Հա

Ազգային

13/01/2021 - 13:30

Հայաստանը Հայրենի՞ք է, թէ՞ բնակավայր

Մենք սխալ չափանիշով կը գնահատենք Նիկոլ Փաշինեանը եւ իր նմանները։

Գոյութիւն ունի վերանկախացած Հայաստանի իշխանութիւնը իր ճիրաններուն մէջ պահող շրջանակ մը, ուրկէ իշխանութեան աթոռին բարձրացող առաջնորդները որակապէս եւ մտածելակերպով գրեթէ նոյնն են։ Փաշինեան չի տարբերիր միւս առաջնորդներէն։

ՍԵԴՕ ՊՈՅԱՃԵԱՆ

 

Մենք սխալ չափանիշով կը գնահատենք Նիկոլ Փաշինեանը եւ իր նմանները։

Գոյութիւն ունի վերանկախացած Հայաստանի իշխանութիւնը իր ճիրաններուն մէջ պահող շրջանակ մը, ուրկէ իշխանութեան աթոռին բարձրացող առաջնորդները որակապէս եւ մտածելակերպով գրեթէ նոյնն են։ Փաշինեան չի տարբերիր միւս առաջնորդներէն։

Եւ այս մարդոց նկատմամբ մեր չափանիշին սխալը ո՞ւր կը կայանայ։

Մենք այս մարդոց կը դիտենք այն մեկնակէտով, որ ասոնց համար Հայաստանը հայրենիք է եւ Հայաստանի ժողովուրդը Հայութիւն է, որն ունի սեփական հարուստ պատմութիւն, սեփական հարուստ մշակոյթ եւ հաւաքական առաքելութիւն։

Բայց մենք կը սխալինք, կը սխալինք չարաչար։

Այս մարդոց համար Հայաստանը հայրենիք չէ՝, այլ՝ բնակավայր։

Այս մարդոց համար Հայաստանի ժողովուրդը Հայ չէ, այլ՝ պատահականօրէն ի մի հաւաքուած սոսկ բնակիչներ։

Այս մարդոց համար մենք չունինք ո՛չ ուրոյն պատմութեան եւ ո՛չ ուրոյն մշակոյթ, այլ՝ ունինք սեփական փորը կշտացնող պատահական հաւաքականութիւն, որ դատապարտուած է քարշ տալու իր գոյութեան։

Այս մարդոց համար մենք հաւաքական առաքելութիւն չունինք, այլ՝ անստոյգ ապագայով օրը օրին ապրող մարդիկ։

Լեւոն Տէր Պետրոսեանէն սկսած մինչեւ Նիկոլ Փաշինեան այսպիսի մարդոց վստահուած է Հայաստան անունը կրող հողատարածք մը։

Երբ փոխենք մեր մօտեցումներուն սխալ չափանիշը, կը հասկնանք թէ ի՞նչ եւ ինչո՞ւ տեղի կ՚ունենան Հայաստանի մէջ իշխանութիւններու իրագործած իրադարձութիւնները, քանդումները, կորուստները, հարստացումները…։ Նաեւ կը հասկնանք, թէ ի՞նչ, ինչո՜ւ եւ ինչպէ՞ս կը գործեն պետական կառոյցներու վրայ հերթականօրէն զետեղուող գլխաւոր պաշտօնատարները, որոնք կը վերածուին հլու հնազանդ կամակատարներու, մինչեւ իսկ մեղսակիցներու եւ բաղադրիչներու՝ իշխանաւորներու պարտադրած դաւադրութիւններուն։

Այս մարդոց համար Հայաստան հայրենիք, Հայ ժողովուրդ, հայոց պատմութիւն, հայ մշակոյթ եւ ազգային հաւաքական առաքելութիւն գոյութիւն չունի։

Բայց գոյութիւն ունի հողատարածք մը Հայաստան անունով, որ հայրենիք չէ։ Գոյութիւն ունի հաւաքականութիւն մը, որ լոկ բնակիչներն են այդ տարածքին։

Նոյնիսկ Խորհրդային տարիներուն այսպիսի մտայնութիւն եւ գործելաոճ չէր կրցած զարգանալ։ Ժողովուրդը, մինչեւ իսկ որոշ հայ կոմունիստ ղեկավարներ, ամրօրէն կառչած մնացին հայրենիքի եւ ազգի գաղափարին, ազգային պատմութեան եւ մշակոյթին։ Անոնք ապրեցան, գործեցին եւ ստեղծագործեցին, միշտ այն հաւատքով, որ հայրենիքը եւ ազգը ունին առաքելութիւն, ունին դեռ իրագործելի անկատար տենչեր, ունին ապագայ՝ իբրեւ Հայաստան եւ Հայութիւն։

Հայրենիքի հողէն պոկուած Սփիւռքը ամենէն հեռաւոր ափերուն իսկ ամրօրէն կառչած մնաց Հայութեան հայեցի ինքնութեան եւ Հայաստանի երազին։

Փոխենք մեր սխալ չափանիշերը։

Փոխել կարենալու համար պէտք է սկսիլ Նիկոլ Փաշինեանէն եւ իր նմաններէն։

Յունուար 12, 2021 թ.

