Հա

Ազգային

18/02/2021 - 12:20

Մեր օրերի իրականութիւնն ու Փետրւարեան ապստամբութեան արդիական գաղափարները

Փետրւարեան ապստամբութիւնը բոլորեց իր 100 տարին:

100 տարի առաջ այս օրը՝ 1921 թւականի փետրւարի 18-ին հայ ժողովուրդն ընդվզեց հայրենիքը զաւթած բոլշեւիկների դէմ, որոնց աշխարհայեացքը, իդէալներն ու գաղափարները որեւէ կապ չունէին հայրենիքի այդ օրերի իրականութեան, անցեալի, ներկայի եւ ապագայի հետ:

ԱՐԱՄ ՇԱՀՆԱԶԱՐԵԱՆ

 

Փետրւարեան ապստամբութիւնը բոլորեց իր 100 տարին:

100 տարի առաջ այս օրը՝ 1921 թւականի փետրւարի 18-ին հայ ժողովուրդն ընդվզեց հայրենիքը զաւթած բոլշեւիկների դէմ, որոնց աշխարհայեացքը, իդէալներն ու գաղափարները որեւէ կապ չունէին հայրենիքի այդ օրերի իրականութեան, անցեալի, ներկայի եւ ապագայի հետ:

Հայաստանի խորհրդայնացումից ընդամենը կարճ ժամանակ անց, բոլորի համար պարզ էր արդէն, որ բոլշեւիկները ծրագրաւորւած կերպով ձգտում են չէզոքացնել ընդամենը 2 տարի առաջ անկախութիւն կերտած երկրի քաղաքական-ռազմավարական ղեկավարութեանը՝ հայրենիքը զրկելով իր կարեւոր առանցքից՝ ազգային ողնասիւնից: Նպատակը մէկն էր եւ յստակ. վերջնականապէս բարոյալքել հայ ժողովրդին, նրան զրկել ազգային նկարագրից՝ վերածելով կառավարելի, անդէմ հօտի՝ ամբոխի:

Փետրւարեան ապստամբութիւնը հայ ժողովրդի գերագոյն ճիգն էր վերականգնելու իր ոտնատակ տրւած արժանապատւութիւնն ու կասեցնելու ազգադաւ եւ ազգակործան այդ ծրագիրը:

Թէեւ մինչ օրս շարունակւում են պատմական փաստերն աղաւաղելու, Փետրւարեան ապստամբութեան նշանակութիւնը եւ կարեւորութիւնը նսեմացնելու խղճուկ փորձերը, այդուհանդերձ, Փետրւարեան ապստամբութեանը հետեւած իրադարձութիւնները եւ պտմական գործընթացները գալիս են փաստելու, որ Փետրւարեան ապստամբութիւնը եւ նրա հետ տրամաբանական եւ օրգանական կապ ունեցող Լեռնահայաստանի հերոսամարտն ինչպիսի առնցքային նշանակութիւն են ունեցել Արեւելեան Հայաստանի տարածքի եւ հայ ժողովրդի ինքնութեան եւ նկարագրի պահպանման գործում:

Վերադառնալով մեր օրերին, ցաւով պէտք է նշենք, որ կանգնած ենք պատմութեան կրկնութեան տխուր փաստի առջեւ:

Պահն օրհասական է այնպէս, ինչպէս 1921 թւականի փետրւարը: Ազգային աղէտը պատուհասել է մեզ: Պարտւել ենք պատերազմում, կորցրել ենք մեր հայրենիքի զգալի մի հատւածը, փշրւել է մեր բանակի ողնաշարը, ոտնատակ է տրւած մեր ազգային արժանապատւութիւնը: Իսկ այս բոլորի հեղինակն ու հիմնական մեղաւորը՝ ՀՀ կապիտուլեանտ եւ դաւաճանական իշխանութիւնը շարունակում է մնալ երկրի ղեկին՝ ողջ հայ ժողովրդին կանգնեցնելով բառի ամենաբուն իմաստով պետականութիւնն ու հայրենիքը փրկելու, լինել-չլինելու լրջագոյն մարտահրաւէրի դէմ-յանդիման:

Մեր հայրենիքի ներկան ու ապագան, մեր վաղւայ օրը փրկելու համար մեզ առաւել, քան երբեւէ անհրաժեշտ է մէջքն ուղղելու կամք, արհաւիրքն ու չարիքը յաղթահարելու վճռակամութիւն՝ ճիշտ այնպէս, ինչպէս 1921 թւականի փետրւարի 18-ին:

Եւ հէնց այս հրամայականն է, որ այսօր, Փետրւարեան ապստամբութիւնից 100 տարի անց, օրակարգային է դարձնում Փետրւարեան ապստամբութեան հիմքում ընկած արժէքային համակարգի եւ գաղափարների նորովի մեկնաբանութիւնը:

Չմոռանա՛նք.

