշակ»-ի 11-րդ համարը

Նոյեմբերի 19-ից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 11-րդ համարը: Բնականաբար համարի նիւթերի մեծ մասը նւիրւած է պատերազմին եւ վերջինիս հետ առնչւող իրադարձութիւններին: Համարի «Հարցազրոյց» խորագրի ներքոյ հրապարակւել է Բէյրութի «Վանայ ձայն» ձայնասփիւռի հարցազրոյցը ՀՅԴ Բիւրոյի անդամ Յակոբ Խաչերեանի հետ:

Նոյեմբերի 19-ից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 11-րդ համարը: Բնականաբար համարի նիւթերի մեծ մասը նւիրւած է պատերազմին եւ վերջինիս հետ առնչւող իրադարձութիւններին: Համարի «Հարցազրոյց» խորագրի ներքոյ հրապարակւել է Բէյրութի «Վանայ ձայն» ձայնասփիւռի հարցազրոյցը ՀՅԴ Բիւրոյի անդամ Յակոբ Խաչերեանի հետ: Ծաւալուն հարցազրոյցի մէջ Յակոբ Խաչերեանը անդրադարձել է պատերազմի ինչպէս եւ սրան նախորդող ու յաջորդող իրադարձութիւններին՝ մանրամասնութիւններ եւ մեկնաբանութիւններ ներկայացնելով ՀՀ իշխանութեան ու մասնաւորապէս երկրի վարչապետի քայլերի վերաբերեալ: Միաժամանակ լուսաբանւում է յիշեալ ժամանակահատւածում ՀՅԴ Բիւրոյի եւ ողջ կուսակցութեան գործունէութիւնը՝ ուղղւած պատերազմի մէջ գտնւող հայրենիքին համակողմանի աջակցութեանը: Ինչպէս նշւեց հարցազրոյցում ընթացքում ներկայացւում են բաւականին մանրամասներ ու գնահատականներ խնդրոյ առարկայ յայտնի իրադարձութիւնների վերաբերեալ եւ վստահ ենք, որ ընթերցողը այն կը կարդայ հետաքրքրութեամբ:

Պաշտօնաթերթը ներկայացնում է նաեւ պատերազմի սկսւելուց ժամեր անց Երեւանում, Արամ Մանուկեանի արձանի դիմաց տեղի ունեցած ՀՅԴ կամաւորների համախմբման ժամանակ, «Կամաւորական շարժում» ՀԿ նախագահ Հրանտ Մարգարեանի ելոյթը: Այս ելոյթում, ըստ էութեան արտայայտելով կուսակցութեան դիրքորոշումը Հրանտ Մարգարեանը յայտարարեց, որ այդ պահից քաղաքական բոլոր տարաձայնութիւնները մի կողմ են դրւում, յանուն թշնամու դէմ ազգային միասնականութեան ապահովման: Դաշնակցական կամաւորների կազմակերպութեան ղեկավարը նաեւ յայտարարեց, որ ՀՅԴ կամաւորականների առաջին վաշտը այդ պահից մեկնում է պատերազմի դաշտ, իսկ նրան կը հետեւեն միւս վաշտերը:

Պաշտօնաթերթի սոյն համարում զետեղւած է նաեւ ՀՅԴ Բիւրոյի նոյեմբերի 12-ի յայտարարութիւնը, որում մասնաւորապէս ասւում է, որ ՀՀ Վարչապետի ստորագրած խաղաղութեան հաստատման վերաբերեալ յայտարարութիւնը պարտւողական ու նւաստացուցիչ փաստաթուղթ լինելով ոչ միայն. «Մեծագոյն յանցագործութիւն է հայրենիքի եւ ողջ հայ ազգի շահերի, իղձերի եւ նպատակների նկատմամբ, այլ նաեւ միանշանակօրէն վտանգում եւ ոտնահարում է հայ ժողովրդի ներկայ եւ գալիք սերունդների` անկախ, անվտանգ եւ զարգացող երկրում ապրելու եւ արժանապատիւ ապագայ կառուցելու բացարձակ իրաւունքը»։ Այս յայտարարութեամբ ՀՅԴ բարձրագոյն ղեկավար մարմինը բարձրացնում է Նիկոլ Փաշինեանի հրաժարականի հարցը:

«Դրօշակ»-ը ներկայացնում է յօդւածներ, ուր պատերազմի թէժ շրջանում արտացոլւած են Ռուսաստանի, Վրաստանի եւ Ֆրանսիայի քաղաքական պաշտօնական շրջանակների դիրքորոշումները յիշեալ իրադարձութիւնների վերաբերեալ:

