Հա

Ազգային

14/04/2021 - 14:30

Հայութեան ապաւէնը Լիբանանէն մինչեւ Հայաստան

Այսօր, 46 տարի առաջ՝ Ապրիլ 13, 1975-ին, բռնկեցաւ Լիբանանի քաղաքացիական կռիւը։ Լիբանահայութիւնը պատրաստ չէր այս եղբայրասպան կռիւին, բայց պատրաստ ու վճռակամ էր պաշտպանելու բոլոր Լիբանահայերուն՝ Պէյրութէն Պուրճ Համուտ, Այնճար եւ Լիբանանի ամենէն հեռաւոր անկիւնները, ուր կը բնակէին համախումբ հայեր։

ՍԵԴՕ ՊՈՅԱՃԵԱՆ

 

Այսօր, 46 տարի առաջ՝ Ապրիլ 13, 1975-ին, բռնկեցաւ Լիբանանի քաղաքացիական կռիւը։ Լիբանահայութիւնը պատրաստ չէր այս եղբայրասպան կռիւին, բայց պատրաստ ու վճռակամ էր պաշտպանելու բոլոր Լիբանահայերուն՝ Պէյրութէն Պուրճ Համուտ, Այնճար եւ Լիբանանի ամենէն հեռաւոր անկիւնները, ուր կը բնակէին համախումբ հայեր։

Լիբանանի Հայ Յեղափոխական Դաշնակցութիւնը՝ պատասխանատուներով եւ շարքերով, տասնամեակներու փորձառութեամբ արդէն ունէր պաշտպանական եւ մարդասիրական իր կառոյցները։ Դաշնակցութեան կառոյցները լծուեցան գործի։ Արդիականացուցին նախկին զէնքերը, ընդարձակեցին ժողովուրդին աջակցելու մարդասիրական ցանցն ու պահեստները, դաստիարակեցին ժողովուրդը ռազմական գիտելիքներով...։

Այս բոլորով Դաշնակցութիւնը ստեղծեց հայուն սեփական ներքին պետութիւնը, քանի որ Լիբանանեան պետութիւնը ի զօրու չէր պաշտպանելու եւ պատսպարելու Լիբանանի հայութիւնը։ Այպէս, ստեղծուեցաւ ազգային բանակի համազօր հայուն սեփական պաշտպանական կառոյցը։ Բացուեցան մարդասիրական եւ առողջապահական, նոյնիսկ տնտեսական աջակցութեան կեդրոնները։

Այս բոլորի միտքն ու յղացումը կը պատկանէր Դաշնակցութեան Կեդրոնական Կոմիտէին եւ կոմիտէներուն։ Իսկ կազմակերպիչ ուժը եւ ոգին կը մարմնաւորէր ընկ. Աբոն։ Աշխատանքներու կեդրոնն էր Պուրճ Համուտի Սարդարապատ Ժողովրդային Տունը։

Ողջ Սփիւռքի տարածքին, հայութեան ճգնաժամեր հակակշռող եւ անդորրութիւնը ապահովող ուժն է Հայ Յեղափոխական Դաշնակցութիւնը։ Լիբանանի հայութիւնը վկա՛յ, ընկ. Աբոն վկա՛յ, պաշտպանական զինեալ տղաքը եւ մարդասիրական կամաւորները վկա՛յ...։

Մանաւանդ այս օրերուն, Հայաստանի հայութիւնը պէտք է մտաբերէ հայութեան Լիբանանեան մարտունակութիւնը եւ զայն մարմնաւորող կազմակերպութիւնը։ Ինչպէս Սփիւռքի, նաեւ հայրենի հայութեան ապաւէնն է Հայ Յեղափոխական Դաշնակցութիւնը։

Յարակից լուրեր

  • Բթամիտներուն վերադարձը
    Բթամիտներուն վերադարձը

    Պոլշեւիկներու ժամանակ անոնք գովերգեցին պոլշեւիզմը Դաշնակցութիւնը հալածելով։ Ապա դարձան պոլշեւիկներուն դէմ Դաշնակցութիւնը մեղադրելով։

  • Մակունցը կը հետեւի Թուրքիոյ դեսպանի օրինակին՝ ընդդէմ հայ երիտասարդներուն
    Մակունցը կը հետեւի Թուրքիոյ դեսպանի օրինակին՝ ընդդէմ հայ երիտասարդներուն

    Երէկ Ուաշինկթընի ՀՀ դեսպանատան մէջ ՀՀ դեսպան Լիլիթ Մակունցը «գունագեղ» ընդունելութիւն մը կազմակերպած էր՝ նշելու համար ՀՀ անկախութեան 30-ամեակը։

  • Մենք չենք ինչ որ էինք
    Մենք չենք ինչ որ էինք

    Մենք կ՚ըսենք, թէ մենք ե՛նք ինչ որ էինք, բայց մենք չենք ինչ որ էինք։

    Կը ներկայացնենք մենք մեզ ինչ որ էինք, բայց մենք շուքն իսկ չենք ինչ որ էինք։

  • Դուք չէիք թոյլ տար որ հոս հասնի հայրենիքը
    Դուք չէիք թոյլ տար որ հոս հասնի հայրենիքը

    Մեր մեծ ընկերներ, Անկախութեան Օրն է այսօր։ Կ՚ուզենք ձեզի ըսել «Անկախութեան Օրը Շնորհաւոր»։

  • Ո՞վ կասեցուց Հայաստանի ազգակերտումը
    Ո՞վ կասեցուց Հայաստանի ազգակերտումը

    Ազգերը չեն ծնիր, կը կերտուին։ Որեւէ հաւաքականութիւն կրնայ քարշ տալ իր աննպատակ գոյութեան՝ առանց ազգի վերածուելու։ Հաւաքական նպատակը եւ առաքելութիւնը կառուցելով է որ կը կերտուի ազգը։ Ա՛յս է ու ա՛յս կը մնայ ազգակերտումի (nation building) աշխատանքը հաւաքականութեան մը համար։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։