Հա

Ազգային

29/04/2021 - 12:30

Խաժակին՝ հին զինուորը չի մահանար, ան պարզապէս կ՚ անյայտանայ

Թանկագին Խաժակ,

Կը հեռանաս հին զինուորի նման։ Մեր ճանապարհը, ուրկէ քալեցինք միասին, կը մնայ անշեղ։ Երկար է այդ ճանապարհը, այնքան դժուար նոյնքան քաղցր։ Համոզուած էինք, որ այդ ճամբուն վրայ անմահը գաղափարն է, մնայունը պայքարն է։ 

Թանկագին Խաժակ,

Կը հեռանաս հին զինուորի նման։ Մեր ճանապարհը, ուրկէ քալեցինք միասին, կը մնայ անշեղ։ Երկար է այդ ճանապարհը, այնքան դժուար նոյնքան քաղցր։ Համոզուած էինք, որ այդ ճամբուն վրայ անմահը գաղափարն է, մնայունը պայքարն է։ Այդ ճանապարհին վրայ, դուն եղար առաջամարտիկներէն մեր քաղաքականացման, յեղափոխականացման, նաեւ մարտականացման։

Մեր վերջին զրոյցը երկար էր։ Սրտցաւ զրոյց էր։ Բայց, ինչպէս միշտ, դուն կը պահէիր քեզի յատուկ ողջմտութիւնդ։ Միշտ ալ արահետներ բացուած են մեր քալած ճանապարհի երկայնքին։ Այդ պայքարի ճամբուն վրայ, մեր պարտքն էր նաեւ փակել այդ արահետները, ճանապարհին վերադարձնել հոն ինկածները։ Ի վերջոյ այս եւս մաս կը կազմէր մեր ընտրած պայքարի առաքելութեան, որուն դուն մնացիր հաւատարիմ, աներեր, յանձնառու։

Հիմա կը հեռանաս։ Հարկ չկայ բացատրելու հեռացումը։ Բայց հարկը կայ որոնելու մեզի թողած քու ողջմտութիւնդ, նուիրումդ, մանաւա՛նդ ընկերականութիւնդ։ Բայց կը վերագտնենք այդ բոլորը, քանի կը մնանք նոյն ճանապարհին վրայ։

Կը վերագտնենք, որովհետեւ չի մահանար գաղափարը, ինչպէս չի մահանար հին զինուորը։

 

Միշտ ընկերդ,

Սեդօ

Յարակից լուրեր

  • Բթամիտներուն վերադարձը
    Բթամիտներուն վերադարձը

    Պոլշեւիկներու ժամանակ անոնք գովերգեցին պոլշեւիզմը Դաշնակցութիւնը հալածելով։ Ապա դարձան պոլշեւիկներուն դէմ Դաշնակցութիւնը մեղադրելով։

  • Մակունցը կը հետեւի Թուրքիոյ դեսպանի օրինակին՝ ընդդէմ հայ երիտասարդներուն
    Մակունցը կը հետեւի Թուրքիոյ դեսպանի օրինակին՝ ընդդէմ հայ երիտասարդներուն

    Երէկ Ուաշինկթընի ՀՀ դեսպանատան մէջ ՀՀ դեսպան Լիլիթ Մակունցը «գունագեղ» ընդունելութիւն մը կազմակերպած էր՝ նշելու համար ՀՀ անկախութեան 30-ամեակը։

  • Մենք չենք ինչ որ էինք
    Մենք չենք ինչ որ էինք

    Մենք կ՚ըսենք, թէ մենք ե՛նք ինչ որ էինք, բայց մենք չենք ինչ որ էինք։

    Կը ներկայացնենք մենք մեզ ինչ որ էինք, բայց մենք շուքն իսկ չենք ինչ որ էինք։

  • Դուք չէիք թոյլ տար որ հոս հասնի հայրենիքը
    Դուք չէիք թոյլ տար որ հոս հասնի հայրենիքը

    Մեր մեծ ընկերներ, Անկախութեան Օրն է այսօր։ Կ՚ուզենք ձեզի ըսել «Անկախութեան Օրը Շնորհաւոր»։

  • Ո՞վ կասեցուց Հայաստանի ազգակերտումը
    Ո՞վ կասեցուց Հայաստանի ազգակերտումը

    Ազգերը չեն ծնիր, կը կերտուին։ Որեւէ հաւաքականութիւն կրնայ քարշ տալ իր աննպատակ գոյութեան՝ առանց ազգի վերածուելու։ Հաւաքական նպատակը եւ առաքելութիւնը կառուցելով է որ կը կերտուի ազգը։ Ա՛յս է ու ա՛յս կը մնայ ազգակերտումի (nation building) աշխատանքը հաւաքականութեան մը համար։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։