Վաչէ Բրուտեանը քննելով նորանկախ Հայաստանի քաղաքական եւ գաղափարական հենքի հարցը ցաւով նշում է, որ անցեալի ուսանելի փորձը ներկայի իրարայաջորդ կառավրողները չփորձեցին ուսումնասիրել եւ իւրացնել ու այդ ճանապարհին մնացին վտանգաւոր խարխափումների մէջ:

Անցեալի դասերի առումով ուշագրաւ զուգահեռներ է ներկայացնում պատմաբան Անի Մելքոնեանը՝ անդրադառնալով 1920 թւականի ճիշտ այս նոյն ժամանակաշրջանում Հայաստանի դէմ ձեռնարկւած թուրքական ինտերւենցիային:

«Դրօշակ»-ի ընթերցողը պաշտօնաթերթի ներկայ համարում կը գտնի այլ հետաքրքրական հրապարակումներ եւս:

 

Ներբեռնել համարը «Դրօշակ» թիւ 11 2020 

Յարակից լուրեր

  • «Դրօշակ»-ի առաջնորդող. Նոր պատերազմ, հին դասեր
    «Դրօշակ»-ի առաջնորդող. Նոր պատերազմ, հին դասեր

    Սեպտեմբերի 27-ին Ադրբեջանը հերթական պատերազմը սանձազերծեց: Երբ դեռ թարմ են տաւուշեան դասերը, հարց է ծագում, թէ ինչու Ադրբեջանը նախաձեռնեց նոր արկածախնդրութիւն: Միւս կողմից` ադրբեջանական իշխանութիւնների` վերջին շաբաթների ագրեսիւ հռետորաբանութիւնը, ռազմական միջոցների եւ վարձկան ծայրայեղականների ակտիւ ներմուծումը երկիր իրական էին դարձնում հնարաւոր պատերազմի հաւանականութիւնը:

  • Լոյս է տեսել ՀՅԴ պաշտօնաթերթ «Դրօշակ»-ի տասներորդ համարը
    Լոյս է տեսել ՀՅԴ պաշտօնաթերթ «Դրօշակ»-ի տասներորդ համարը

    Հոկտեմբերի 1-ին լոյս է տեսել ՀՅԴ Բիւրոյի պաշտօնաթերթ «Դրօշակ»-ի տասներորդ համարը: Բնականաբար պաշտօնաթերթը չէր կարող շրջանցել այս օրերի «ամենատաք» իրադարձութիւնները, Արացախում ու Հայաստանի սահմանային գօտում ծաւալւող պատերազմի թեման: Այս թեմային է նւիրւած «Դրօշակ»-ի առաջնորդողը:

  • Լոյս է տեսել ՀՅԴ պաշտօնաթերթ «Դրօշակ»-ի իններորդ համարը
    Լոյս է տեսել ՀՅԴ պաշտօնաթերթ «Դրօշակ»-ի իններորդ համարը

    Սեպտեմբերի 1-ից համացանցի վրայ է ՀՅԴ Բյուրոյի պաշտօնաթերթ «Դրօշակ»-ի իններորդ համարը: Ընթերցողը կը նկատի, որ պաշտօնաթերթի սեպտեմբերեան համարի առանցքում երկու կարեւորագոյն իրադարձութիւններ են՝ Հայաստանի եւ Արցախի անկախութեան տարեդարձերը: Հայկական երկու պետութիւնների անկախացման իրողութեան, անցած ճանապարհի եւ առկայ մարտահրաւէրների շուրջ է «Դրօշակ»-ի հարցազրոյցը ՀՅԴ Բիւրոյի նախագահ Արմէն Ռուստամեանի հետ:

  • Լոյս է տեսել ՀՅԴ պաշտօնաթերթ «Դրօշակ»-ի ութերորդ համարը
    Լոյս է տեսել ՀՅԴ պաշտօնաթերթ «Դրօշակ»-ի ութերորդ համարը

    Օգոստոսի 1-ից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 8-րդ համարը: Ամսագիրը թերթելով նկատելի է, որ վերջինիս էջերում հիմնականում ներկայացւած են Սեւրի պայմանագրի թեման եւ երիտասարդութեանը նւիրւած հրապարակումներ:

  • Լոյս է տեսել ՀՅԴ պաշտօնաթերթ «Դրօշակ»-ի եօթերորդ համարը
    Լոյս է տեսել ՀՅԴ պաշտօնաթերթ «Դրօշակ»-ի եօթերորդ համարը

    Յուլիսի 1-ից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 7-րդ համարը: Քայլ պահելով օրւայ հեւքի հետ հրապարակւած համարը գլխաւորաբար անդրադառնում է Հայաստանի ներքաղաքական կեանքին: Պաշտօնաթերթի «Հարցազրոյց» խորագրի ներքոյ տւեալ հարցի մասին խօսում է ՀՅԴ Բիւրոյի անդամ Վիգէն Բաղումեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։