Հա

Ազգային

12/04/2021 - 13:15

Ճշմարիտ ժողովրդավարութեան ակնկալութեամբ

Եթէ Հայաստանի Ազգային ժողովը, որ ընտրուած է հինգ տարուան պաշտօնավարման համար ժամկէտէն առաջ լուծուի, բնականաբար տեղի կ՛ունենայ նոր Ազգային ժողովի ընտրութիւն: Ե՞րբ կը լուծուի Ազգային ժողովը: Եթէ, վարչապետի հրաժարականէն ետք, երկու անգամ տասնչորս օրերու ընթացքին չյաջողի նոր վարչապետ մը ընտրել: Իսկ վարչապետի հրաժարականի երկու հնարաւորութիւն կայ. Ազգային ժողովը անվստահութիւն կը յայտնէ կառավարութեան, կամ վարչապետը ինքնակամ կը հրաժարի:

ՏԻԳՐԱՆ ՃԻՆՊԱՇԵԱՆ

 

Եթէ Հայաստանի Ազգային ժողովը, որ ընտրուած է հինգ տարուան պաշտօնավարման համար ժամկէտէն առաջ լուծուի, բնականաբար տեղի կ՛ունենայ նոր Ազգային ժողովի ընտրութիւն: Ե՞րբ կը լուծուի Ազգային ժողովը: Եթէ, վարչապետի հրաժարականէն ետք, երկու անգամ տասնչորս օրերու ընթացքին չյաջողի նոր վարչապետ մը ընտրել: Իսկ վարչապետի հրաժարականի երկու հնարաւորութիւն կայ. Ազգային ժողովը անվստահութիւն կը յայտնէ կառավարութեան, կամ վարչապետը ինքնակամ կը հրաժարի:

Առաջին կարելիութիւնը բացառուած է Ազգային ժողովի ներկայ կառուցուածքին բերումով: Ուրեմն խոստացուածը երկրորդն է, այսինքն` վարչապետին ինքնակամ հրաժարականը, որ նախատեսուած է կատարել ապրիլի վերջին շաբաթը:

Խորհրդարանի լուծումին յաջորդող նուազագոյնը 30 եւ առաւելագոյնը 45 օրերու ընթացքին պէտք է տեղի ունենայ նոր Ազգային ժողովի ընտրութիւն: Մինչեւ նոր Ազգային ժողովի ընտրութիւն եւ նոր վարչապետի ընտրութիւն, հրաժարեալ վարչապետը եւ նախարարները իբրեւ պաշտօնակատարներ կը շարունակեն պաշտօնավարել: Բացի ընթացիկ գործերէն, հրաժարեալ կառավարութեան հիմնական պարտականութիւնը կը դառնայ նոր Ազգային ժողովի ընտրութեան կազմակերպումը: Ըստ յայտարարուածին` 20 յունիսին:

Հայրենիքի փրկութեան շարժումը եւս արտակարգ ընտրութիւն կը պահանջէր, բայց աւելի ուշ թուականի մը: Ինչո՞ւ: Հայաստանի մէջ իշխանութիւններու կողմէ ընտրութիւն կազմակերպելով վերարտադրուելու աւանդութիւն մը գոյութիւն ունի: Օգտագործելով իրենց տրամադրութեան տակ եղող հնարաւորութիւնները, բոլոր իշխանութիւններն ալ յաջողած են իրենց համար մեծամասնութիւն ապահովել նորընտիր Ազգային ժողովին մէջ: Ներկայ իշխանութեան կատարած գործողութիւնները ցոյց կու տան, որ ան պիտի չշեղի այդ յոռի աւանդութենէն: Հայրենիքի փրկութեան շարժումը կ՛առաջադրէր կազմութիւնը չէզոք կառավարութեան մը, որուն վարչապետն ու նախարարները թեկնածու պիտի չըլլային Ազգային ժողովի անդամակցութեան: Ժամանակաւոր այդ կառավարութիւնը նախ պիտի աշխատէր Հայաստանի մէջ տիրող թշնամանքի, փոխադարձ ամբաստանութիւններու, բամբասանքի ու կասկածանքի մթնոլորտը փարատել, ապա ընտրութիւն կազմակերպէր խաղաղած մթնոլորտի մէջ: Նման մթնոլորտի ստեղծման համար նախատեսուած ժամանակը առաւելագոյնը մէկ տարի էր:

