Հա

Ազգային

22/04/2021 - 16:40

Յայտարարութիւն․ Հայոց Ցեղասպանութեան 106-րդ տարելիցին ընդառաջ ո՛չ ուրացման հանդուրժողականութեան, այո՛ համահայկական հռչակագրին

Դէմ յանդիման կը գտնուինք Հայոց Ցեղասպանութեան 106-րդ տարելիցին:

Արժանթինի, Ուրուկուայի եւ Պրազիլի մէջ գործող Հայ Յեղափոխական Դաշնակցութեան Հարաւային Ամերիկայի կառոյցին համար կենդանի է յիշողութեան, ճշմարտութեան եւ արդարահատոյցի քաղաքական յանձնառութիւնը, որուն հետեւումով տարածաշրջանին մէջ անձնաւորութիւններ, հասարակական կազմակերպութիւններ, պետութիւններ օրէնսդիր, գործադիր եւ արդարդատական իշխանութիւններու մակարդակով ճանչցան Հայոց Ցեղասպանութիւնը:

Դէմ յանդիման կը գտնուինք Հայոց Ցեղասպանութեան 106-րդ տարելիցին:

Արժանթինի, Ուրուկուայի եւ Պրազիլի մէջ գործող Հայ Յեղափոխական Դաշնակցութեան Հարաւային Ամերիկայի կառոյցին համար կենդանի է յիշողութեան, ճշմարտութեան եւ արդարահատոյցի քաղաքական յանձնառութիւնը, որուն հետեւումով տարածաշրջանին մէջ անձնաւորութիւններ, հասարակական կազմակերպութիւններ, պետութիւններ օրէնսդիր, գործադիր եւ արդարդատական իշխանութիւններու մակարդակով ճանչցան Հայոց Ցեղասպանութիւնը: Համոզուած կը մնանք, որ պահանջատիրական պայքարն է միակ ուղին, որ ի վերջոյ ցեղասպան պետութեան համար գործած ոճիրին ճանաչումն ու նիւթական թէ բարոյական վնասուց հատուցման ընդունումը անխուսափելի պիտի դարձնէ:

2020 թուականը ճակատագրականօրէն ողբերգական եղաւ Հայաստանի եւ հայ ժողովուրդին համար: Համավարակի հանդէպ Հայաստանի իշխանութիւններու որդեգրած սկզբնական անպատասխանատու կեցուածքը՝ լուրջի չառնելու քորոնաժահրի սպառնալիքը փոքր եւ ամէն իմաստով խոցելի երկրի մը ու տնտեսութեան մը համար, պատճառ դարձաւ որ ուշանան անոր դիմագրաւման անհրաժեշտ պետական ամէն միջոցառումները եւ հասարակութեան գիտակցումը ծայրայեղ զգուշաւորութեան անհրաժեշտութեան: Միջին Արեւելքի մէջ սուրիահայութեան յամեցող դժուարութիւնները, եւ, մանաւանդ, լիբանահայութեան դիմագրաւած ընկերա-տնտեսական սուր ճգնաժամը Պէյրութի նաւահանգիստի պայթումի աղէտէն յետոյ, համավարակի մարտահրաւէրը դիմագրաւող սփիւռքեան համայնքներու օրակարգին վրայ անխուսափելի դարձուցին այդ տարածաշրջանէն եկած օժանդակութիւններու դիմումներու ներառումը: Քառասունչորսօրեայ պատերազմը, որպէս տարուայ մեծագոյն պատուհաս, եւ ազրպէյճանաթրքական համատարած յարձակումը Արցախի ճակատներու երկայնքին, որ աւարտեցաւ Հայստանի իշխանութիւններուն կողմէ Նոյեմբեր 9-ի նուաստացուցիչ համաձայնագիրը ստորագրելու եւ Արցախի ազատագրուած տարածքներուն 70 տոկոսը յանձնելու իրողութեամբ, երկիրը դրին անկախութենէն ի վեր ամենէն տկար եւ խոցելի իրավիճակին մէջ:

Պատերազմի ամբողջ տեւողութեան եւ անկէ յետոյ, Ազրպէյճանի, Թուրքիոյ եւ իսլամիստ վարձկաններու կողմէ միջազգային ամէն նորմերու խախտումը բացայայտ դարձուց անպատժելիութեան հետեւանքները: Պատերազմի հետեւանքով զոհուեցան գրեթէ հինգ հազար հայորդիներ, վիրաւորուեցան եւ հաշմանդամ մնացին տասը հազար հոգի, տակաւին չկայ անհետ կորածներու իսկական թիւը, մինչ Ազրպէյճան կը մերժէ ազատ արձակել գրեթէ 200 պատերազմական գերի, որոնց կը մերժէ ճանչնալ որպէս այդպիսին, հակառակ նոյեմբեր 9-ի եռակողմ յայտարարութեամբ իր ստանձնած պարտաւորութիւններուն:

