Հա

Ազգային

14/03/2021 - 12:20

ՀՅԴ Արեւմտեան Ամերիկայի Կեդրոնական կոմիտէի յայտարարութիւնը

2021-ի մարտի 15-ին աշխարհասփիւռ հայ ժողովուրդը նշելու է Հայոց Ցեղասպանութեան գլխաւոր կազմակերպիչներից՝ Թալէաթ փաշայի ահաբեկման 100-ամեակը:

2021-ի մարտի 15-ին աշխարհասփիւռ հայ ժողովուրդը նշելու է Հայոց Ցեղասպանութեան գլխաւոր կազմակերպիչներից՝ Թալէաթ փաշայի ահաբեկման 100-ամեակը:

Այս գործողութիւնը, որը իրականացուեց ՀՅԴ որոշումով եւ ՀՅԴ անդամ, 24-ամեայ Սողոմոն Թեհլիրեանի ձեռամբ, արդարութիւնը վերականգնելու եւ վրիժառու բազկով մեր լինելութեան, մեր գոյապայքարի ու մեր ազգային վերածնունդի մարմնացումը հանդիսացաւ 100 տարի առաջ եւ մնում է այդպիսին մինչ այսօր:

1919 թուին, ՀՅԴ 9-րդ Ընդհնուր Ժողովի որոշումով կեանք առած «Նեմեսիս» գործողութիւնները ոչ միայն Թուրքիոյ ցեղասպան դահիճներին եւ դարի մեծագոյն ոճիրի հեղինակներին էին ուղղուած, այլ նաեւ մարմնացումն էր Արամ Մանուկեանի միշտ այժմէական հետեւեալ խօսքերին՝

«Մենք միայնակ ենք ու միայն մեր սեփական ուժերին ապաւինելով պէտք է պաշտպանենք մեր սահմանները դրսի թշնամուց եւ օրէնքի իշխանութիւն հաստատենք երկրից ներս»:

Գաղափարական յեղափոխականների փաղանգը, որն ստեղծեց Հայաստանի առաջին անկախ հանրապետութիւնը խորապէս գիտակցում էր թէ արդարութեան վերահաստատումը չի կարելի յետաձգել եւ որ այն երաշխիքն է վաղուայ ժողովրդավարական, զարգացող, խաղաղ ու ապահով Հայաստանի:

«Նեմեսիս» գործողութիւնների եւ այդ ծիրից ներս Թեհլիրեանի հերոսական ակտը բնական շարունակութիւնն էր 1800-ականներից արդէն ծայր առած հայ ազատագրական պայքարի: Պայքար՝ որը միս ու արիւն ստացաւ Նիկոլ Դումանների, Անդրանիկ փաշաների, Գէորգ Չաւուշների, Նժդեհների, Շահէն Մեղրեանների, Պէտոների ու Թաթուլ Կրպեանների եւ այն բոլոր ազգային-յեղափոխական սերունդների շնորհիւ, որոնք ամէն գնով նուիրուեցին ազատ, անկախ ու միացեալ Հայաստանի գաղափարին:

Նման ազգը ու նման պատմութիւն կերտած ժողովուրդը եւ կազմակերպութիւնը չեն կարող ենթարկուել, ընդունել եւ համակերպուել Սեպտեմբերի 27-ի պատերազմով ձեւակերպուած մեր նոր իրականութեանը:

Մենք չունենք այլ ընտրութիւն: Մենք պէտք է հաւաքագրենք մեր ազգային ողջ ուժականութիւնը, դարձեալ ոտքի կանգնենք ու յաղթանակներ կերտենք ի դէմ մեր արտաքին, թէ ներքին թշնամիների:

Նպատակս տկարութիւն չի ճանչնար:

ՀՅԴ Արեւմտեան Ամերիկայի Կեդրոնական Կոմիտէն Թալէաթ փաշայի ահաբեկման 100-ամեակի սեմին իր խոնարհումն է յայտնում Սողոմոն Թեհլիրեանի, մեր բոլոր հին ու նոր նահատակների յիշատակի առջեւ:

Ազգ, Բանակ, Յաղթանակ

ՀՅԴ ԱՐԵՒՄՏԵԱՆ ԱՄԵՐԻԿԱՅԻ

ԿԵԴՐՈՆԱԿԱՆ ԿՈՄԻՏԷ

Մարտ 13, 2021

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։