Հա

Ազգային

01/12/2020 - 13:30

Յաղթահարելու համար ճգնաժամը

Պատերազմի դաշտին վրայ կրած պարտութեամբ թէ քաղաքական-դիւանագիտական ապաշնորհ քաղաքականութեամբ, 9 Նոյեմբերէն 1 Դեկտեմբեր, «Իմ քայլ»ական իշխանութիւնները քայլ առ քայլ գործադրեցին Արցախի անձնատուական համաձայնագիրը՝ թշնամիին յանձնելով տասնամեակներէ ի վեր բանակցութիւններու նիւթ դարձած հայկական պատմական եօթը շրջաններ, առաւել՝ վերջին պատերազմին կորսնցուցած տարածքներ, գիւղեր, ընդ որում՝ հերոսական պայքարի, յաղթանակի ու հպարտութեան խորհրդանիշ Շուշի բերդաքաղաքը։

ՎԻԳԷՆ ԱՒԱԳԵԱՆ

 

Պատերազմի դաշտին վրայ կրած պարտութեամբ թէ քաղաքական-դիւանագիտական ապաշնորհ քաղաքականութեամբ, 9 Նոյեմբերէն 1 Դեկտեմբեր, «Իմ քայլ»ական իշխանութիւնները քայլ առ քայլ գործադրեցին Արցախի անձնատուական համաձայնագիրը՝ թշնամիին յանձնելով տասնամեակներէ ի վեր բանակցութիւններու նիւթ դարձած հայկական պատմական եօթը շրջաններ, առաւել՝ վերջին պատերազմին կորսնցուցած տարածքներ, գիւղեր, ընդ որում՝ հերոսական պայքարի, յաղթանակի ու հպարտութեան խորհրդանիշ Շուշի բերդաքաղաքը։

Այսպէս, նուազ քան ամսուան մը ընթացքին, Արցախի անձնատուական համաձայնութեամբ թշնամին հասաւ մեր դռները՝ Վարդենիս, Կապան, Գորիս ու Մեղրի, վտանգելով Հայաստանի հարաւային ամբողջ դարպասը՝ Սիւնեաց աշխարհն ու Զանգեզուրը։

Թշնամին տիրացաւ ջուրի, ոսկիի եւ հանքային մետաղներու հարուստ պաշարներու, նաեւ՝ անասնապահական եւ երկրագործական հսկայական կարելիութիւններու, որոնք աւելի քան քառորդ դար հանդիսացան Հայաստանի զարգացման բնական երաշխիքները։

Այսօր, այդ բոլորը չկան, որովհետեւ մենք պարտուած ենք պատերազմ մը, որմէ պէտք է խուսափէինք, քանի չէինք կրնար յաղթել զայն։

Մեր ժողովուրդը իր դարաւոր բնօրրանին կարեւոր մէկ հատուածին մէջ կորսնցուցած է հաւաքական իր կեանքը, պատմական շէներն ու մշակութային դարաւոր արժէքները։

Մեր հայրենիքը կորսնցուցած է սքանչելի երիտասարդութիւն մը, որ մեծագոյն ուժն ու հարստութիւնն է, անտարակոյս։

Մեր իշխանութիւնները կորսնցուցած են այն երեք նպատակները, որոնցմով կը կարծէին լուծել Արցախի հարցը.-

Ա) Արցախի ղեկավարութիւնը բերել բանակցութիւններու սեղանին շուրջ։

Բ) Արցախի հարցով որեւէ լուծում ընդունելի ըլլայ հակամարտ երեք ժողովուրդներու՝ Հայաստանի, Արցախի եւ Ազրպէյճանի համար,

Գ) Արցախի անկախութեան կարելիութեան ստեղծում՝ թէկուզ ոչ-մօտիկ ապագային։

Ազգովին կորսնցուցած ենք շա՛տ բան, իսկ ամէնէն վտանգաւորը՝ կորսնցուցած ենք մեր հպարտութիւնն ու արժանապատուութիւնը, կորսնցուցած ենք մեր անկախութիւնը եւ գերիշխանութեան կարեւոր մէկ մասը։

Ահա թէ ո՛ւր առաջնորդեց «Իմ քայլ»ական իշխանութիւնը մեր ժողովուրդն ու հայրենիքը։ Ու պէտք չէ զարմանալ, եթէ այսօր պարտութիւն եւ նուաստացում կը կաթի մեր ժողովուրդի զաւակներու դէմքերէն, հազարաւոր զոհերու եւ կորսուած հայրենիքի ցաւն է որ կը մղկտայ անոնց սրտերէն։

Ուրախ չե՛նք։ Դառնացած ու վիրաւորուած ենք Արցախ, Հայաստան թէ Սփիւռք, որովհետեւ մեր հայրենիքի թիւ մէկ ղեկավարն ու զինեալ ուժերու գերագոյն հրամանատարը դարձած է մեր պարտութեան եւ դաւաճանութեան, մեր նուաստացած պետականութեան խորհրդանիշը։

Եւ ճիշդ այս պատճառով կը պահանջենք ու կը կրկնենք, որ ան պէտք է անպայման հեռանայ, որպէսզի իշխանութեան գան իրենց ուսերուն եւ խիղճին վրայ պարտուածի, վարկաբեկուածի եւ դաւաճանի ծանր բեռը չունեցող մարդիկ, որոնք անմիջականօրէն լծուին՝

