Հա

Ազգային

19/04/2021 - 13:25

Պահանջատիրութեան դադար չկայ

Հայոց Ցեղասպանութեան հարիւրամեակին` 2015-ին, եկեղեցին սրբադասեց Մեծ Եղեռնի զոհերը, զանոնք վերածելով խմբովին անանուն նահատակներու: Գաղափարի` հաւատքի ու հայրենիքի համար կամաւորապէս իրենց կեանքը տուած սուրբերու:

ՏԻԳՐԱՆ ՃԻՆՊԱՇԵԱՆ

 

Հայոց Ցեղասպանութեան հարիւրամեակին` 2015-ին, եկեղեցին սրբադասեց Մեծ Եղեռնի զոհերը, զանոնք վերածելով խմբովին անանուն նահատակներու: Գաղափարի` հաւատքի ու հայրենիքի համար կամաւորապէս իրենց կեանքը տուած սուրբերու:

Հաւատքի ու հայրենիքի համար գերագոյն զոհաբերութիւն կատարած մարդերը, մեզի կտակած են այդ հաւատքը ու իրենց փայփայած հայրենիքը պահպանելու պարտաւորութիւնը:

Հազարամեակներ տեւած, բազում մաքառումներով, պատերազմներով, բայց նաեւ` ստեղծագործ աշխատանքով ձեւաւորուած մարդկային տեսակ մը` հայ ազգը, իր յատուկ ինքնութեամբ ու հայրենի հողով պահպանելու պարտաւորութիւնը:

Շատոնց արդէն երես թեքած էինք միլիոն կորուստներու վրայ ողբալու իր ժամանակին հասկնալի սովորութենէն: Յայտարարած էինք, որ չենք գոհանար Ցեղասպանութեան ճանաչումով, որ պատմական իրողութեան մը սոսկ արձանագրութիւնն է: Պահանջատիրութիւնը, կորսուածը վերադարձնելու կամքը, հատուցում ստանալու պահանջը յիսնամեակէ մը ի վեր դարձեր էին իրերայաջորդ սերունդներու հաւատամքը:

Ցեղասպանութեան ճանաչումը եւ պահանջատիրութիւնը վերածուեր էին հայ ազգային կեանքը զսպանակող գործօններու: Հարիւրամեակ մը ամբողջ, տարտղնուած աշխարհով մէկ ու իր ստուար մեծամասնութեամբ սփիւռքացած հայ ազգը, յաճախակի պարտութիւններէ ու նոյնքան ալ մասնակի յաղթանակներէ ետք, ոտք կոխեց 21-րդ դար երկու հայկական անկախ պետականութեամբ: Յաղթական ու խրոխտ հայութիւնը տեսաւ իր պահանջատիրական պայքարին արդիւնաւորումը` ազատ ու անկախ Հայաստանով եւ ազատ ու անկախ Արցախով:

Ո՞ւր ենք հասած հիմա: Մեր կրած ահաւոր պարտութիւնը կրնա՞յ վերջակէտ դառնալ ամբողջական հայրենիք եւ ամբողջական հայութիւն կերտելու մեր պահանջատիրական պայքարին:

Ամէն պայքար, ազգային ամէն ոգորում անպայման յաղթանակներու շղթայ մը չէ դժբախտաբար: Յաղթանակի ոգեւորութիւնը եթէ կամքի թուլացման առաջնորդէ, կը հետեւի պարտութիւնը: Ու պարտութիւնը պայքարի ճանապարհին սթափեցնող յատկութիւն ունի:

Ապրիլ 24-ին կը գանգատէինք, որ մեզմէ շատերը միայն այդ օրը կը յիշէին կատարուածին ահաւորութիւնը եւ յիշատակի տուրքով մը կը գոհանային: Հայ դատի պայքարին չէին բերեր ակնկալելի մասնակցութիւնը, զայն չէին դարձներ իրենց կենցաղին շաղախը: Ոմանք նոյնիսկ մոռնալ կ՛ուզին, ընթացիկ ընկերային ու տնտեսական հոգերը նախապատիւ կը համարէին: Բայց բոլորին մօտ յառաջացած էր այն զգայնութիւնը, որ պահանջատիրական պայքարը թափ առած է ու անոր կասեցում չկայ:

44-օրեայ պատերազմին մեր պարտութիւնը պահանջատիրական պայքարի ճամբուն վրայ ծանր հանգրուան մըն է: Ժխտական հանգրուան, բայց միայն հանգրուան: Մէկը եւս այն բազմաթիւ ժխտական հանգրուաններէն, որոնցմով լիքն է հայոց պատմութիւնը:

