Հա

Ազգային

04/01/2021 - 12:50

Նոր տարի, նոր ծնունդ, նոր յոյս

2020 տարին Հայաստանին ու հայութեան համար եղաւ ձախողութիւններու շարունակական շրջափուլ մը: Տնտեսական սուր տագնապ, «Քորոնա» ժահրի տարածում, Պէյրութի նաւահանգիստի պայթում, Ազրպէյճանի յարձակում Արցախի վրայ ու պարտութիւն յաջորդեցին իրարու: Վերջինը, իր աւարտը աւետող արձանագրութեամբ, եղաւ ամէնէն աղէտալին: Կորսնցուցինք Արցախի Հանրապետութեան երեք քառորդը, ունեցանք տակաւին վերջնականապէս չճշդուած համրանքով, սակայն հինգ հազարը գերազանցող զոհեր, տասնեակ հազար վիրաւորներ ու դեռ հարիւրաւոր անհետ կորածներ, ռազմագերիներ:

ՏԻԳՐԱՆ ՃԻՆՊԱՇԵԱՆ

 

2020 տարին Հայաստանին ու հայութեան համար եղաւ ձախողութիւններու շարունակական շրջափուլ մը: Տնտեսական սուր տագնապ, «Քորոնա» ժահրի տարածում, Պէյրութի նաւահանգիստի պայթում, Ազրպէյճանի յարձակում Արցախի վրայ ու պարտութիւն յաջորդեցին իրարու: Վերջինը, իր աւարտը աւետող արձանագրութեամբ, եղաւ ամէնէն աղէտալին: Կորսնցուցինք Արցախի Հանրապետութեան երեք քառորդը, ունեցանք տակաւին վերջնականապէս չճշդուած համրանքով, սակայն հինգ հազարը գերազանցող զոհեր, տասնեակ հազար վիրաւորներ ու դեռ հարիւրաւոր անհետ կորածներ, ռազմագերիներ:

Աղէտը այնքան մեծ է, այնքան տարողունակ, որ հայ հանրութիւնը չի յաջողիր զայն խորաչափել, կ՛իյնայ տեղատուական թմբիրի մէջ, ու նոյնիսկ ոմանք ռուսական միջամտութեան մէջ կը տեսնեն իրենց ցաւերուն դարմանը, արցախեան շարժման սկիզբէն ի վեր ու Հայաստանի Հանրապետութեան անկախութենէն ետք ստեղծուած տագնապներուն երջանիկ հանգուցալուծումը:

Արդեօ՞ք ականատես ենք ռուս-թրքական հերթական դաւադրութեան մը իրականացման: Արդեօ՞ք վկաներն ենք գործարքի մը, ի հաշիւ Հայաստանի ու Արցախի հանրապետութիւններու հողային ամբողջականութեան, հայութեան բնօրրանին մասնատման: Արդեօ՞ք մեզի կը հրամցուի դիպաշար մը, որուն աւարտը Հայաստանի ինքնիշխանութեան ու անկախութեան վերացումն է:

Այս մտածումները, որոնք շրջանառութեան մէջ կը գտնուին, կը պահանջեն սթափ, լուրջ ու բազմակողմանի քննարկում: Սակայն հայ ազգային լսարանը ողողուած է խժալուր աղմուկով մը, որ առնուազն անյարիր է պարզուած կացութեան:

Ազգային մեծագոյն աղէտով պայմանաւորուած անփառունակ տարուան ողջերթ մաղթելու պահուն մեր հայեացքը կը սեւեռենք գալիքին` Նոր տարուան: Նոր տարին կը սկսինք Ծննդեան տօնով, որ նորոգումի, նոր կենդանութեան ցուցանիշ է: Է՛ նաեւ ճշմարիտի, սուտի ու սխալի յաղթահարման գրաւական:

Աշնանային պատերազմի ամբողջ տեւողութեան, եղերական նոյեմբեր 9-էն ետք եւս, ճշմարտութեան բացայայտումը չեղաւ պատահածին համահունչ լրջախոհութեամբ, պատմական վտանգալից հանգրուանին համարժէք մօտեցումով ու պատասխանատուութեան գիտակցումով:

Յուսախաբուած ու պատրանաթափ հայ ժողովուրդին անհրաժեշտ է թմբիրէն զարթեցնող քայլ մը, ազգային պատասխանատու նախաձեռնութիւն մը, որ կ՛ուշանայ:

Նոր տարուան այս սեմին ապագայ դրական տեսիլքի մը շուրջ պէտք է միաւորել ազգը: Այս նպատակով, պէտք է մէկդի դրուի երկար ատենէ ի վեր գործածութեան դրուած ազգը պառակտող ժխտական ու տգեղ եզրաբանութիւնը, ինչպէս նաեւ անաչառ ու տրամաբանական վերլուծման փոխարէն ամբաստանելու ու վարկաբեկելու վատ սովորութիւնը:

