Հա

Ազգային

06/05/2021 - 17:00

ՀՅԴ-ն առաջիկայ ընտրութիւններում ՀՀ երկրորդ նախագահ Ռոբերտ Քոչարեանի եւ «Վերածնւող Հայաստան» կուսակցութեան հետ հանդէս կը գայ դաշինքով

ՀՅԴ-ն որոշել է առաջիկայ ընտրութիւններում ՀՀ երկրորդ նախագահ Ռոբերտ Քոչարեանի եւ «Վերածնւող Հայաստան» կուսակցութեան հետ հանդէս գալ դաշինքով։ 

ՀՅԴ-ն որոշել է առաջիկայ ընտրութիւններում ՀՀ երկրորդ նախագահ Ռոբերտ Քոչարեանի եւ «Վերածնւող Հայաստան» կուսակցութեան հետ հանդէս գալ դաշինքով։ Այս մասին տեսաուղերձում յայտնեց ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը։

ՀՅԴ Հայաստանի ԳՄ յայտարարութիւնը ներկայացնում ենք ստորեւ:

 

ՀՅԴ ՀԱՅԱՍՏԱՆԻ ԳԵՐԱԳՈՅՆ ՄԱՐՄՆԻ ՅԱՅՏԱՐԱՐՈՒԹԻՒՆԸ

 

Մեր ինքնութեան եւ պետականութեան պահպանումը, երկրի անվտանգութեան ապահովումը պահանջում են ազգային ուժերի եւ գործիչների համախմբում ու միասնական պայքար՝ ուղղւած գործող իշխանութեանը հեռացնելուն՝ կանխելու համար ընտրութիւնների անւան տակ նրանց հնարաւոր վերարտադրութիւնը։

ՀՅԴ Հայաստանի Գերագոյն մարմինը, ՀՅԴ Հայաստանի կազմակերպութեան 24-րդ Գերագոյն ժողովի կողմից տրւած լիազօրութիւնների շրջանակում, տարբեր քաղաքական ուժերի եւ գործիչների հետ ունեցած քննարկումների արդիւնքում անհրաժեշտ է համարել առաջիկայ խորհրդարանական հնարաւոր ընտրութիւններին մասնակցել միասնական ճակատով։

Հիմք ընդունելով ներկայ քաղաքական իրավիճակին տրւած գնահատականները, ճգնաժամը յաղթահարելու եւ երկիրը զարգացման հուն տեղափոխելու փորձը, ինչպէս նաեւ Հայաստանի ապագայի տեսլականի ընդհանրութիւնները՝ ՀՅԴ Հայաստանի Գերագոյն մարմինը որոշել է

ՀՀ երկրորդ նախագահ Ռոբերտ Քոչարեանի եւ «Վերածնւող Հայաստան» կուսակցութեան հետ հանդէս գալ դաշինքով։

Դաշինքը պատրաստակամ է ստանձնել ամբողջական պատասխանատւութիւն՝ համազգային միասնականութեամբ եւ համատեղ ջանքերով ձեւաւորել նոր որակի իշխանութիւն, լուծել երկրի առջեւ ծառացած լրջագոյն մարտահրաւէրները, կասեցնել պետականութեան փլուզումը, կերտել Հայաստանի երաշխաւորւած ապագան։

 

ՀՅԴ Հայաստանի Գերագոյն մարմին

06․05․2021 թ․

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։