Հա

Ազգային

19/04/2021 - 13:25

Պահանջատիրութեան դադար չկայ

Հայոց Ցեղասպանութեան հարիւրամեակին` 2015-ին, եկեղեցին սրբադասեց Մեծ Եղեռնի զոհերը, զանոնք վերածելով խմբովին անանուն նահատակներու: Գաղափարի` հաւատքի ու հայրենիքի համար կամաւորապէս իրենց կեանքը տուած սուրբերու:

ՏԻԳՐԱՆ ՃԻՆՊԱՇԵԱՆ

 

Հայոց Ցեղասպանութեան հարիւրամեակին` 2015-ին, եկեղեցին սրբադասեց Մեծ Եղեռնի զոհերը, զանոնք վերածելով խմբովին անանուն նահատակներու: Գաղափարի` հաւատքի ու հայրենիքի համար կամաւորապէս իրենց կեանքը տուած սուրբերու:

Հաւատքի ու հայրենիքի համար գերագոյն զոհաբերութիւն կատարած մարդերը, մեզի կտակած են այդ հաւատքը ու իրենց փայփայած հայրենիքը պահպանելու պարտաւորութիւնը:

Հազարամեակներ տեւած, բազում մաքառումներով, պատերազմներով, բայց նաեւ` ստեղծագործ աշխատանքով ձեւաւորուած մարդկային տեսակ մը` հայ ազգը, իր յատուկ ինքնութեամբ ու հայրենի հողով պահպանելու պարտաւորութիւնը:

Շատոնց արդէն երես թեքած էինք միլիոն կորուստներու վրայ ողբալու իր ժամանակին հասկնալի սովորութենէն: Յայտարարած էինք, որ չենք գոհանար Ցեղասպանութեան ճանաչումով, որ պատմական իրողութեան մը սոսկ արձանագրութիւնն է: Պահանջատիրութիւնը, կորսուածը վերադարձնելու կամքը, հատուցում ստանալու պահանջը յիսնամեակէ մը ի վեր դարձեր էին իրերայաջորդ սերունդներու հաւատամքը:

Ցեղասպանութեան ճանաչումը եւ պահանջատիրութիւնը վերածուեր էին հայ ազգային կեանքը զսպանակող գործօններու: Հարիւրամեակ մը ամբողջ, տարտղնուած աշխարհով մէկ ու իր ստուար մեծամասնութեամբ սփիւռքացած հայ ազգը, յաճախակի պարտութիւններէ ու նոյնքան ալ մասնակի յաղթանակներէ ետք, ոտք կոխեց 21-րդ դար երկու հայկական անկախ պետականութեամբ: Յաղթական ու խրոխտ հայութիւնը տեսաւ իր պահանջատիրական պայքարին արդիւնաւորումը` ազատ ու անկախ Հայաստանով եւ ազատ ու անկախ Արցախով:

Ո՞ւր ենք հասած հիմա: Մեր կրած ահաւոր պարտութիւնը կրնա՞յ վերջակէտ դառնալ ամբողջական հայրենիք եւ ամբողջական հայութիւն կերտելու մեր պահանջատիրական պայքարին:

Ամէն պայքար, ազգային ամէն ոգորում անպայման յաղթանակներու շղթայ մը չէ դժբախտաբար: Յաղթանակի ոգեւորութիւնը եթէ կամքի թուլացման առաջնորդէ, կը հետեւի պարտութիւնը: Ու պարտութիւնը պայքարի ճանապարհին սթափեցնող յատկութիւն ունի:

Ապրիլ 24-ին կը գանգատէինք, որ մեզմէ շատերը միայն այդ օրը կը յիշէին կատարուածին ահաւորութիւնը եւ յիշատակի տուրքով մը կը գոհանային: Հայ դատի պայքարին չէին բերեր ակնկալելի մասնակցութիւնը, զայն չէին դարձներ իրենց կենցաղին շաղախը: Ոմանք նոյնիսկ մոռնալ կ՛ուզին, ընթացիկ ընկերային ու տնտեսական հոգերը նախապատիւ կը համարէին: Բայց բոլորին մօտ յառաջացած էր այն զգայնութիւնը, որ պահանջատիրական պայքարը թափ առած է ու անոր կասեցում չկայ:

44-օրեայ պատերազմին մեր պարտութիւնը պահանջատիրական պայքարի ճամբուն վրայ ծանր հանգրուան մըն է: Ժխտական հանգրուան, բայց միայն հանգրուան: Մէկը եւս այն բազմաթիւ ժխտական հանգրուաններէն, որոնցմով լիքն է հայոց պատմութիւնը:

Ցեղասպանութեան յիշատակի օրուան նախօրեակին, հանգրուանային այս պարտութիւնը սթափեցնող առիթի պէտք է վերածենք ու ազգովին համախմբուելով, պահանջատիրական պայքարին տանք նոր բովանդակութիւն ու նոր ուժականութիւն:

