Հա

Ազգային

09/05/2021 - 18:20

«Մենք մեր ժողովրդին ներկայանում ենք յաղթանակներ կերտած, ճգնաժամեր յաղթահարած հաւաքականութեամբ». Ի. Սաղաթելեան

Այսօր մեր ժողովրդի յաղթանակի օրն է՝ Շուշիի ազատագրման օրը, սակայն այդքան թանկ գնով ձեռք բերւած յաղթանակը խլւած է մեզնից՝ ըստ Yerkir.am-ի ասաց ՀՅԴ Հայաստանի ԳՄ ներկայացուցիչ Իշխան Սաղաթելեանը «Հայաստան» դաշինքի ձեւաւորման միջոցառմանը, որը կազմւեց ՀՀ երկրորդ նախագահ Ռոբերտ Քոչարեանի, Հայ Յեղափոխական Դաշնակցութեան եւ «Վերածնւող Հայաստան» կուսակցութեան միջեւ։

«alikonline.ir» - Այսօր մեր ժողովրդի յաղթանակի օրն է՝ Շուշիի ազատագրման օրը, սակայն այդքան թանկ գնով ձեռք բերւած յաղթանակը խլւած է մեզնից՝ ըստ Yerkir.am-ի ասաց ՀՅԴ Հայաստանի ԳՄ ներկայացուցիչ Իշխան Սաղաթելեանը «Հայաստան» դաշինքի ձեւաւորման միջոցառմանը, որը կազմւեց ՀՀ երկրորդ նախագահ Ռոբերտ Քոչարեանի, Հայ Յեղափոխական Դաշնակցութեան եւ «Վերածնւող Հայաստան» կուսակցութեան միջեւ։

Հազարաւոր նւիրեալների կեանքի գնով ազատագրւած Հայրենիքը կրկին յայտնւել է գերութեան մէջ՝ նշեց Իշխան Սաղաթելեանը:

«Խոցւած է մեր արժանապատւութիւնը, մեզ փորձում են կոտրել ու ոչնչացնել։ Այսօր հայ ժողովրդի պատմութեան ամենաճակատագրական պահերից մէկն է։ Համակողմանի ճգնաժամի մէջ ենք՝ ռազմաքաղաքական, սոցիալ-տնտեսական եւ բարոյահոգեբանական»,- ասաց նա։ 

Սաղաթելեանի խօսքով՝ իրենք շարունակում են պայքարն ընդդէմ ստի, ամբարտաւանութեան, անարդարութեան ու ապաշնորհութեան:  

«Երեք տարի շարունակ սրանց կողմից ներազգային ատելութեան սերմանումը, բաժանարար գծերի անցկացումը բերեցին հազարաւոր զոհեր, կորուստներ եւ պարտութիւն: Ուստի վերահաստատում ենք. ուղիղ վեց ամիս առաջ սկսած պայքարի՝ յաղթական աւարտի անհրաժեշտութիւնը՝ պարտութեան մարմնացում, հողին ու հային դաւաճանած չարիքի իշխանութիւնը պէտք է հեռացւի։ Մենք դա անելու ենք, անելու ենք միասին՝ յանուն հայրենիքի»,- ասաց Իշխան Սաղաթելեանը:

Նա փաստեց, որ առաջիկայ ընտրութիւնները սովորական չեն, դա մեր կեանքի ամենապատասխանատու ու ճակատագրական ընտրութիւնն է։

«Սա ընտրութիւն է ազգայինի եւ ազգադաւի, արժանապատւութեան ու ստրկամտութեան, պատասխանատւութեան եւ ամբոխավարութեան, աշխատանքի եւ ձրիակերութեան, անկեղծութեան եւ ստախօսութեան, անվտանգ ապրելու, զարգանալու եւ անհեռանկար ապագայի միջեւ: Ի վերջոյ, սա պետականութիւն ունենալ-չունենալու ընտրութիւն է»,- ասաց Իշխան Սաղաթելեանը։

Նա վստահեցրեց, որ այս գիտակցութիւնն է, որ ՀՅ Դաշնակցութեանը բերեց ուժերը համախմբելու, միասնական ճակատով հանդէս գալու որոշմանը։

«ՀՅ Դաշնակցութիւնը առաջիկայ ընտրութիւններին մասնակցելու է ՀՀ երկրորդ նախագահ Ռոբերտ Քոչարեանի, «Վերածնւող Հայաստան» կուսակցութեան հետ դաշինքով: Մենք մեր ժողովրդին ներկայանում ենք յաղթանակներ կերտած, ճգնաժամեր յաղթահարած, պետականութեան կայացման գործում յաջողած, փորձով ու գիտելիքով, պատասխանատւութեամբ ու վճռականութեամբ, հաւատով ու գաղափարականութեամբ օժտւած հաւաքականութեամբ»,- նշեց Իշխան Սաղաթելեանը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։