Հա

Ազգային

20/04/2021 - 13:10

Թող այս ապրիլ 24-ը վերածուի իշխանափոխութեան

Մեծ Եղեռնի յիշատակման օրը կը մօտենայ։ Ժողովուրդը հաւատարմօրէն պիտի կատարէ իր պարտականութիւնը, պիտի մատուցէ իր յարգանքը, պիտի վերանորոգէ պահանջատիրական պայքարը շարունակելու իր ուխտը։ 

ՍԵԴՕ ՊՈՅԱՃԵԱՆ

 

Մեծ Եղեռնի յիշատակման օրը կը մօտենայ։ Ժողովուրդը հաւատարմօրէն պիտի կատարէ իր պարտականութիւնը, պիտի մատուցէ իր յարգանքը, պիտի վերանորոգէ պահանջատիրական պայքարը շարունակելու իր ուխտը։

Բայց ժողովուրդը յուսախաբ է, ընդվզում ունի իր սրտին մէջ, զայրոյթը կ՚եռայ երակներուն մէջ։ 

Լաւ հասկնանք ժողովուրդին զգացումը։ Աչքերը բանանք եւ Ցեղասպանութեան յիշատակման այս տարին գէթ մէկ անգամ տեսնենք տիրող իրականութիւնը, ուր ժողովրդային զգացումին թիրախը միայն Թուրքիան չէ։ Ժողովուրդին հիասթափութիւնը, ընդվզումը եւ զայրոյթը հաւասարապէս ուղղուած է մեր պետական ղեկավարութեան դէմ։ 

Եւ արդարացիօրէ՛ն։ 

Տիրող իրավիճակը միայն մռայլ չէ, այլ՝ ողբերգական։ 

Ժամանակին եթէ մտահոգուած էինք երկրի եւ ժողովուրդի գոյատեւելիութեամբ, այսօր հարցը Հայաստանի եւ հայրենի ժողովուրդի գոյութեան հարցն է։ 

Այս վտանգաւոր կացութեան գլխաւոր պատասխանատուն ղեկավարութիւնն է։ Օտար ուժերու պատուէրով առաջնորդուող մարդոց յանձնուած է պետութեան ղեկը։ Մարդիկ, որոնք բթացած ուղեղով, ապաշնորհ կարողութեամբ ու ապիկար գործելաոճով կը քանդեն ու կը քանդեն պետութեան կառոյցները, կը սնանկացնեն ու կը սնանկացնեն տնտեսութիւնը, կը ջլատեն ու կը ջլատեն հայրենի սահմանները։ 

Այս մարդոցմէ շատերը ապահով գոհունակութեամբ կը դիտեն իրենց ապագան՝ շնորհիւ Ամերիկեան եւ Եւրոպական դրամատուներուն մէջ պահ դրած իրենց հարիւր հազարաւոր թէ միլիոնաւոր տոլարի հաշիւներով։ Եւ կը շարունակեն ձգտիլ իշխանութեան վրայ մնալու՝ իրենց դրամատնային հաշիւները աւելի յղփացնելու ակնկալութեամբ։ 

Մի քանի օրէն, Ապրիլ 24-ի յուշատօնին առիթով այս մարդիկը իրենց կառավարական եւ խորհրդարանական ղեկավարներով աներեսաբար ելոյթներ պիտի սարքեն ի յիշատակ մեր նահատակներուն։ Անոնք պիտի պղծեն մեր նահատակներուն սրբութիւնը։ Անոնք, անցեալի նման, պիտի դաւաճանեն մեր նահատակներուն կտակը։ 

Բայց մեր ժողովուրդը, գէթ այս տարի, մէկ բռունցք դառնալով պէտք է արգիլէ այս փերեզակ առաջնորդները, որպէսզի չկարողանան կրկին շահագործել մեր ազգային յիշողութիւնը։ 

Այս մարդիկը իրաւունքը չունին բառ մ՚իսկ խօսելու մեր նահատակներու մասին։ 

Ժողովուրդը իր ըմբոստ յատկութեամբ եւ յեղափոխական աւանդով պարտաւոր է լռեցնել այս մարդոց։ 

Ոչ միայն լռեցնել, այլ ամենայն յանդգնութեանբ արգիլել անոնց մուտքը Ծիծեռնակաբերդ։ 

Ժողովուրդը պէտք չէ սպասէ Յունիսի ընտրութիւններուն։ Ժողովուրդը պարտի այս Ապրիլ 24-ը վերածել իսկական, գործնական իշխանափոխութեան...։