Հայաստանի, Արցախի ու սփիւռքի մէջ, մեր հաւանական թերացումներուն ու սխալներու իբրեւ արդիւնք պարտութենէն ետք, նոր թափով պիտի աշխատինք կորսուածը վերադարձնել, ու շարունակենք պահանջատիրական պայքարը:

 

«Ազդակ»

Յարակից լուրեր

  • Աւստրալիայի կառավարութեան կողմից Հայոց Ցեղասպանութեան ճանաչումը ժամանակի հարց է
    Աւստրալիայի կառավարութեան կողմից Հայոց Ցեղասպանութեան ճանաչումը ժամանակի հարց է

    Աւստրալիայի Ներկայացուցիչների պալատի՝  Օսմանեան կայսրութեան կողմից 1915-1923 թւականների ընթացքում հայերի, ասորիների ու յոյների դէմ իրականացւած ցեղասպանութիւնները ճանաչելու գործադիրին ուղղւած կոչը կարեւոր ձեռքբերում է: «Արմէնպրես»-ի հետ զրոյցում այս մասին նշեց Աւստրալիայի Հայ Դատի յանձնախմբի գործադիր տնօրէն Հայկ Գայսէրեանն՝ աւելացնելով, որ նշանակալի աշխատանք է տարւել տեղի յոյն, ասորի համայնքների ներկայացուցիչների հետ:

  • Անորոշութիւններով լեցուն եռեակ յայտարարութիւնը
    Անորոշութիւններով լեցուն եռեակ յայտարարութիւնը

    26 նոյեմբեր 2021-ին Սոչիի մէջ հանդիպեցան Հայաստանի Հանրապետութեան վարչապետը եւ Ազրպէյճանի Հանրապետութեան ու Ռուսիոյ Դաշնութեան նախագահները: Երեք ժամ տեւած բանակցութիւններէ ետք, երեք ղեկավարները տուին մամլոյ ասուլիս մը եւ հրապարակեցին սեղմ յայտարարութիւն մը: Երեքն ալ գոհունակութիւն յայտնեցին իրենց ունեցած կառուցողական խօսակցութիւններուն մասին:

  • Հայութեան արդարացի իրաւունքը անժամանցելի է
    Հայութեան արդարացի իրաւունքը անժամանցելի է

    22 նոյեմբեր 2021: Լիբանանի անկախութեան 78-րդ տարեդարձ, միաժամանակ անկախ Հայաստանի սահմաններու մասին Ամերիկայի Միացեալ Նահանգներու նախագահ Վուտրօ Ուիլսընի իրաւարար վճիռի հրապարակման 101-րդ տարեդարձ:

  • Նահանջը կը շարունակուի. Մինչեւ ո՞ւր
    Նահանջը կը շարունակուի. Մինչեւ ո՞ւր

    2020 թուականի աշնանային 44-օրուան պատերազմի աւարտի միամեակին կը սպասուէր նոր յայտարարութեան մը կամ համաձայնագիրի մը ստորագրումը: Այդ մտավախութեամ համար կային հիմնաւոր պատճառներ, բան մը, որ մղեց ընդդիմութիւնը հանրահաւաք կազմակերպելու եւ դիմադրութեան նոր փուլի մը սկզբնաւորումը յայտարարելու: Ընդդիմութեան նախատեսութիւնը սխալ չէր: Թէեւ եռակողմ հանդիպում, նոյնիսկ հեռակապի միջոցով, տեղի չունեցաւ, սակայն հրապարակայնօրէն բացայայտուեցաւ արդէն յայտնապէս գոյացած համաձայնութեան մը բաժիններէն մէկը: 

  • Մեծն Բրիտանիոյ յապաղումը
    Մեծն Բրիտանիոյ յապաղումը

    Մեծն Բրիտանիան միտ ալ, իր նիւթական եւ քաղաքական հաշիւները նկատի ունենալով (մեր բառարանին մէջ անոր տուած են «մութ» որակումը), աւանդականօրէն համակրանք ցոյց չէ տուած Հայաստանին եւ հետեւողականօրէն արհամարհած է Հայ Դատը։ Նորագոյն ցայտուն օրինակը դրսեւորուեցաւ տարի մը առաջ, 44-օրեայ պատերազմի օրերուն, անոր որդեգրած դիրքորոշումներով, մինչեւ իսկ Մ․Ա․Կ․-էն ներս։ Այլ ցուցանիշներ էին, պատերազմի նախօրեակին, ազերիներու կազմակերպած հաւաքներն ու ցոյցերը Լոնտոնի մէջ Հայաստանի դեսպանատան առջեւ, որոնք պարզ ու պատահական դէպքեր չէին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։