Հա

Ազգային

15/02/2021 - 13:15

«Կը մաղթենք ՀՅ Դաշնակցութիւնը պատասխանատու չնկատել կառավարութեան կազմութեան հոլովոյթին դիմագրաւած արգելքներուն». Շեշտեց երեսփոխան Յ. Բագրատունի

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի երէկ երեկոյեան հարցազրոյցներու ընթացքին անդրադարձաւ նշանակուած վարչապետ Սաատ Հարիրիի յայտարարութիւններուն, որոնց լոյսին տակ մաղթեց, որ ՀՅ Դաշնակցութիւնը պատասխանատու չնկատուի կառավարութեան կազմութեան հոլովոյթին դիմագրաւած արգելքներուն:

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի երէկ երեկոյեան հարցազրոյցներու ընթացքին անդրադարձաւ նշանակուած վարչապետ Սաատ Հարիրիի յայտարարութիւններուն, որոնց լոյսին տակ մաղթեց, որ ՀՅ Դաշնակցութիւնը պատասխանատու չնկատուի կառավարութեան կազմութեան հոլովոյթին դիմագրաւած արգելքներուն:

Ան աւելցուց, որ քաղաքական իւրաքանչիւր ուժ կը ներկայացուի ճշդուած չափանիշներուն համաձայն:

«Ժատիտ» պատկերասփիւռի կայանին հետ ունեցած հարցազրոյցին ընթացքին Յ. Բագրատունի յայտնեց, որ վարչապետ Հարիրիի հանդէպ բոլոր յարգանքով հանդերձ, անոր արտայայտութիւնը ձգած է այն տպաւորութիւնը, թէ ՀՅԴ-ն կը ստանձնէ կառավարութեան կազմութեան ուշացումին պատասխանատուութիւնը, «մինչդեռ ՀՅԴ Լիբանանի Կեդրոնական կոմիտէն մնայուն կերպով կը նպաստէ կառավարութեան կազմութեան դիմագրաւած հարցերու լուծման եւ ոչ թէ տագնապներու ստեղծումին»,- ըսաւ ան:

Երեսփոխան Բագրատունի նշեց, որ ՀՅԴ-ն ոչ ոք իր չափաբաժինէն պէտք է նկատել: «Դաշնակցութիւնը ունի իր ինքնուրոյն որոշումը եւ կ՛որդեգրէ այն կեցուածքը, որ յարմար կը նկատէ` հիմնուելով Լիբանանի նկատմամբ իր հաւատքին վրայ: Դժբախտաբար տագնապները այդքան բարդ են, որ մարդիկ սկսած են Լիբանանը նկատել անդունդի սեմին, մինչդեռ իմ կարծիքովս` մենք արդէն իսկ վիհին յատակը կը գտնուինք: Հանրապետութեան նախագահին բաժինը նկատուող նախարարներուն թիւը կը ճշդուի ըստ Ազգային ազատ հոսանք կուսակցութեան խորհրդարանական ներկայացուցչութեան, իսկ Դաշնակցութեան նախարարը լիբանանահայութեան նախարարն է եւ ոչ թէ Ազգային ազատ կուսակցութեան նախարարներուն թիւը ամբողջացնող կամ անոր չափաբաժինին յաւելուած նախարար մը: Ճիշդ է, որ մենք համախմբումին մաս կը կազմենք եւ Ազգային ազատ հոսանք կուսակցութեան դաշնակից ենք, սակայն շատ անգամ մեր կեցուածքներով կը տարբերինք իրարմէ, օրինակի համար` Սաատ Հարիրիի վարչապետ նշանակումին ընթացքին կատարուած երեսփոխանական պարտադիր խորհրդակցութիւններուն մեր մասնակցութեամբ, կամ խորհրդարանին մէջ տարբեր օրինագիծերու պարագային մեր քուէարկութեամբ: Այս պատճառով մենք երբեմն մեղադրական խօսքեր կը լսենք Ազգային ազատ հոսանք կուսակցութեան մեր գործընկերներէն, որ հակառակ համախմբումին մէջ մեր ըլլալուն, տարբեր ձեւով կը քուէարկենք»,- հաստատեց ան:

Յ. Բագրատունի ցաւ յայտնեց, որ Լիբանանի մէջ վարժ չեն դաշնակից ըլլալ, սակայն միաժամանակ ազատ եւ ուրոյն կեցուածքներ ունենալ:

«2005-էն ի վեր մենք կը փաստենք, որ մեր միջեւ փոխադարձ յարգանք կայ: Չէ բացառուած օրինակ, որ երբեմն նոյն կուսակցութեան մէջ իսկ տարբեր կարծիքներ գոյութիւն ունենան: Այո՛, մենք համախմբումին մաս կը կազմենք եւ 90 առ հարիւրի համեմատութեամբ կը համաձայնինք, սակայն 10 առ հարիւրի համեմատութեամբ տարբեր ենք: Սակայն կարեւորը կը մնայ կառավարութեան կազմութիւնը: Ո՛չ ոք մեզ պատասխանատու թող նկատէ` կառավարութեան կազմութեան ջանքերուն խոչընդոտումին: Թո՛ղ իւրաքանչիւր կուսակցութիւն իր արդար չափաբաժինով ներկայացուի, եւ մենք այս կառավարութեան մէջ մէկ նախարարով կը ներկայացուինք` իբրեւ կուսակցութիւն»,- շեշտեց ան:

Երեսփոխան Բագրատունի նկատել տուաւ, որ ՀՅԴ Լիբանանի Կեդրոնական կոմիտէն ցարդ նախարարութեան տեսակին մասին տեղեկութիւն չունի եւ նախարարական թեկնածուներու անուններ չէ ներկայացուցած: «Կեդրոնական կոմիտէն Մուսթաֆա Ատիպի նշանակումին ընթացքին ներկայացուցած է նախարարներու թեկնածուներ, սակայն վարչապետ Հարիրիի հետ այս մասին չէ խօսուած տակաւին»,- յայտնեց ան:

Վարչապետ Հարիրիի ներկայացուցած կառավարութեան մէջ հայ նախարարին ինքնութեան մասին հարցումի մը պատասխանելով` Յ. Բագրատունի ըսաւ, որ այդ մասին վարչապետը իրեն հետ չէ խորհրդակցած, այլեւ` ըստ կարգի ինք ընտրած պէտք է ըլլայ անունը` նախագահ Աունի հետ խորհրդակցաբար: «Հետեւաբար մենք նախարարին ինքնութիւնը չենք գիտեր, եւ ոչինչ խօսուած է մեզի հետ»,- ընդգծեց ան:

Երեսփոխան Բագրատունի աւելցուց, որ քանի մը օր առաջ այցելած է հանրապետութեան նախագահին եւ բնականաբար կառավարութեան կազմութեան հարցը քննարկած` նախագահ Աունի մօտ շօշափելով լուծման մը յանգելու յոյսը, սակայն ցաւ ի սիրտ կառավարութեան կազմութեան ջանքերը արգելակող խոչընդոտները կը յամենան:

«Մեզի կարելի չէ Ազգային ազատ հոսանք կուսակցութեան յատկացուելիք նախարարներուն չափաբաժինին մէջ նկատել: Այս հարցը կ՛արծարծուի այնպէս, որ օրինակ կարելի է Մարատայի նախարարը նկատել Հըզպալլայի կամ Ամալ շարժումի յատկացուելիք նախարարներուն չափաբաժինէն: Մենք` իբրեւ ՀՅ Դաշնակցութիւն, պիտի ներկայացուինք մէկ նախարարով»,- հաստատեց Յ. Բագրատունի:

 

«Ազդակ»

Յարակից լուրեր

  • Լիբանանի նոր կառավարութեան կազմութենէն ետք
    Լիբանանի նոր կառավարութեան կազմութենէն ետք

    Առկայ բոլոր խոչընդոտները յաղթահարելով եւ հեղձուցիչ դարձած տնտեսական կացութեան ու արտաքին ուժերու տիրական միջամտութեան իբրեւ հետեւանք, Միքաթիի կառավարութիւնը արդէն իրականութիւն է այսօր եւ իր աշխատանքային ծրագիրով կը ներկայանայ խորհրդարան` ստանալու համար անոր վստահութիւնը:

  • Արտօնուեցաւ կազմել նոր կառավարութիւն
    Արտօնուեցաւ կազմել նոր կառավարութիւն

    Եւ վերջապէս, տրուեցաւ որոշումը, կազմուեցաւ նոր կառավարութիւն:

    13 ամսուան անձկալի սպասումէ ետք, 2 նշանակեալ վարչապետներու հրաժարումէն ետք, Նեժիպ Միքաթի կազմեց կառավարութիւն մը, որ նուազագոյն ակնկալութեամբ համեստ յոյսեր պիտի ներշնչէ բազմաչարչար լիբանանցի քաղաքացիին:

  • Վերջապէս… Նոր կառավարութիւն
    Վերջապէս… Նոր կառավարութիւն

    Լիբանանի ահագնացող տագնապը լուծման ճանապարհի սեմը կրցաւ թեւակոխել վերջապէս: Հիմքով քաղաքակա՞ն, թէ՞ աշխարհաքաղաքական, տագնապը, արտաքին որոշողներու ու ներքին գործադրողներու պարտադրանքով վերաճեցաւ տնտեսականի, ապա ընկերայինի, ի վերջոյ յանգելու համար պետութեան կառոյցներու գրեթէ ամբողջական ամլացումին: Լիբանանեան թղթոսկիի գահավէժ արժեզրկումը, պետական նպաստներու ցամքումը յառաջացուցին համատարած աղքատութիւն եւ երկրի տնտեսական կեանքի կասեցում:

  • «Լիբանանում նոր կառավարութեան ձեւաւորումը դեռեւս ճգնաժամի հանգուցալուծում չէ». Շահան Գանտահարեան
    «Լիբանանում նոր կառավարութեան ձեւաւորումը դեռեւս ճգնաժամի հանգուցալուծում չէ». Շահան Գանտահարեան

    Լիբանանում լոյս տեսնող «Ազդակ» թերթի գլխաւոր խմբագիր Շահան Գանտահարեանը անդրադարձել է Լիբանանում երկար դադարից յետոյ նոր կառավարութեան ձեւաւորմանն ու առկայ խնդիրների լուծման անհրաժեշտութեանը։ 

  • Լիբանանում նոր կառավարութիւն է ձեւաւորւել. կազմում կայ մէկ հայ
    Լիբանանում նոր կառավարութիւն է ձեւաւորւել. կազմում կայ մէկ հայ

    Լիբանանի նախագահ Միշէլ Աունը հաստատել է ազգային փրկութեան կառավարութեան կազմը, որը կը զբաղւի բարեփոխումների իրականացմամբ եւ Բէյրութի վերակառուցմամբ, որն էապէս տուժել էր նախորդ տարւայ օգոստոսին նավահանգստում տեղի ունեցած պայթիւնից։ Բաաբդա պալատում հանդէս գալով լրագրողների առաջ՝ վարչապետի աշխատակազմի քարտուղար Մահմուդ Մեքիան յայտարարել է, որ նախագահը ստորագրել է վարչապետ Նաջիբ Միքաթիի կառավարութեան կազմի նշանակման մասին հրամանագիրը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։