Հա

Ազգային

01/03/2021 - 13:50

Հաղորդագրութիւն ՀՅԴ Հիւսիսային Իրանի Կենտրոնական կոմիտէի

Հայաստանի, Արցախի եւ հայ ժողովրդի համար վճռորոշ այս օրերին անցեալ երկուսուկէս տարիների պէս, դարձեալ ՀՀ կապիտուլեանտ եւ դաւաճանական իշխանութիւնների թիրախում է յայտնւել մեր անկախութեան կերտողներից եւ մեր պետականութեան գլխաւոր խորհրդանիշերից մէկը, մեր յաղթանակների եւ արժանապատւութեան մարմնաւորողը՝ Հայոց Բանակը եւ նրա սպայակազմը:

Հայաստանի, Արցախի եւ հայ ժողովրդի համար վճռորոշ այս օրերին անցեալ երկուսուկէս տարիների պէս, դարձեալ ՀՀ կապիտուլեանտ եւ դաւաճանական իշխանութիւնների թիրախում է յայտնւել մեր անկախութեան կերտողներից եւ մեր պետականութեան գլխաւոր խորհրդանիշերից մէկը, մեր յաղթանակների եւ արժանապատւութեան մարմնաւորողը՝ Հայոց Բանակը եւ նրա սպայակազմը: Խստօրէն դատապարտում ենք Հայոց պետականութեան անվտանգութեան գլխաւոր երաշխաւորի նկատմամբ նման վերաբերմունքը, որը չի տեղաւորւում տրամաբանութեան սահմաններում եւ բացարձակապէս անընդունելի է ազգային նկարագիր եւ արժանապտւութիւն ունեցող ցանկացած հայ մարդու համար՝ Հայաստանում, Արցախում եւ Սփիւռքում:

Օրհասական այս պահին, երբ նժարին է դրւած Հայոց պետականութեան լինել-չլինելու հարցը, ՀՅԴ Հիւսիսային Իրանի Կենտրոնական կոմիտէն յայտնում է իր ողջ կառոյցի անվերապահ եւ լիարժէք զօրակցութիւնը «Հայրենիքի փրկութեան շարժման»-ը, եւ կոչ է անում մեր բոլոր գիտակից եւ արժանապատիւ հայրենակիցներին համախմբւել շարժման առանցքի շուրջ՝ յանուն Հայրենիքի փրկութեան եւ պաշտպանութեան:

Մենք հաստատում ենք, որ ներկայ անելանելի թւացող իրավիճակի միակ ելքն անձնատւութեան, նւաստացման եւ պարտութեան մարմնացումն համարւող այս իշխանութիւնների օր առաջ հեռացումն է:

Վստահ ենք, որ միասնութեան եւ համազգային ջանքերի շնորհիւ հնարաւոր կը լինի կասեցնել մեր Հայրենիքի գահավիժման ընթացքն ու վերականգնել ոտնատակ տրւած մեր ազգային արժանապատւութիւնը:

 

ՀՅԴ ՀԻՒՍԻՍԱՅԻՆ ԻՐԱՆԻ ԿԵՆՏՐՈՆԱԿԱՆ ԿՈՄԻՏԷ

01.03.2021 թ., Թեհրան

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։