Հա

Ազգային

28/04/2021 - 10:10

Փոխհատուցումը եղել է եւ շարունակելու է մնալ միակ ընդունելի արդիւնքը. Հ.Յ.Դ. Հ.Ե.Դ. ԱՄՆ-ի Արեւմտեան շրջանի Կենտրոնական վարչութիւն

Ապրիլի 24-ին նախագահ Ժոզէֆ Ռ. Բայդէնը յայտարարութիւն է հրապարակել, որով վերջապէս Միացեալ Նահանգների պաշտօնական քաղաքականութիւնն է դառնում` ճանաչել Հայոց Ցեղասպանութիւնը, ինչպէս այն կայ:

Ապրիլի 24-ին նախագահ Ժոզէֆ Ռ. Բայդէնը յայտարարութիւն է հրապարակել, որով վերջապէս Միացեալ Նահանգների պաշտօնական քաղաքականութիւնն է դառնում` ճանաչել Հայոց Ցեղասպանութիւնը, ինչպէս այն կայ:

Սա վերջ է դնում Միացեալ Նահանգների վրայ ամենամեծ արտասահմանեան լռութեան կանոնին, որը դրուած էր այն օտարերկրեայ տէրութեան միջոցով, որը ոչ միայն չի յարգում ամերիկեան հիմնական արժէքները, այլ, ով ունի գրանցուած ուղի մարդու իրաւունքների բացայայտ ոտնահարումների եւ էթնիկական զտումների առումով:

Այս պահը երկար սպասուած պահ էր ամերիկահայ համայնքի համար: Սերունդներ են նուիրւել մեր նախնիների նկատմամբ արդարութեան վերականգման պայքարի սուրբ առաքելութեանը: Այսօրուայ յաղթանակը հաստատակամ ակտիւութեան, աշխատանքի եւ աշխատասիրութեան անմիջական արդիւնքն է: Այս կարեւոր օրը մեր ազգային իրական ներուժի եւ նպատակի արտացոլումն է, որը իրականացուել է Ամերկայի Հայ Դատի յանձնախմբի, նրա տարածաշրջանային եւ տեղական մարմինների կողմից տասնամեակների լոբբիստական ջանքերի, մեր երիտասարդների նուիրման եւ ամբողջ ամերիկահայ համայնքի մասնակցութեան միջոցով: Որպէս ցեղասպանութիւն վերապրածների ժառանգներ, մենք ուրախ ենք տեսնել, որ Միացեալ Նահանգները վերջապէս կասկած չի թողնում իր դիրքորոշման մասին ճանաչելով մեր պատմութեան ճշմարտութիւնը:

ԱՄՆ-ը, որն արդէն արձանագրել է իր ճանաչումը Թուրքիայի՝ անցեալում մարդկութեան դէմ դաժան յանցագործութիւնների համար, պէտք է աւելի ակտիւ դեր ստանձնի հայ ժողովրդի դէմ ցեղասպան քաղաքականութեան հաուակնոտ շարունակումը կանխելու գործում: Բոլորովին վերջերս, Ադրբեջանի բարբարոսական յարձակումը (Թուրքիայի ուղղակի ֆինանսաւորմամբ եւ մասնակցութեամբ) ընդդէմ Արցախի եւ Հայաստանի, շարունակում է մնալ անպատիժ: Վերականգնող արդարադատութեան բացակայութիւնն ակնյայտ է Թուրքիայի անխոհեմ գործողութիւնների եւ մարդու իրաւունքների կոպիտ խախտումներում, որոնք կատարւում են իր սահմաններում եւ իր սահմաններից դուրս: Մեր անցեալը մեզ սովորեցնում է ներկայի եւ ապագայի մասին, եւ այս պահին մեր հաւաքական պատասխանատութիւնն է շարունակել ճնշում գործադրել Միացեալ Նահանգների վրայ, որպէսզի նրանք ոչ միայն խօսեն, այլ իրական գործողութիւններ նախաձեռնեն Հայ Դատի արդար լուծման համար։

Մենք չենք կարող բաւարար ընդգծել այս քայլի կարեւորութիւնը` մեզ ուղեկցելու համար մեր արդարադատութեան վերջնական նպատակին: Փոխհատուցումը եղել է եւ շարունակելու է մնալ միակ ընդունելի արդիւնքը, որը միայն սկիզբն է՝ փորձելու շտկել 1915-1923 թուականների Թուրքիայի կառավարութեան ձեռամբ կատարուած անարդարութիւնները:

Մեր պայքարը բազմաթիւ ճակատներ ունի: Հադրութի իրական մարտադաշտերից, մինչ միջազգային հանրութեան դատարանները եւ մեր սփիւռքահայ համայնքների փողոցնեըր: Ուր էլ որ մեզնից պահանջեն ուժեղ եւ միաւորուած ազգ-պետութիւն կառուցել, արդարութեան դատը առաջ տանելու համար մենք ներկայ կը լինենք եւ մշտապէս վճռական ենք լինելու, մինչեւ հասնենք մեր վերջնական նպատակին՝ ազատ, անկախ եւ միացեալ Հայաստանին:

 

Հ.Յ.Դ. Հայ Երիտասարդաց Դաշնակցութեան

ԱՄՆ-ի Արեւմտեան շրջանի կենտրոնական վարչութիւն

24 ապրիլի, 2021 թ.