Փետրւարեան ապստամբութեան գաղափարական ողնայարը մեր ազգային ու անկախ պետականութեան արժեհամակարգն էր:

Փետրւարեան ապստամբութիւնը բոլշեւիկեան օտարածին եւ խորթ գաղափարների եւ անկախ պետականութեան գաղափարախօսութեան ջրբաժանն էր:

Փետրւարեան ապստամբութիւնը յստակ ու վերջնականապէս ուրւագծեց ու ճշտորոշեց այն ուղին, որով պէտք է քայլի մեր ազգն իր վաղւայ օրը, իր ապագան կերտելու համար, որն արդիական եւ ի զօրու է մինչ այսօր:

Փետրւարեան ապստամբութիւնը մեր ազգային վճռակամութեան, մեր գերագոյն իմաստութեան խտացումն էր:

Փետրւարեան ապստամբութիւնը հայրենիքի, պետականութեան, անկախութեան եւ ազգի նկատմամբ անճկելի հաւատքի, նւիրումի եւ ծառայելու ցկեանս յանձնառութեան մարմնաւորումն էր, որի ոգին կրաող է մեր ազգի փրկարար լուծումը դառնալ օրհասական այս օրերին եւս:

Փետրւարի 18-ը մեծ տօն է: Մեր ազգային հպարտութեան տօնը: Տօն, որին հաղորդակից է կարող դառնալ ոչ թէ անողնայար՝ կամազուրկ ամբոխը, այլ՝ նկարագիր ունեցող, գիտակից ու վճռակամ ազգը, որը կարող է ելք գտնել անգամ ամենաանելանելի թւացող իրավիճակիներից:

Արժանի՛ լինենք Փետրւարի 18-ին:

Յարակից լուրեր

  • Մեր ԱԼԻՔ-ը դարձաւ 90 տարեկան
    Մեր ԱԼԻՔ-ը դարձաւ 90 տարեկան

    22 մարտի 1931 թւական. լոյս աշխարհ եկաւ ԱԼԻՔ-ի առաջին համարը։

    Հայ մամուլի ընտանիքի բոլոր զաւակների պէս, ԱԼԻՔ-ը եւս անսահման սիրոյ եւ նւիրումի ծնունդ էր, որին յաջողւեց հասակ առնել, անցնել անասելի դժւար ճանապարհով, յաղթահարել բազում փորձութիւններ, պահպանել իր գոյութիւնը, եւ, ամենակարեւորը՝ իր բարոյական-գաղափարական ուղենիշը։

  • Ազգայինի յաւերժական հրամայականով... Փետրւարեան ապստամբութեան 100-ամեակի առիթով
    Ազգայինի յաւերժական հրամայականով... Փետրւարեան ապստամբութեան 100-ամեակի առիթով

    Հայութեան ու Հայաստանի պատմութեան անցքերի ու վճռորոշ դրւագների մասին մերօրեայ գիտահետազօտական փորձերն ու մեկնաբանութիւնները, ինչ խօսք՝ խիստ անհրաժեշտ են ու օգտաւէտ: Դա արդէն տարիներ ի վեր կիրառւել է Հայաստանի Հանրապետութեան ակադեմական-գիտական շրջանակների մակարդակում: 

  • Փետրւարի դասերը. ՀՅԴ ՀԳՄ յայտարարութիւնը՝ Փետրւարեան ապստամբութեան 100-ամեակի առիթով
    Փետրւարի դասերը. ՀՅԴ ՀԳՄ յայտարարութիւնը՝ Փետրւարեան ապստամբութեան 100-ամեակի առիթով

    Սիրելի՛ հայրենակիցներ, հարիւր տարի առաջ՝ ճիշտ այս օրերին, Հայաստանում տեղի ունեցաւ համաժողովրդական ապստամբութիւն: Փետրւարեան ապստամբութեան պատճառը ապազգային իշխանութեան խայտառակ կառավարումն էր, որն անհնար էր հանդուրժել: Արտաքին ուժերի աջակցութեամբ, խաղաղ ճանապարհով տիրանալով իշխանութեանը, բոլշեւիկեան յեղկոմն ունակ չեղաւ ապահովելու երկրի ներքին կայունութիւնն ու զարգացումը:

  • Ապստամբութենէ ապստամբութիւն
    Ապստամբութենէ ապստամբութիւն

    Հարիւր տարի առաջ։ Հայ ժողովուրդին պարտադրուեցաւ ապստամբիլ։ Առաջին ազդանշանը տրուեցաւ Արագածի փէշերէն, ապա Աշտարակէն, Էջմիածինէն, Բաշ-Գառնիէն, Կոտայքէն, Ախթայէն եւ այլ շրջաններէն։ Դուրս եկաւ հայ ժողովուրդը՝ տարերայնօրէն, վերջ դնելու հայանուն օտարածին իշխանաւորներուն, որոնք Հայաստանը հասցուցած էին անդունդի եզրին։  

  • Սինանեանի «իրականութիւնը» եւ հանրային տրամադրութեան շրջադարձային փոփոխութիւնը
    Սինանեանի «իրականութիւնը» եւ հանրային տրամադրութեան շրջադարձային փոփոխութիւնը

    Սփիւռքեան իրականութեան հետ հաշւի չնստող, ի սկզբանէ ՀՀ գործող իշխանութիւնների օրակարգն առաջ քաշելու եւ համապատասխան քաղաքական նպատակներն իրականացնելու անշնորհակալ եւ ազգակործան գործին լծւած այս պաշտօնեային անհրաժե՞շտ է արդեօք յիշեցնել, թէ ընդհանրապէս ինչ նպատակների իրագործման է կոչւած իր ղեկավարած կառոյցը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։