- Հայաստան-Արցախ մեր նոր սահմաններու յստակացման ու պաշտպանութեան։

- Մեր ռազմագերիներու եւ անյայտ կորսուածներու ճակատագիրին ճշդորոշման։

- Մեր վիրաւորներու եւ հաշմանդամներու բուժման աշխատանքներու կազմակերպման։

- Գաղթական արցախցիներու տունդարձի կազմակերպման, իսկ անտուն գաղթականներու Հայաստանի մէջ անմիջական կարիքներու հոգացման։

- Մեր բանակին վերակազմակերպման։

- Մեր երկրի բռնապետական վարչակազմին ստեղծած բարոյական, քաղաքական, տնտեսական, ընկերային խոր ճգնաժամին յաղթահարման։

Յարակից լուրեր

  • Հայաստանի արտահերթ ընտրութիւններու սեմին` հարցազրոյց ՀՅԴ Բիւրոյի անդամ Բենիամին Պչաքճեանին հետ (Շար. 2 եւ վերջ)
    Հայաստանի արտահերթ ընտրութիւններու սեմին` հարցազրոյց ՀՅԴ Բիւրոյի անդամ Բենիամին Պչաքճեանին հետ (Շար. 2 եւ վերջ)

    «Հայաստան 20 յունիսի ընտրութիւններու սեմին» խորագիրով «Վանայ ձայն»-էն կատարուած հարցազրոյցի մը ընթացքին օրուան հիւրը` ՀՅԴ Բիւրոյի անդամ Բենիամին Պչաքճեան խօսեցաւ Հայաստանի մէջ տիրող քաղաքական ընդհանուր պատկերին, ընտրութիւններու կարեւորութեան եւ անոնց հետեւանքներուն, ինչպէս նաեւ Դաշնակցութեան ուղեգիծին մասին: Հարցազրոյցը վարեց «Վանայ ձայն»-ի տնօրէն Վիգէն Աւագեան:

  • Հայաստանի արտահերթ ընտրութիւններու սեմին` հարցազրոյց ՀՅԴ Բիւրոյի անդամ Բենիամին Պչաքճեանին հետ (Շար. 1)
    Հայաստանի արտահերթ ընտրութիւններու սեմին` հարցազրոյց ՀՅԴ Բիւրոյի անդամ Բենիամին Պչաքճեանին հետ (Շար. 1)

    «Հայաստան 20 յունիսի ընտրութիւններու սեմին» խորագիրով «Վանայ ձայն»-էն կատարուած հարցազրոյցի մը ընթացքին օրուան հիւրը` ՀՅԴ Բիւրոյի անդամ Բենիամին Պչաքճեան խօսեցաւ Հայաստանի մէջ տիրող քաղաքական ընդհանուր պատկերին, ընտրութիւններու կարեւորութեան եւ անոնց հետեւանքներուն, ինչպէս նաեւ Դաշնակցութեան ուղեգիծին մասին: Հարցազրոյցը վարեց «Վանայ ձայն»-ի տնօրէն Վիգէն Աւագեան:

  • Քննադատե՞լ. Ինչո՞ւ եւ ինչպէ՞ս
    Քննադատե՞լ. Ինչո՞ւ եւ ինչպէ՞ս

    Հաւաքական մեր տկարութիւններն ու թերութիւնները յաճախ հետեւանք են առողջ քննադատութեան բացակայութեան:

    Քննադատութեան պակասը զգալի է մեր իրականութեան մէջ, որովհետեւ գրաւոր թէ ելեկտրոնային մամուլի էջերէն կամ հրապարակային բեմերէն հազուադէպօրէն կը լսուին քննադատական ձայներ: Փոխարէնը` մարդիկ կա՛մ ընդհանրապէս լուռ կ՛անցնին սխալներու վրայէն եւ կա՛մ աժան բամբասանքով քննադատութիւնը կը պարպեն իր իմաստէն:

  • Հակադիր երկու պատկեր, հազար ափսոսանք
    Հակադիր երկու պատկեր, հազար ափսոսանք

    Դժբախտաբար, աշխարհը միայն ուժի լեզուէն կը հասկնայ։

    30 տարի պաղեստինցիք քարերով դէմ դրին թշնամիին եւ արդիւնքը եղաւ այն, որ Իսրայէլ նախ Այսրյորդանանը եւ ապա Կոլանը կցեց իրեն, մայրաքաղաքը Թել Աւիւէն Երուսաղէմ փոխադրեց եւ բնակեցման իր վայրերը բազմացուց՝ աշխարհի անտարբեր աչքերուն դիմաց։

  • Դէպի ուժեղ Հայաստան
    Դէպի ուժեղ Հայաստան

    Յետ-հաշուարկը սկսած է Հայաստանի մէջ։

    Հայութիւնը յուսադրիչ տրամադրութիւններով կը նշէ մինչեւ 20 Յունիս, «Իմ քայլ»-ական իշխանութեան 6 շաբաթ մնացած ըլլալու իրողութիւնը, յառաջիկայ ընտրութիւններով անկէ ձերբազատելու կամ, նուազագոյնը, չարիքը նուազագոյնի իջեցնելու հաւատքով եւ համոզումով։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։