Հա

Ազգային

02/12/2020 - 11:35

«Անջրպետը Սփիւռքի եւ ՀՀ իշխանութիւնների միջեւ է». Հրաչ Վարժապետեանի պատասխանը՝ Զարեհ Սինանեանին

Սփիւռքի գործերի գլխաւոր յանձնակատար Զարեհ Սինանեանը «Արմէնպրես»-ին տւած հարցազրոյցում յայտարարել էր, թե ՀՀ-Սփիւռք յարաբերութիւններում անջրպետ կայ, վստահութեան սարսափելի ճգնաժամ:

168.am-ի հետ զրոյցում ՀՅԴ Արեւմտեան Եւրոպայի Կենտրոնական Կոմիտէի ներկայացուցի Հրաչ Վարժապետեանը նշեց, որ Հայաստանի եւ Սփիւռքի միջեւ անջրպետ գոյութիւն չունի եւ չի էլ ունեցել:

«alikonline.ir» - Սփիւռքի գործերի գլխաւոր յանձնակատար Զարեհ Սինանեանը «Արմէնպրես»-ին տւած հարցազրոյցում յայտարարել էր, թե ՀՀ-Սփիւռք յարաբերութիւններում անջրպետ կայ, վստահութեան սարսափելի ճգնաժամ:

168.am-ի հետ զրոյցում ՀՅԴ Արեւմտեան Եւրոպայի Կենտրոնական Կոմիտէի ներկայացուցի Հրաչ Վարժապետեանը նշեց, որ Հայաստանի եւ Սփիւռքի միջեւ անջրպետ գոյութիւն չունի եւ չի էլ ունեցել:

«Համաձայն չեմ, որ անջրպետ գոյութիւն ունի Սփիւռքի եւ Հայաստանի միջեւ, անջրպետը Սփիւռքի եւ ՀՀ իշխանութիւնների միջեւ է: Դրանք տարբեր բաներ են: ՀՀ իշխանութիւններ ասւածը չի նշանակում ամբողջ Հայաստանը, մանաւանդ՝ ներկայ իշխանութիւնները: Կրկնում եմ՝ անջրպետ գոյութիւն ունի ՀՀ իշխանութիւնների եւ Սփիւռքի միջեւ, ինչպէս անջրպետ գոյութիւն ունի ընդհանրապէս հայութեան եւ իշխանութիւնների միջեւ: Իսկ այդ անջրպետը, որ նրանց ուղեղի մէջ 2.5 տարի է գոյութիւն ունի, որովհետեւ դա իրենց քաղաքական վարքագիծն է: Հէնց առաջին օրից Սփիւռքի հետ յարաբերութիւնները խզելու յատուկ ծրագրւած քաղաքականութիւն վարեցին գործող իշխանութիւնները եւ փորձեցին հասնել այդ նպատակին՝ փակելով Սփիւռքի նախարարութիւնը, որի պատճառով անջրպետ գոյացաւ իրենց վարչախմբի եւ Սփիւռքի միջեւ:

Ամէն ինչ այդտեղից սկսւեց, եթէ նախարարութեան գործունէութեան մէջ յատուկ արդիւնաւէտութիւն չէին տեսնում, կարող էին այն բարելաւել, բայց ոչ թէ փակէին նախարարութիւնը: Ահա այստեղ ի յայտ եկաւ իրենց վարած յատուկ քաղաքականութիւնը, եւ, ի վերջոյ, ՀՀ վարչապետն իր դիկտատորական սիստեմով յանձնակատար նշանակեց, որը միայն իրեն հաշւետու լինի: Իսկ ով է այդ յանձնակատարը, իրենից ինչ է ներկայացնում, ինչ է անում Սփիւռքի համար եւ Սփիւռքում: Փաստը ցոյց տւեց, որ 2.5 տարւայ մէջ ինքը որեւէ տեղում չընդունւեց: Այսինքն, Զարեհ Սինանեանը որոշ անհատների կողմից միայն ընդունւեց, բայց Սփիւռքի հիմնական կազմակերպութիւնները, աւանդական կուսակցութիւնները, ազդեցիկ միութիւնները ոչ մի յարաբերութիւն չունեցան այս մարդու հետ, ոչ մի կապ չստեղծւեց:

Եւ նա Սփիւռքում երկրորդական, երրորդական դէմքերի հետ փորձեց յարաբերութիւններ մշակել: Այնպէս որ, Զարեհ Սինանեանն այս իմաստով վերջին խօսողը պիտի լինի: Ինքն իրենից բան չներկայացնող արարած է: Այո, վերը նշւած պատճառներով այդ փոքր վարչախմբի եւ Սփիւռքի միջեւ անջրպետ առաջացաւ: Իսկ Սփիւռքը շարունակեց աջակցել ՀՀ-ին, իր կապերը պահեց եւ միշտ էլ պիտի պահի՝ ի հեճուկս իրենց բոլոր չարախօսութիւնների: Հայաստանը մեզ համար իշխանութիւնները չեն, Հայաստանը մեզ համար հայրենիք է, պետականութիւն, եւ մենք Հայաստանն այս ձեւով ենք տեսնում»,- նշեց Հրաչ Վարժապետեանը:

Ֆրանսաբնակ հասարակական-քաղաքական գործիչը շարունակեց, որ ե՛ւ այս, ե՛ւ Արցախի կապիտուլեացիայի պատճառով Սփիւռքից եւս պահանջում են Նիկոլ Փաշինեանի եւ այս իշխանութիւնների հրաժարականը, խօսքը, մասնաւորապէս, վերաբերում է Հայ Յեղափոխական Դաշնակցութեանը:

Հարցին՝ ժամանակին իշխանութիւնները պնդում էին, թէ Սփիւռքը, մեծ հաշւով, աջակցել է թաւշեայ յեղափոխութեանը, Հրաչ Վարժապետեանն ասաց, որ ճիշտ չէ տոկոսային լեզւով խօսել՝ Սփիւռքի այսքան տոկոսը հետս է, կամ հետս չէ:

«Սփիւռքում մի քանի արւեստագէտներ աջակցեցին, որոնց դուք լաւ գիտէք: Բայց այդ անհատները չեն, որ ներկայացնում են Սփիւռքը: Սփիւռքը ներկայացնողը հիմնական աւանդական կուսակցութիւններն են, նրանց շուրջ համախմբւած տասնեակ միութիւնները, կաթողիկոսութիւնը եւ այլն: Նրանք են Սփիւռքը ձեւաւորողը եւ ներկայացնողը շուրջ 70 տարի, ոչ թէ հատուկենտ անհատները, նորելուկ, նոր բուսնած կազմակերպութիւններ, որոնք ոչ մի նշանակութիւն, շրջապատ չունեն»,- եզրափակեց Հրաչ Վարժապետեանը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։