Հայ ժողովուրդի նուաստացումը, Հայաստանի գոյութեան իրաւունքի ժխտումը, գրաւուած տարածաշրջաններուն մէջ հայկական դարաւոր ներկայութեան փաստերու ոչնչացումը, Սիւնիքի սահմանամերձ շրջաններուն մէջ հողատարածքներու իւրացումը Ազրպէյճանի յետ-պատերազմեան հայատեաց քաղաքականութեան ամենօրեայ արտայայտութիւններն են: Անգարայի եւ Պաքուի կողմէ գործադրուած ճնշումները՝ Զանգեզուրի վրայով Նախիջեւանի եւ Ազրպէյճանի միջեւ ցամաքային կապի ստեղծման համար նպատակ ունին իրականութիւն դարձնելու անցեալ դարասկիզբի փանթրքական աշխարհաքաղաքական ծրագիրը, որ Հայոց Ցեղասպանութեան եւ Արեւմտահայաստանի հայաթափման գլխաւոր պատճառն էր:

Ազրպէյճաթրքական հայատեացութիւնը չի սահմանափակուիր Կովկասով: Եւրոպայի թէ Միջին Արեւելքի հայահոծ համայնքներ ունեցող երկիրներու մէջ արդէն ակտիւացած են փանթրքական Գորշ գայլերու խորհրդանիշի բացայայտ ցուցադրումով հակահայկական բարաբրոսութեան արարքները: Զուգահեռաբար, Ազրպէյճանի պետական քարոզչութիւնը շնականութեան նոր մակարդակի հասցուցած է Հայոց Ցեղասպանութեան ժխտումը՝ զոհը դահիճի վերածելու ճիգին ընդմէջէն:

Այս բոլորը պատճառ են աւելի քան երբեք կենդանի պահելու Հայ Դատի պահանջատիրութիւնը՝ Հայոց Ցեղասպանութեան ճանաչման եւ արդարահատոյցի յանձնառութեան վերահաստատումով: ՀՅԴ Հարաւային Ամերիկայի Կեդրոնական Կոմիտէն, յանուն իր ընկերուհիներուն եւ ընկերներուն, կը յայտարարէ որ Քառասունչորսօրեայ պատերազմի յաջորդած այս ճակագատրական ժամանակներուն անհրաժեշտ է զգաստ ըլլալ Ցեղասպանութեան ուրացման թուրք-ազրպէյճանական վերաշխուժացման ամէն դոյզն արտայայտութեան եւ հակազդել անոր:

Միաժամանակ, անընդունելի կը գտնենք Հայաստանի ներկայ իշխանութիւններու կողմէ թրքական ուրացման հանդուրժողութեան մթնոլորտ ստեղծելու, Ցեղասպանութեան արդարահատոյցի պահանջատիրութեան գինով հայ-թրքական հաշտեցումը արդարացնելու, տնտեսական մանկամիտ հիմնաւորումներով փանթրքական ծրագրի իրականացման կոչուած Զանգեզուրի վրայով Թուրքիոյ եւ Ազրպէյճանի միջեւ հաղորդակցութեան կապի արդարացման կոչուած ամէն փորձ: «Հայ-թրքական հաշտեցման յանձնախումբ»ի թէ Փրոթոքոլներու դէմ Սփիւռքէն արձակուած «Ոչ, հազար անգամ ոչ»ի օրինակով, թրքական ժխտողականութեան առջեւ ամէն թոյլտւութիւն պիտի դիմադրե՛նք, քաղաքական ի՛նչ ուժ ալ ըլլայ օրուայ իշխանութիւնը:

Կը հասկնանք պետական քաղաքականութեան տրամաբանութիւնն ու հրամայականները: Բայց համոզուած ենք, որ կան կարմիր գիծեր զորս Հայ Դատի պահանջատիրական պայքարը դրած է ցեղասպանութեան յիսուներորդ տարելիցէն ի վեր որ կարելի չէ հատել, ոչ ի խնդիր Թուրքիոյ նկատմամբ «չթշնամանք»ի, ոչ ալ հայ-թուրք յարաբերութիւնները «շտկել»ու համար: Այդ կարմիր գիծերուն քաջ գիտակից ենք ի մասնաւորի Հարաւային Ամերիկայի մէջ, ուր Ուրուկուայ եղաւ աշխարհի մէջ առաջին պետութիւնը, որ օրէնքի ուժով ճանչցաւ Ցեղասպանութիւնը, եւ մինչեւ օրս Արժանթինն է միակ երկիրը ուր Ցեղասպանութիւնը ընդունուած է օրէնսդիր, գործադիր եւ արդարադատական իշխանութիւններու մակարդակով:

Ընդհակառա՛կը, Հայաստանի քաղաքական բոլո՛ր հատուածները պիտի որ ընկալեն Հայ Դատի պահանջատիրութեան կարմիր գիծերու կենսական անհրաժեշտութիւնը՝ Հայաստանի ապագային համար այնքան անհրաժեշտ համահայկական համախոհութեան եւ հայրենիք-Սփիւռք փոխ-կապակացութեան եւ համագործակցութեան ռազմավարական հայեցակարգի ստեղծման համար:

