Հա

Ազգային

15/04/2021 - 08:35

«Մարտական խաչ» շքանշաններ եւ «Արիութեան համար» մեդալներ․ ՀՅԴ նահատակ կամաւորները պարգեւատրւեցին

Արցախի Հանրապետութեան նախագահի հրամանագրով՝ 2020 թւականի սեպտեմբերի 27-ին հակառակորդի սանձազերծած լայնածաւալ ռազմական գործողութիւնների ընթացքում Արցախի Հանրապետութեան պետական սահմանը պաշտպանելիս ցուցաբերած բացառիկ քաջութեան ու արիութեան համար պարգեւատրւեցին ՀՅԴ «Կամաւորական շարժում» հասարակական կազմակերպութեան նահատակ կամաւորները։

«alikonline.ir» - Արցախի Հանրապետութեան նախագահի հրամանագրով՝ 2020 թւականի սեպտեմբերի 27-ին հակառակորդի սանձազերծած լայնածաւալ ռազմական գործողութիւնների ընթացքում Արցախի Հանրապետութեան պետական սահմանը պաշտպանելիս ցուցաբերած բացառիկ քաջութեան ու արիութեան համար պարգեւատրւեցին ՀՅԴ «Կամաւորական շարժում» հասարակական կազմակերպութեան նահատակ կամաւորները։

Պարգեւները յանձնեցին Արցախի Հանրապետութեան անվտանգութեան խորհրդի քարտուղար, Արցախի հերոս, գեներալ-մայոր Վիտալի Բալասանեանը, ՀՅԴ «Կամաւորական շարժում» ՀԿ գումարտակի հրամանատար Հարմիկ Յովսէփեանը, ՀՅԴ «Կամաւորական շարժում» ՀԿ գումարտակի շտաբի պետ Արտաշէս Մխիթարեանը։

Յետմահու «Մարտական խաչ» առաջին աստիճանի շքանշաններ ստացան Մհեր Յարութիւնեանը, Գեղամ Մուշեղեանը, «Մարտական խաչ» երկրորդ աստիճանի շքանշաններ՝ Քրիստափոր Արթինը, Կիմ Խաչատրեանը, Մայիս Նազարեանը։

Նահատակ միւս մարտիկներն ստացան «Արիութեան համար» մեդալ։

Ընդհանուր առմամբ՝ ՀՅԴ «Կամաւորական շարժում» հասարակական կազմակերպութիւնից յետմահու պարգեւատրւեց 27 կամաւոր։ Պարգեւներն ստացան նրանց զաւակները, կանայք, ընտանիքի անդամները։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։