Լոս Անճելըս

Յարակից լուրեր

  • Փաշինեանն ընտրել է «ժամանակի վրայ խաղալու» մօտեցումը․ «Փաստ»
    Փաշինեանն ընտրել է «ժամանակի վրայ խաղալու» մօտեցումը․ «Փաստ»

    «Անցած տարւայ սեպտեմբերին Ադրբեջանի սանձազերծած պատերազմում կրած պարտութիւնից յետոյ Հայաստանն այդպէս էլ ուշքի չի գալիս։ Պարտութեան հետեւանքով ունեցանք մարդկային, տարածքային եւ նիւթական այնպիսի աննախադէպ կորուստներ, որոնք դեռ տարիներով զգալ կը տան իրենց։ Երկիրն անընդհատ միակողմանի զիջումներ է կատարում՝ թուրք-ադրբեջանական տանդեմի պահանջների աւելացմանը զուգահեռ։ Տպաւորութիւն է, որ դիւանագիտական հարթակում Հայաստանը որեւէ ինքնուրոյն ասելիք կամ անելիք չունի, այլ կատարում է այն, ինչ իրեն թելադրւում է։ Երկրում շատ ծանր բարոյահոգեբանական իրավիճակ է, մարդիկ ի վիճակի չեն շոկից դուրս գալ։

  • Նիկոլ Փաշինեանի մանկութեան երազանքը
    Նիկոլ Փաշինեանի մանկութեան երազանքը

    Ժամանակակից հասարակութիւններին բնորոշ է սպառողական բնոյթը։ Սպառողական հասարակութիւնների կամ կոնսյումերիզմի՝ որպէս գաղափարախօսութեան սկզբնաւորման շրջան է համարւում անցած դարի 60-ական թւականները, ինչը, իհարկէ, պայմանական թւագրութիւն է։ Լայն իմաստով, կոնսիւմերիզմը կամ սպառողական հոգեբանութիւնը կապիտալիզմի որոշակիօրէն գռեհիկ արտայայտութիւնն է, որը տարբեր տեսութիւնների ու մոդելների տեսքով արտայայտւել է նախ տնտեսագիտութեան մէջ՝ առաջ մղելով այն թեզը, որ շատ սպառումը ծնում է շատ պահանջարկ, հետևաբար՝ այն տնտեսութեան զարգացման հիմնական խթանն է։

  • «Կորցրել ենք մեր սուվերենութիւնն ու տարածաշրջանային սուբիեկտ լինելու հանգամանքը». Բ. Եսայեան
    «Կորցրել ենք մեր սուվերենութիւնն ու տարածաշրջանային սուբիեկտ լինելու հանգամանքը». Բ. Եսայեան

    ՀՅԴ անդամ Բագրատ Եսայեանը ֆէյսբուքեան իր էջում գրել է․

  • Փրփուրին կառչելու փորձ մը
    Փրփուրին կառչելու փորձ մը

    11 յունուարին Մոսկուայի մէջ տեղի ունեցաւ Փաշիեան-Փութին-Ալիեւ եռակողմ հանդիպումը: Ստորագրուեցաւ եռակողմ նոր յայտարարութիւն մը, որ կը վերաբերէր տարածաշրջանին մէջ բոլոր տնտեսական եւ փոխադրական կապերու ապաշրջափակման` 9 նոյեմբերի յայտարարութեան 9-րդ կէտի իրականացման հետագայ աշխատանքներուն:

  • Շրջանցել փակուղին
    Շրջանցել փակուղին

    Մոսկուայի հանդիպումն ալ տեղի ունեցաւ: Անբնական կեանքը… բնականի պէս կը շարունակուի Երեւանի մէջ:

    Հ․Հ․ վարչապետի բանբերը, թէ՛ նախօրեակին եւ թէ՛ աւարտին, տեղեկութիւններով ճոխ յայտարարութիւններ չհրատարակեց, բան մը, որ սպասելի էր, մանաւանդ որ սեղանին շուրջ կը գտնուէին հանդիպման տէրն ու տիրականը՝ «քինկմէյքըր» Վլատիմիր Փութին, յաղթական Իլհամ Ալիեւ ու պարտեալ Նիկոլ Փաշինեան։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։