 

Ապրիլ 19, 2021

Յարակից լուրեր

  • Այս ընտրութիւնները նիկոլ փաշինեանի ձախողութեան մասին են
    Այս ընտրութիւնները նիկոլ փաշինեանի ձախողութեան մասին են

    Երեք տարի առաջ հայրենիքը վտանգի ճանապարհին տեղադրելու ուղեւորութեան մը արկածախնդրութիւնը տեղի ունեցաւ։ Եղան մարդիկ, ներառեալ այս տողերուն հեղինակը, որոնք զգուշացուցին, նոյնիսկ ահազանգեցին այս փորձութեան աղիտաբեր հետեւանքներուն մասին։ Բայց էֆորիայի մէջ ինկած ժողովուրդը չէր կրնար լսել ու տեսնել Հայաստանի, Արցախի, ազգային արժէքներու եւ Հայ Դատի դէմ արտաքնապէս սարքուած վտանգաւոր բեմադրութիւնը։

  • Էրդողանը յայտարարել է, որ Թուրքիան յոգնել է Հայոց Ցեղասպանութեան վերաբերեալ «կեղծ մեղադրանքներից»
    Էրդողանը յայտարարել է, որ Թուրքիան յոգնել է Հայոց Ցեղասպանութեան վերաբերեալ «կեղծ մեղադրանքներից»

    Ինչո՞ւ են թուրք-ամերիկեան յարաբերութիւններն այդքան լարւած: Իհարկէ՛, պարոն Բայդէնի հետ մեր հանդիպմանը մենք կը հարցնենք, թէ ինչու. այս մասին յայտարարել է Թուրքիայի նախագահ Ռեջեփ Թայիփ Էրդողանը TRT-ին տւած հարցազրոյցում:

  • Նիկոլ Փաշինեան իրաւունք չունի տարածքային զիջումի որեւէ փաստաթուղթ ստորագրելու
    Նիկոլ Փաշինեան իրաւունք չունի տարածքային զիջումի որեւէ փաստաթուղթ ստորագրելու

    Ակնարկելով համացանցի վրայ բացայայտուած «փաստաթուղթ»-ին, Մայիս 20-ի կառավարութեան նիստի բացումին «վարչապետի պաշտօնակատար» Նիկոլ Փաշինեան յայտարարեց, «Այո՛, ես այդ թուղթը ստորագրելու եմ»։ Այս «թուղթի» ամբողջական բովանդակութիւնը ցարդ չէ հրապարակուած, կը մնայ գաղտնի։ Համացանցով հրապարակուած «փաստաթուղթը» որոշ պատկերացում մը կու տայ անոր էութեան մասին, ուր ի միջի այլ պայմաններու, Հայաստանի Հանրապետութիւնը կը պարտաւորուի Ատրպէյճանին յանձնել նոր հողաշերտեր եւ կատարել համապատասխան սահմանագծումներ։

  • Դդում մը եւս
    Դդում մը եւս

    Ազգային Ժողովը Հայաստանի բարձրագոյն օրէնսդիր մարմինն է։ Անոր գլխաւորագոյն պարտականութիւնն է մշակել եւ ընդունիլ օրէնքներ՝ ի սպաս հայրենիքին եւ ժողովուրդին։ Անոր անդամները ժողովուրդին կողմէ ընտրուած պատգամաւորներն են, որոնք իրենց օրէնսդրական պարտականութիւնը կատարելու համար առնուազն պէտք է իւրացուցած ըլլան երկրի հիմնական օրէնքները, այսինքն՝ ՀՀ Սահմանադրութեան բոլոր տրամադրութիւնները։

  • Լեւոն Տէր-Պետրոսեանը կեղծ կատեգորիա է
    Լեւոն Տէր-Պետրոսեանը կեղծ կատեգորիա է

    Հայաստանի քաղաքական մենակեացը՝ առաջին նախագահ Լեւոն Տէր-Պետրոսեան, որ տակաւին 1991-ին կը յայտարարէր թէ «ազգային գաղափարախօսութիւնը կեղծ կատեգորիա է», այսօր կրկին կը ցցէ իր գլուխը՝ ընդդէմ ազգային գաղափարախօսութեան։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։