 

Յարակից լուրեր

  • «Բայդէնը պէտք է որոշի». Զարիֆ
    «Բայդէնը պէտք է որոշի». Զարիֆ

    ԱԳ նախարար Մոհամմադ Ջաւադ Զարիֆը թւիթերեան իր միկրոբլոգում գրառում է կատարել՝ յիշելով, 3 տարի առաջ այս օրն, երբ ԱՄՆ նախագահ Դոնալդ Թրամփը հրաժարւեց Միջուկային գործարքով ստանձնած իր պարտաւորութիւններից:

  • Ասիայի եկեղեցիների խորհուրդը ճանաչում է Հայոց Ցեղասպանութիւնը
    Ասիայի եկեղեցիների խորհուրդը ճանաչում է Հայոց Ցեղասպանութիւնը

    Ասիայի եկեղեցիների խորհուրդը (կազմւած Ասիայի ողջ տարածքում գտնւող երկրների քրիստոնեայ եկեղեցիներից, ներառեալ Հայաստանեայց եկեղեցին), զօրակցելով հայ եկեղեցուն եւ ժողովրդին, իր գոհունակութիւնն է յայտնում ԱՄՆ նախագահ Ջօ Բայդէնի Հայոց Ցեղասպանութեան ճանաչման առիթով, եւ իր հերթին միանում է աշխարհի խաղաղասէր մարդկութեանը, դատապարտելով ամէն տեսակի բռնութիւն, պատերազմ ու ժողովուրդների խաղաղ կեանքը խանգարող որեւէ արարք։

  • Մոլեգնած Անգարան
    Մոլեգնած Անգարան

    Սպասելի էր Անգարայի մերժողական կեցուածքն ու կայծակնային հակազդեցութիւնը՝ Ցեղասպանութեան պատմական փաստը ճանչնալու Ա․Մ․Ն․-ի նախագահ Ճօ Պայտընի Ապրիլ 24-ի յանդուգն յայտարարութենէն ետք։ Պայտըն, առանց բառերը ծամծմելու, նոյնիսկ երկու անգամ գործածեց տարիներ շարունակ հպարգելք (taboo) հանդիսացած ՑԵՂԱՍՊԱՆՈՒԹԻՒՆ բառը։

  • ««Բայդէնի խօսքը եւ Էրդողանի թուլութիւնը». Թուրքիան կորցրել է նշանակութիւնը Միացեալ Նահանգների համար». Al-Monitor
    ««Բայդէնի խօսքը եւ Էրդողանի թուլութիւնը». Թուրքիան կորցրել է նշանակութիւնը Միացեալ Նահանգների համար». Al-Monitor

    Գաղտնիք չէ, որ յունւարի 20-ին Ջօ Բայդէնի երդմնակալութիւնից ի վեր Թուրքիայի նախագահ Ռեջեփ Թայիփ Էրդողանը «նեարդայնօրէն սպասում էր» իր ամերիկացի գործընկերոջ զանգին: Անկարայի ընկալմամբ, Վաշինգտոնից ստացւած զանգը պէտք է հաստատէր, որ երկու երկրների յարաբերութիւնները կը շարունակւեն սովորականի պէս, չնայած դեռեւս 2020 թւականին Բայդէնի նախընտրական արշաւի ընթացքում առկայ յայտնի կանխատեսումներին, որ դեմոկրատ նախագահի օրօք Թուրքիային ծանր ժամանակներ են սպասւում: 

  • Խմբագրական. Ցեղասպանութեան ճանաչում, տարածքային ամբողջականութիւն եւ գերիշխանութիւն
    Խմբագրական. Ցեղասպանութեան ճանաչում, տարածքային ամբողջականութիւն եւ գերիշխանութիւն

    Միացեալ Նահանգներու վարչակարգին կողմէ Հայոց Ցեղասպանութեան ճանաչումը ճիշդ է, որ նախագահ Պայտընի օրով եղաւ, այդուհանդերձ ենթահողի ձեւաւորման առումով որոշ հոլովոյթ ապրած էր: Ուշագրաւ ձեւակերպում բերաւ նախագահ Օպաման «Մեծ Եղեռն» ըսելաձեւը օգտագործելով: Օպամայի բնութագրումը ըստ էութեան 1915-ի իրադարձութիւնները ցեղասպանութիւն նկատել էր` խուսափելով միջազգային պատասխանատուութիւն ենթադրող եզրոյթը օգտագործելէ: Նախագահ Թրամփ շարունակեց ըստ էութեան իր նախորդին բնութագրումը տալու-խուսափելու քաղաքականութիւնը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։