Հա

Ազգային

10/01/2021 - 11:10

Յետոյ «Չասէ'ք Դաւիթ գող-գող եկաւ, գող-գող գնաց»

Անդրադառնալով «Իմ քայլը»-ից դուրս եկած պատգամաւորներին եւ ընտրողների հանդէպ հաշւետու լինելու խնդրին Ռուբէն Ռուբինեանը գրել  է՝ «տւեալ անձինք, որոնք պատգամաւորական մանդատ են ստացել «Իմ քայլը» դաշինքին քւէարկած քաղաքացիների քւէի հիմքով, պիտի առնւազն բացատրեն, թէ ում եւ ինչ մանդատով են շարունակում լինել պատգամաւոր՝ ոչ թէ փաստաթղթային, այլ քաղաքական համատեքստում»։

ՍՈՆԻԿ ԲԱՂՈՒՄԵԱՆ

 

(Դիտարկումներ ԱԺ-ում «Իմ քայլը»-ի պատգամաւոր, Արտաքին յարաբերութիւնների յանձնաժողովի նախագահ Ռուբէն Ռուբինեանի գրառման շուրջ)

 

Անդրադառնալով «Իմ քայլը»-ից դուրս եկած պատգամաւորներին եւ ընտրողների հանդէպ հաշւետու լինելու խնդրին Ռուբէն Ռուբինեանը գրել  է՝ «տւեալ անձինք, որոնք պատգամաւորական մանդատ են ստացել «Իմ քայլը» դաշինքին քւէարկած քաղաքացիների քւէի հիմքով, պիտի առնւազն բացատրեն, թէ ում եւ ինչ մանդատով են շարունակում լինել պատգամաւոր՝ ոչ թէ փաստաթղթային, այլ քաղաքական համատեքստում»։

1- Հարց. Դուք եւ ձեր խմբակցութիւնը «Իմ քայլը»-ին քւէարկողներին, դեռ չեմ ասում ամբողջ հայութեանը, այլ միայն ձեր ընտրազանգւածին, հաշիւ տւել է՞ք, 2 ամիս առաջ ու նաեւ հէնց հիմա, որ ինչո՞ւ էք դուք եւ իշխանութեան ղեկն իր ձեռքում պահող ձեզ հաշւետու վարչապետը իրականացրել այնպիսի գործունէութիւն, որոնց մասին հազիւ թէ ձեզ ընտրողները դոյզն իսկ պատկերացում ունենային, աւելին՝ դուք բացորոշ սուտ էք խօսել։

Ձեզ ընտրողը նմանօրինակ գործունէութիւն իրականացնելու քաղաքական ու դեռ աւելին՝ բարոյական մանդատ է՞ր տւել ձեզ։ Այսինքն 2018-ի դեկտեմբերին եթէ մարդկանց ցոյց տայիք ձեր ճանապարհային ԱՅՍ քարտէզը եւ դրա արդիւնքը  (Արցախի 10.000 քմ-ի կորուստ, Կապիտուլացիա եւ  պարտւած պատերազմ, հազարաւոր զոհ, հաշմանդամ, անտուն դարձած հարիւրաւոր ընտանիքներ, խախտւած եւ վտանգւած ՀՀ սահմաններ, անորոշ անվտանգային իրավիճակ), դուք կը լինէի՞ք քաղաքական մեծամասնութիւն եւ իշխանութիւն մեր երկրում։ Գոնէ քաջութիւն ունեցէք ու յայտարարէք, որ հէնց դուք կը լինէի՞ք «Իմ քայլը»-ական, թէ՞ դուք էլ էք գերի դարձել ձեր գլխաւոր խելագար հրամանատարին, որի վարքագծային իրավիճակն ու հոգեկան հաւասարակշռութիւնը այն աստիճան անկառավարելի է դարձել, որին վերահսկելու համար Ռուսաստանից են «բժիշկներ» բերւում։

2- Ռուբինեանը գրում է՝ «Ինքս զերծ եմ մնում նշեալ պատգամաւորների քայլերի որակումներից՝ գնահատումը թողնելով «Իմ քայլը» դաշինքին քւէ տէած քաղաքացիներին»։

Հարց. Դուք երբեւէ անդրադարձել է՞ք, որ «Իմ քայլը»-ին քւէարկած ընտրողների գերակշիռ մեծամասնութիւնը «յեղափոխութեան» էյֆորիայով պայմանաւորւած  իր քւէն տւել է ոչ թէ «Իմ քայլը»-ին եւ «Քաղաքացիական Պայմանագիր»-ին՝ որպէս դաշինքի, կուսակցութեան կամ հաւաքական պատասխանատւութեան տէր ուժի, այլ անձամբ Նիկոլ Փաշինեանին, եւ այդ ընտրողների համար միեւնոյնն է եղել թէ ովքեր են լինելու այդ հաւաքականութեան մէջ, անգամ եթէ այդ քաղաքական ուժի հետ համագործակցել են «գործարար» դարձած Լֆիկ Սամոյի եւ Գռզոյի նման «նախկին» օլիգարխները։ Հետեւաբար հէնց դուք ձեր լեգիտիմութիւնը ոչ միայն փաստաթղթայինը այլեւ քաղաքական ու բարոյականը ստացել էք ոչ թէ ընտրողներից, այլ Նիկոլ Փաշինեանից։ Այս առումով փաստօրէն ձեր թիմը լքողները ոչ թէ «հաշւետու» են ընտրողներին, այլ իրենց խաբած ղեկավարին՝ Փաշինեանին, իսկ խաբած եւ խաբող ղեկավարին փաստաթղթային, քաղաքական ու առաւել եւս բարոյական ի՞նչ հաշւետւութեան պարտաւորութիւն գոյութիւն ունի։

3- Եթէ գտնում էք որ դուք փաստաթղթային եւ քաղաքական մանդատ էք ստացել ձեր քւէարկողներից, երբեւէ հաշիւ պահանջել է՞ք ձեր քաղաքական եւ բարոյական ներկան ու ապագան ապականած եւ խորտակած անձից՝ Նիկոլ Փաշինեանից, որպէսզի հնարաւորութիւն ունենաք հաշւետու լինել ձեզ ընտրողներին։

4- Եւ վերջապէս հաշւի առնելով ձեր իսկ յայտարարութիւնը՝

«Որպէս գերակշիռ քաղաքական մեծամասնութիւն՝ «Իմ քայլը» խմբակցութիւնը շարունակելու է իրականացնել իրեն տրւած մէկ միասնական մանդատը՝ որպէս ժողովրդի իշխանութեան իրացման գործիք եւ պատւէր», դուք կրկին վերահաստատում էք այն բոլոր չարիքների պատասխանատւութիւնը եւ մեղաւորութիւնը, որոնք իրագործւել եւ դեռ իրագործւում են իշխանութեան ղեկն իր ձեռքում պահող, ձեր «ժողովրդական լեգիտիմութեան» աղբիւր հանդիսացող Նիկոլ Փաշինեանի կողմից։

Յետոյ «Չասէ'ք Դաւիթ գող-գող եկաւ, գող-գող գնաց»։

9 յունւարի 2021 թ., Երեւան

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։