Առ այդ, կոչ կ’ուղղենք հայրենաբնակ քաղաքացիական հասարակութեան, քաղաքական շրջանակներուն եւ երկրի արտաքին յարաբերութիւններու տնօրինման պատկան մարմիններուն վերակենդանացնելու Ցեղասպանութեան հարիւրերորդ տարելիցի Համահայկական հռչակագիրը եւ անո՛ր հիման վրայ դիմագրաւելու պատերազմի հետեւանքներու վերացման, գերիներու ազատ արձակման, կորսուած իրաւունքներու վերատիրացման, Արցախի անկախութեան ճանաչման եւ հայ ժողովուրդի դէմ գործուած ոճիրի արդարահատոյցի իրականացման մարտահրաւէրները:

 

Հայ Յեղափոխական Դաշնակցութեան

Հարաւային Ամերիկայի Կեդրոնական Կոմիտէ

Յարակից լուրեր

  • ՀՅԴ Հայ Դատի Կենտրոնական գրասենեակի յայտարարութիւնն օտարերկրեայ որոշ գործիչների հակահայ յայտարարութիւնների վերաբերեալ
    ՀՅԴ Հայ Դատի Կենտրոնական գրասենեակի յայտարարութիւնն օտարերկրեայ որոշ գործիչների հակահայ յայտարարութիւնների վերաբերեալ

    Արցախի Հանրապետութեան նկատմամբ ադրբեջանա-թուրքական ագրեսիայի արդիւնքն ազդել է ոչ միայն Թուրքիայի եւ Ադրբեջանի ռազմաքաղաքական ղեկավարութեան քաղաքական վարքի, այլ նաեւ օտարերկրեայ որոշ շրջանակների վրայ, որոնք, խեղաթիւրելով ու նենգափոխելով արցախեան հիմնախնդրի էութիւնը, հանդէս են գալիս միակողմանի յայտարարութիւններով։ Այդ յայտարարութիւնները գրեթէ բացարձակ նմայնութեամբ կրկնում են ադրբեջանական պետական դիրքորոշումները։

  • Յայտարարութիւն՝ 1921թ․ Մոսկւայի եւ Կարսի պայմանագրերի 100-ամեակին նւիրւած «Հայաստանը եւ տարածաշրջանը. դասեր, արժեւորումներ, հեռանկարներ» խորագրով միջազգային գիտաժողովի
    Յայտարարութիւն՝ 1921թ․ Մոսկւայի եւ Կարսի պայմանագրերի 100-ամեակին նւիրւած «Հայաստանը եւ տարածաշրջանը. դասեր, արժեւորումներ, հեռանկարներ» խորագրով միջազգային գիտաժողովի

    2021 թ. հոկտեմբերի 19-21-ին Երեւանում, ՀՀ ԳԱԱ նախագահութեան նիստերի դահլիճում ՀՀ ԳԱԱ Պատմութեան ինստիտուտի, ՀՀ ԳԱԱ Արեւելագիտութեան ինստիտուտի, ՀՅԴ Հայ Դատի կենտրոնական խորհրդի եւ «Արեւմտահայոց հարցերի ուսումնասիրութեան կենտրոն» գիտահետազօտական հիմնադրամի նախաձեռնութեամբ անցկացւեց Մոսկւայի եւ Կարսի պայմանագրերի 100-ամեակին նւիրւած «Հայաստանը եւ տարածաշրջանը. դասեր, արժեւորումներ, հեռանկարներ» խորագրով միջազգային գիտաժողովը:

  • «Հայաստան» դաշինքի յայտարարութիւնը
    «Հայաստան» դաշինքի յայտարարութիւնը

    «Հայաստան» դաշինքի՝ ամիսներ շարունակ ակնյայտ ապօրինի կալանաւորւած պատգամաւոր Արթուր Սարգսեանն օրերս ազատ է արձակւել։ Երէկ դաշինքի կենտրոնական շտաբում դաշինքի առաջնորդ Ռոբերտ Քոչարեանի գլխաւորութեամբ խորհրդի նիստ է տեղի ունեցել, որին մասնակցել է նաեւ Արթուր Սարգսեանը։

  • «Հայաստան» դաշինքի յայտարարութիւնը
    «Հայաստան» դաշինքի յայտարարութիւնը

    Գորիս համայնքում ընդդիմադիր դիրքերից հանդէս եկող «Առուշ Առուշանեան» դաշինքինկատմամբ իրականացւող բռնաճնշումների, ոստիկանական ուժերի մասշտաբայիններգրաւման, վարչական ռեսուրսների համատարած չարաշահման անթաքոյց վարքագիծըմէկ անգամ եւս բացայայտում են իշխանութեան ոչ ժողովրդավարական եւ ապազգային դէմքը։

  • «Հայաստան» դաշինքի յայտարարութիւնը
    «Հայաստան» դաշինքի յայտարարութիւնը

    Յատուկ քննչական ծառայութիւնը թոյլ չի տւել «Հայաստան» խմբակցութեան ղեկավար, Պաշտպանութեան նախկին նախարար Սէյրան Օհանեանին մեկնել Ռուսաստանի Դաշնութեան Սանկտ Պետերբուրգ քաղաք՝ մասնակցելու ՀԱՊԿ միջխորհրդարանական վեհաժողովի պաշտպանութեան հարցերով նիստին:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։