Շեշտը դնենք դրականին, ազգը գաղափարի շուրջ միաւորող, կորսուածը վերադարձնող ծրագիրներու կենսաւորման վրայ: Պայծառ ապագայի տեսլականով` պայքարի ջահը վառ պահելու, նորոգ կազմակերպուելու հրատապութեան վրայ:

Նոր տարի, նոր ծնունդ, նոր յոյս:

«Ազդակ»

Յարակից լուրեր

  • Ժողովուրդը պիտի ըսէ իր վճռական խօսքը
    Ժողովուրդը պիտի ըսէ իր վճռական խօսքը

    Թէ՛ Լիբանանի եւ թէ՛ Հայաստանի մէջ կը տիրէ քաղաքական անորոշութեան վտանգաւոր վիճակ:

    Լիբանանի փլուզուած պետական համակարգը վերակառուցման կարիք ունի: Արմատական տարակարծութիւններ ունեցող քաղաքական փտած վերնախաւը ի վիճակի չեղաւ նոյնիսկ ֆրանսական հոգատարութեամբ լուծում մը առաջադրելու, հակառակ տրուած խոստումներուն: 

  • Առարկայական Ու Ենթակայական Ազդակներու Փոխազդեցութիւնը
    Առարկայական Ու Ենթակայական Ազդակներու Փոխազդեցութիւնը

    Աւելի քան երեք ամիսէ ի վեր, տարակուսանքի ենթակայ է, թէ ինչո՞ւ կը յամենայ Նիկոլ Փաշինեանի իշխանութիւնը: Դեկտեմբեր 2018-ի խորհրդարանական ընտրութիւններուն Նիկոլ Փաշինեան փայլուն յաղթանակ արձանագրեց եւ տիրացաւ աննախընթաց բացարձակ մեծամասնութեան: Այդ մեծամասնութիւնը իրեն հնարաւորութիւն կու տար միանձնեայ որոշումներ կայացնել, շրջանցելով կարեւոր որոշումները, յատկապէս նշանակումները ընդդիմութեան հետ համադրելու սահմանադրական պահանջները: Նիկոլ Փաշինեան աներեր օգտուեցաւ այդ հնարաւորութենէն: Կառավարութեան կազմութենէն եւ առաջին օրինակարգումներէն հազիւ քանի մը ամիս անցած, Փաշինեանի ի նպաստ քուէարկած շատ մը քաղաքացիներ յուսախաբ դարձած էին, սակայն կը մտածէին, որ պէտք է յարգել ժողովրդային քուէով ստեղծուած դրութիւնը եւ համբերութեամբ սպասել, որ նախընտրական խոստումները իրականանան:

  • Սպասելով Վահան Մամիկոնեանին
    Սպասելով Վահան Մամիկոնեանին

    Հինգշաբթի, 11 փետրուարը Վարդանանց պատերազմի յիշատակի օրն էր: Ազգային ինքնուրոյնութեան, քրիստոնէական կրօնի եւ պետական ինքնավարութեան պահպանման համար մղուած պատերազմին, հայկական 60 հազարանոց փոքրաթիւ բանակը պարտութիւն կրեց անհամեմատ աւելի հզօր պարսկական 300 հազարանոց բանակին դիմաց: Հայկական բանակը տուաւ 1036 զոհեր, որոնց մէջ` սպարապետ Վարդան Մամիկոնեանը, բազմաթիւ նախարարներ եւ իշխաններ: Նախարարներ, իշխաններ, զօրականներ ու կրօնաւորներ գերեվարուեցան: 

  • Ե՞րբ պիտի գայ արդար ցասումը
    Ե՞րբ պիտի գայ արդար ցասումը

    Ընկերային ցանցերու վրայ կը կարդամ դպրոցական աշակերտուհիի մը ողբաձայն բողոքը. «Երկու հայրենիք ունիմ, երկուքն ալ` տագնապահար»: Բնականաբար նկատի ունի իր ծննդավայրը ու բնակավայր հայրենիք Լիբանանը եւ Մայր Հայրենիք Հայաստանը:

  • Գործերով պէտք է ապրեցնել Հայաստանը
    Գործերով պէտք է ապրեցնել Հայաստանը

    Գերմանիայէն հաղորդուած փոքր լուր մը առիթ դարձաւ մտորումներու: Գերմանիոյ կառավարութիւնը կը պատրաստուի երկրէն արտաքսելու ապօրինի ներգաղթեալները: Ասոնց մէջ` կարեւոր թիւով հայեր:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։