Հա

Ազգային

09/05/2021 - 12:20

Խմբագրական. Մայիս 9-ի նորացուած խորհուրդը

Մայիս 9-ի եռատօնը իմաստազրկուած է: Այս հարցումը բնական կարգով կ՛ուրուագծուի բոլորիս մտապատկերին մէջ, երբ այս տարի կ՛անդրադառնանք, որ ազատագրուած Շուշին վերագրաւուած է: Տօնին երկրորդ բաղադրիչը Արցախի պաշտպանութեան բանակին հիմնումն է, իսկ երրորդը` Հայրենական պատերազմին յաղթական աւարտը:

Մայիս 9-ի եռատօնը իմաստազրկուած է: Այս հարցումը բնական կարգով կ՛ուրուագծուի բոլորիս մտապատկերին մէջ, երբ այս տարի կ՛անդրադառնանք, որ ազատագրուած Շուշին վերագրաւուած է: Տօնին երկրորդ բաղադրիչը Արցախի պաշտպանութեան բանակին հիմնումն է, իսկ երրորդը` Հայրենական պատերազմին յաղթական աւարտը:

Ցաւալի է, որ այսօր Արցախի զինեալ ուժերու կարգավիճակը խնդրոյ առարկայ է: Փոխուած են նաեւ այն սահմանները, որոնց վրայ կը հսկէին հայկական ուժերը: Յաղթանակի բաժինը այս օրուան առումով կը վերաբերի միայն Հայրենական պատերազմին մասնակցած վերապրող հայերուն:

Եռատօնի խորհուրդը ձեւախեղուած է: Խորհուրդի վերարծարծումը, յատկապէս նոր առաջադրանքներու վերաբանաձեւման առումով, հրամայական է: Այլապէս Մայիս 28-ը պիտի չպահպանէր իր մեծագոյն խորհուրդը, եթէ հայրենիքի խորհրդայնացումով իմաստազրկուած նկատէինք անկախութիւն եւ հանրապետութիւն կերտելու գաղափարը:

Յուսաբեկում յառաջացուցած էր հայրենիքի սահմաններու փոփոխութիւնը, անկախութեան կորուստը, իշխանութեան յանձնումը խորհրդային վարչակարգին: Կար սակայն հայրենիքը վերանկախացնելու հետեւողական պայքարը, աշխատանքը, սերունդներուն մօտ վառ պահելու գերիշխանութեան եւ ազատագրման նպատակները:

Արցախ աշխարհը այսօր ո՛չ միայն կորսնցուցած է ռազմավարական եւ անվտանգային նշանակութիւն ունեցող իր պատմական շրջանները, այլ նաեւ ԼՂԻՄ-եան տարածքները: Իր անվտանգութեան երաշխաւորութիւնը ստանձնած են Ռուսիոյ դաշնութեան խաղաղապահ զօրքերը:

Մայիս 9-ը կը յուշէ ներկայ իրավիճակէն մեկնած առաջադրել հայկական կողմի հետագայ աշխատանքներուն նպատակը:

Եթէ կ՛ընդունինք, որ 9 նոյեմբերի յայտարարութիւնը հրադադարի համաձայնութիւն է եւ ոչ թէ տագնապի լուծում, ապա այդ մէկը կը նշանակէ, որ բանակցութիւնները վերսկսելու օրակարգ ունինք մեր առջեւ: Պահն է, որ հայկական կողմը պահանջէ Ստեփանակերտի վերադարձը բանակցային սեղան: Հայաստանի Հանրապետութիւնը մինչ այժմ կը մասնակցէր բանակցութիւններուն իբրեւ Արցախի անվտանգութեան երաշխաւոր: 44-օրեայ պատերազմն ու յետպատերազմեան դասաւորումները կը համոզեն, որ Հայաստանի Հանրապետութիւնը կորսնցուցած է անվտանգութեան երաշխաւոր ըլլալու իր իրաւակարգը: Պահն է իրականացնելու Ստեփանակերտի բանակցային կողմ ըլլալու հանգամանքի ապահովումը: Վերականգնելու իբրեւ պետական անկախ միաւոր բանակցելու իր իրաւունքը իբրեւ հակամարտութեան կողմ:

Բանակցող Ստեփանակերտը կը մշակէ բանակցային նոր ռազմավարութիւն, հիմնուած` հետեւեալ կէտերուն վրայ.

