Հա

Ազգային

05/05/2021 - 12:20

«Մենք արցախեան օրակարգով մեր քաղաքական եւ քարոզչական զէնքերը վայր չենք դրել». Հրաչ Վարժապետեան

Մայիսի 4-ին առցանց «Հրապարակ»-ի «Հանդիպում» հաղորդաշարի հիւրն էր ՀՅԴ Արեւմտեան Եւրոպայի Կենտրոնական կոմիտէի ներկայացուցիչ Հրաչ Վարժապետեանը:

«alikonline.ir» - Մայիսի 4-ին առցանց «Հրապարակ»-ի «Հանդիպում» հաղորդաշարի հիւրն էր ՀՅԴ Արեւմտեան Եւրոպայի Կենտրոնական կոմիտէի ներկայացուցիչ Հրաչ Վարժապետեանը:

Նա խօսել է համահայկական կակառոյցների եւ մասնաւորապէս Դաշնակցութեան աշխատանքներում մարտավարական բնոյթի փոփոխութիւնների մասին, որոնք անհրաժեշտութիւն էին դարձել Արցախեան վերջին պատերազմի եւ այդ պատերազմում ՀՀ իշխանութիւնների դրսեւորած անճարակ կեցւածքի պատճառով:

Հրաչ Վարժապետեանն անդրադարձել է նաեւ պատերազմի օրերին եւ պատերազմից յետոյ արեւմտեան երկրների եւ մասնաւորապէս Ֆրանսիայի պահւածքին, նշելով, որ թէեւ Ֆրանսիան այդ օրերին հանդէս եկաւ բաւականին հայանպաստ յայտարարութիւններով, այդուհանդերձ դրանք չէին կարող բաւարարել հայ համայնքին: «Մեր աշխատանքների ամենադժւար եւ ամենաբարդ բաժինը, բնականաբար, պատերազմին յաջորդած ժամանակաշրջանի հետ է կապւած: Խօսքն այլեւս միայն մեր ամենօրեայ աշխատանքների մասին չէ:

Նորանոր հանգամանքներ են առաջացել ամենատարբեր ուղղութիւններով՝ քաղաքական, տնտեսական, հիմա արդէն նաեւ զինւորական: Տարբեր փոփոխութիւններ կրեցին նաեւ հայրենի իշխանութիւնների հետ յարաբերութիւնները՝ ցաւօք սրտի վատ իմաստով»,- նշել է Հրաչ Վարժապետեանը: Հաղորդման ընթացքում անդրադարձ է կատարւել նաեւ ներհայաստանեան խնդիրներին, առաջիկայ արտահերթ ընտրութիւններին, հայրենիք-սփիւռք կապերի ներկայ վիճակին եւ Արցախի ապագայի հետ կապւած՝ Դաշնակցութեան մօտեցումներին:

Խօսելով Արցախի հետագայ ճակատագրի մասին՝ Հրաչ Վարժապետեանը մասնաւորապէս ընդգծել է. «Մենք արցախեան օրակարգով քաղաքական եւ քարոզչական մեր զէնքերը վայր չենք դրել: Արցախի անկախութեան ճանաչման ուղղութեամբ մեր աշխատանքները պէտք է շարունակենք եւ արդէն իսկ շարունակում ենք: Այդ օրակարգը մեզ համար մնում է հրատապ օրակարգ, որովհետեւ մենք հաւատացած ենք, որ Արցախի փրկութեան հիմնական կէտը, օղակը միջազգային ճանաչումն է»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։