Տրամաբանական այս լուծումը կարելի չեղաւ իրագործել: Ի՞նչ պէտք է ընել: Այժմ պէտք է սպասենք դէպքերու զարգացումին. մթնոլորտը հանդարտեցնել, որպէսզի անգամ մը եւս ժխտական լիցքերով վտանգուած իրադրութեան մէջ, փորձենք յաջողցնել ժողովրդային կամքի ճշմարիտ պատկերով Ազգային ժողովի մը ընտրութիւնը:

Ժողովրդավարութիւնը միայն թիւի բազմութիւն չ՛ենթադրեր: Մեծամասնական թիւի ստեղծումը իսկական ժողովրդավարութեան կ՛առաջնորդէ, եթէ կատարուած է ազնիւ միջոցներով, ճշմարիտ իրազեկմամբ, առանց խարդաւանքներու, առանց նիւթական կամ բարոյական կաշառքի: Ահա այս պայմաններն են, որոնք պէտք է ստեղծուին, երբ շուտով փոփոխութիւններու ընթացակարգը ճամբայ ելլէ:

Պահանջենք ու յուսանք:

«Ազդակ»

Յարակից լուրեր

  • Անորոշութիւններով լեցուն եռեակ յայտարարութիւնը
    Անորոշութիւններով լեցուն եռեակ յայտարարութիւնը

    26 նոյեմբեր 2021-ին Սոչիի մէջ հանդիպեցան Հայաստանի Հանրապետութեան վարչապետը եւ Ազրպէյճանի Հանրապետութեան ու Ռուսիոյ Դաշնութեան նախագահները: Երեք ժամ տեւած բանակցութիւններէ ետք, երեք ղեկավարները տուին մամլոյ ասուլիս մը եւ հրապարակեցին սեղմ յայտարարութիւն մը: Երեքն ալ գոհունակութիւն յայտնեցին իրենց ունեցած կառուցողական խօսակցութիւններուն մասին:

  • Հայութեան արդարացի իրաւունքը անժամանցելի է
    Հայութեան արդարացի իրաւունքը անժամանցելի է

    22 նոյեմբեր 2021: Լիբանանի անկախութեան 78-րդ տարեդարձ, միաժամանակ անկախ Հայաստանի սահմաններու մասին Ամերիկայի Միացեալ Նահանգներու նախագահ Վուտրօ Ուիլսընի իրաւարար վճիռի հրապարակման 101-րդ տարեդարձ:

  • Նահանջը կը շարունակուի. Մինչեւ ո՞ւր
    Նահանջը կը շարունակուի. Մինչեւ ո՞ւր

    2020 թուականի աշնանային 44-օրուան պատերազմի աւարտի միամեակին կը սպասուէր նոր յայտարարութեան մը կամ համաձայնագիրի մը ստորագրումը: Այդ մտավախութեամ համար կային հիմնաւոր պատճառներ, բան մը, որ մղեց ընդդիմութիւնը հանրահաւաք կազմակերպելու եւ դիմադրութեան նոր փուլի մը սկզբնաւորումը յայտարարելու: Ընդդիմութեան նախատեսութիւնը սխալ չէր: Թէեւ եռակողմ հանդիպում, նոյնիսկ հեռակապի միջոցով, տեղի չունեցաւ, սակայն հրապարակայնօրէն բացայայտուեցաւ արդէն յայտնապէս գոյացած համաձայնութեան մը բաժիններէն մէկը: 

  • Դիմադրութիւն յանուն ազգային նպատակներու
    Դիմադրութիւն յանուն ազգային նպատակներու

    Այսօր, 44-օրեայ պատերազմի անձնատուական աւարտի տարելիցի նախօրեակին, «Հայաստան» դաշինքը հրաւիրած է Համազգային հանրահաւաքի: Այս հանրահաւաքով «Հայաստան» դաշինքը կ՛ուզէ սկիզբ դնել համազգային Դիմադրութեան:

  • Համբիկ Սասունեանի ազատագրումը առիթ է պայքարի աշխուժացման
    Համբիկ Սասունեանի ազատագրումը առիթ է պայքարի աշխուժացման

    Լիբանանեան քաղաքական կեանքի արհեստական խափանման եւ տնտեսական ու ընկերային տագնապի լուծման հեռանկարները դէպի փակուղի մղող երեւոյթները յուսահատութեան կը մատնեն քաղաքացիները: Եթէ լուծման նշոյլներ յայտնուին, նոր տագնապ մը կը ծագի, անակնկալօրէն, յիշեցնելու համար, որ Լիբանանի քաղաքացիները հաւաքական անողոք պատիժի դատապարտուած են իրենց ղեկավարներուն վարած սխալ քաղաքականութեան համար, որ… պարզորոշ կերպով չի մատնանշուիր:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։