- Արցախի տարածքային ամբողջականութեան վերականգնում,

- Արցախի Հանրապետութեան միջազգային ճանաչում,

- Արցախի Հանրապետութեան եւ Ազրպէյճանի միջեւ սահմանազատման-սահմանագծման իրականացում` առաջադրանք ունենալով հիւսիսային Արցախի վերակցում` Արցախի Հանրապետութեան:

Աշխարհաքաղաքական առումով կը նկատուին ԵԱՀԿ-ի Մինսքի խմբակի վերականգնման միտումներ: Այս կը նշանակէ վերադառնալ Հելսինքեան եզրափակիչ աքթի հիմնարար սկզբունքներուն`

- Տարածքային ամբողջականութիւն

- Ազգերու ինքնորոշման իրաւունք

- Ուժի կիրարկման բացառում

- Կողմերու իրաւահաւասարութիւն

Այս սկզբունքներէն կիրարկելի մնացած է ազգերու ինքնորոշման իրաւունքը: Արդէն ինքնորոշուած Արցախը ունի իրաւական տուեալները վերադառնալու բանակցութիւններուն` իբրեւ բանակցող կողմ, եւ իրականացնելու իր տարածքային ամբողջականութեան վերականգնումն ու իր հանրապետութեան անկախութեան միջազգային ճանաչումը:

 

«Ազդակ»

 

Յարակից լուրեր

  • Որպէսզի չկրկնուի «ՄԵ՜ՂՔ» աւաղումը
    Որպէսզի չկրկնուի «ՄԵ՜ՂՔ» աւաղումը

    Ինչ որ ալ ըլլան պայմանները եւ ինչպէս որ ալ դիտուին, վերլուծուին, քննադատուին կամ գնահատուին Շուշիի ազատագրման 30-ամեակի ձեռնարկներն ու հաւաքները, պարզապէս կարելի է ամենայն ցասումով, ընդվզումով եւ սրտի խորքէն բխած վրդովումով՝ մէկ բառով եզրակացնել. ՄԵ՜ՂՔ…։

  • «Սփիւռքը լաւագոյն գրաւականն է հզօր հայրենիքի»․ Յակոբ Տէր-Խաչատուրեան
    «Սփիւռքը լաւագոյն գրաւականն է հզօր հայրենիքի»․ Յակոբ Տէր-Խաչատուրեան

    «Փառք ու պատիւ զոհւած տղաներին։ Այս Եռատօնը մեզ համար խորհրդանշում է այն վճռականութիւնը, որ ունի հայ ժողովուրդը աշխարհով մէկ՝ պաշտպանել իր իրաւունքը։ Եւ այսօր այդ իրաւունքի առաջին գծի վրայ է Արցախը։ Դժւար է ասել երբ եւ ինչպէս, բայց մէկ բանում վստահեցնեմ ձեզ, որ այս օրը մեր վճռականութեան վերկանգնման օրն է, եւ մենք որպէս Հայ Յեղափոխական Դաշնակցութիւն պատրաստ ենք աշխարհով մէկ աշխատել, որպէսզի Արցախը գտնի իր նախկին աշխուժութիւնը, Արցախը մնայ հայկական եւ երբեք չլինի Ադրբեջանի կազմում»,- լրագրողների հետ զրոյցում ասել է ՀՅԴ Բիւրոյի ներկայացուցիչ Յակոբ Տէր-Խաչատուրեանը։

  • ԽՕՍՔ. Հայի ազատատենչ ոգու առկայծումը...
    ԽՕՍՔ. Հայի ազատատենչ ոգու առկայծումը...

    Այսօր՝ 2022 թ. մայիսի 9-ը, Հայոց միջնաբերդ Շուշիի ազատագրման 30-ամեակն է։

    Այսօր, Ազգովի՝ մեծ խանդավառութեամբ ու փառապանծ տօնակատարութեամբ էինք նշելու մեր հզօր յաղթանակը, եթէ անառիկ Շուշին դաւադրաբար չյանձնւէր թուրքին...

  • «Մեր աղօթքն է, որպէսզի խաղաղութիւն լինի աշխարհում ու մարդկութեան կեանքում». Գարեգին Բ
    «Մեր աղօթքն է, որպէսզի խաղաղութիւն լինի աշխարհում ու մարդկութեան կեանքում». Գարեգին Բ

    Ն.Ս.Օ.Տ.Տ. Գարեգին Բ Ամենայն հայոց կաթողիկոսը շնորհաւորական ուղերձ է յղել յաղթանակի եւ խաղաղութեան տօնի, Շուշիի ազատագրութեան եւ Պաշտպանութեան բանակի հիմնադրման օրերի առիթով։

  • Խմբագրական. Շուշիի վերաազատագրման յանձնառութեան օր
    Խմբագրական. Շուշիի վերաազատագրման յանձնառութեան օր

    Մայիսեան եռատօնի մթնոլորտը, նշումի տարողութիւններն ու եղանակները փոխուած են հիմնովին: Հիմնականին մէջ Մայիս 8-ը կը վերաբերէր Շուշիի ազատագրութեան, որ իսկապէս բեկումնային էր ո՛չ միայն Արցախի ազատագրութեան, այլ նաեւ Արցախի Հանրապետութեան կայացման գործընթացին մէջ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։