Ցեղասպանութեան յիշատակի օրուան նախօրեակին, հանգրուանային այս պարտութիւնը սթափեցնող առիթի պէտք է վերածենք ու ազգովին համախմբուելով, պահանջատիրական պայքարին տանք նոր բովանդակութիւն ու նոր ուժականութիւն:

Հայաստանի, Արցախի ու սփիւռքի մէջ, մեր հաւանական թերացումներուն ու սխալներու իբրեւ արդիւնք պարտութենէն ետք, նոր թափով պիտի աշխատինք կորսուածը վերադարձնել, ու շարունակենք պահանջատիրական պայքարը:

 

«Ազդակ»

Յարակից լուրեր

  • Շուետիոյ արտաքին նախարարը խիստ քննադատութեան տակ
    Շուետիոյ արտաքին նախարարը խիստ քննադատութեան տակ

    Կառավարութիւնը պարտաւոր է ճանաչել՝ Ցեղասպանութիւնը ցեղասպանութիւն է. Այսպէս է Էքսպրեսըն թերթի խմբագրականի խորագիրը 3 մայիսի 2021 համարին մէջ։

    Արտաքին գործոց նախարար Անն Լինտէի տարօրինակ յայտարարութեան հետ կապուած քննարկումները կը շարունակուին Շուէտիոյ մէջ. Նախարարը թուիթերեան մէկ գրառութեամբ ցեղասպանութիւնը կը փոխարիներ խոշտանգում բառով, Ես կը փորձեմ կարճ ակնարկ մը կատարել Բայդընի կողմէ ցեղասպանութիւն բառի օգտագործման եւ Շուետիոյ մէջ անոր ստեղծած արձագանքներու մասին:

  • Ասիայի եկեղեցիների խորհուրդը ճանաչում է Հայոց Ցեղասպանութիւնը
    Ասիայի եկեղեցիների խորհուրդը ճանաչում է Հայոց Ցեղասպանութիւնը

    Ասիայի եկեղեցիների խորհուրդը (կազմւած Ասիայի ողջ տարածքում գտնւող երկրների քրիստոնեայ եկեղեցիներից, ներառեալ Հայաստանեայց եկեղեցին), զօրակցելով հայ եկեղեցուն եւ ժողովրդին, իր գոհունակութիւնն է յայտնում ԱՄՆ նախագահ Ջօ Բայդէնի Հայոց Ցեղասպանութեան ճանաչման առիթով, եւ իր հերթին միանում է աշխարհի խաղաղասէր մարդկութեանը, դատապարտելով ամէն տեսակի բռնութիւն, պատերազմ ու ժողովուրդների խաղաղ կեանքը խանգարող որեւէ արարք։

  • 907-րդ բանաձեւից հրաժարւելով՝ ԱՄՆ-ը կանաչ լոյս է վառելու ՀՀ-ի եւ Արցախի դէմ հետագայ ադրբեջանական ագրեսիայի համար
    907-րդ բանաձեւից հրաժարւելով՝ ԱՄՆ-ը կանաչ լոյս է վառելու ՀՀ-ի եւ Արցախի դէմ հետագայ ադրբեջանական ագրեսիայի համար

    ԱՄՆ նախագահ Ջօ Բայդէնի` Հայոց Ցեղասպանութիւնը ճանաչող յայտարարութիւնը վերջ դրեց ԱՄՆ արտաքին քաղաքականութեան մէջ խօսքի ազատութեան սահմանափակմանն ուղղւած ամենաերկարատեւ պատմութիւնն ունեցող գործելակերպին՝ Թուրքիայի կառավարութեանը յստակ ուղերձ յղելով, որ ոչ թէ Էրդողանը, այլ ԱՄՆ-ն է որոշողը՝ ինչպէս դատապարտել, ոգեկոչել եւ անդրադառնալ այս յանցագործութեան հետեւանքներին։ 

  • Նկատառումներ` արձանագրուած քաղաքական մեծ կէտի վերաբերեալ
    Նկատառումներ` արձանագրուած քաղաքական մեծ կէտի վերաբերեալ

    Միացեալ Նահանգներու նախագահ Ճօ Պայտըն Հայոց Ցեղասպանութիւնը ճանչնալով, իբրեւ Միացեալ Նահանգներու այդ քայլը կատարած առաջին նախագահ` ապահովեց պատմութեան մէջ իր պատուական տեղը:

  • Արգենտինական ակումբը խաղացել է Հայոց Ցեղասպանութեան տարելիցին նւիրւած մարզաշապիկներով
    Արգենտինական ակումբը խաղացել է Հայոց Ցեղասպանութեան տարելիցին նւիրւած մարզաշապիկներով

    Արգենտինական «Դեպորտիւօ Արմենիօ» ակումբը յարգանքի տուրք է մատուցել Հայոց Ցեղասպանութեան անմեղ զոհերի յիշատակին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։