Հա

Ազգային

10/05/2021 - 11:50

Որդեգրւեց Արցախի երիտասարդական կազմակերպութիւնների հռչակագիրը

Երէկ՝ մայիսի 9-ին Արցախի Հանրապետութեան Ազգային ժողովի նիստերի դահլիճում տեղի ունեցաւ ՀՅԴ Արցախի երիտասարդական միութեան նախաձեռնած «Արցախի երիտասարդական համաժողով»-ը։

«alikonline.ir» - Երէկ՝ մայիսի 9-ին Արցախի Հանրապետութեան Ազգային ժողովի նիստերի դահլիճում տեղի ունեցաւ ՀՅԴ Արցախի երիտասարդական միութեան նախաձեռնած «Արցախի երիտասարդական համաժողով»-ը։

Այս մասին տեղեկացնում է ՀՅԴ Բիւրոյի Երիտասարդական գրասենեակի պատասխանատու Արշակ Մեսրոպեանը:

Համաժողովին մասնակցում էին թւով 32 քաղաքական կուսակցութիւնների երիտասարդական եւ ուսանողական միութիւններ, երիտասարդական հասարակական կազմակերպութիւններ եւ Արցախում գործող բոլոր համալսարանների ուսանողական խորհուրդները։ Համաժողովին ներկայ էին եւ նախաձեռնութիւնը ողջունելու ելոյթներով հանդէս եկան ԱՀ Արտաքին գործերի նախարար Դաւիթ Բաբայեանը, ԱՀ Մարդու իրաւունքների պաշտպան Գեղամ Ստոփանեանը, ինչպէս նաեւ ՀՅԴ Արցախի Կենտրոնական կոմիտէի անդամ Սերգէյ Շահվերդեանը։

Համաժողովի աւարտին ընթերցւեց եւ որդեգրւեց պատմական Հռչակագիրը։ Արցախի երիտասարդական կազմակերպութիւններին յաջողւեց համախմբւել մէկ օրակարգի շուրջ, սկիզբը դնելով ուշացած բայց առաջնային անհրաժեշտութիւն ունեցող՝ Համազգային օրակարգի ձեւաւորմանը։

Առաջիկայում ձեւաւորւելու է աշխատանքային կազմ կոմիտէ, որտեղ ընդգրւած են լինելու բոլոր կազմակերպութիւններից ներկայացուցիչներ։ Աշխատանքային կոմիտէի առաջին անելիքը լինելու է հռչակագրի էութիւնից եւ բովանդակութիւնից բխած ճանապարհային քարտէզի մշակումը, որն իր մէջ ամփոփելու է առաջիկայ տարիների յստակ գործողութիւնների փաթեթ։

Ստորեւ կը գտնէք հռչակագրի ամբողջական բովանդակութիւնը.

 

«Արցախի Հանրապետութեան երիտասարդական կազմակերպութիւնների

 

Հ Ռ Չ Ա Կ Ա Գ Ի Ր Ը

 

Մենք՝ Արցախի երիտասարդական կազմակերպութիւնների ներկայացուցիչներս,

Հաշւի առնելով 2020 թ․-ի աշնանը Արցախի Հանրապետութեան եւ նրա խաղաղ բնակչութեան նկատմամբ սանձազերծւած ադրբեջանական-թուրք-ահաբեկչական 44-օրեայ պատերազմի հետեւանքով․

- Հայրենիքի զգալի մասի բռնազաւթումը,

- Հազարաւոր զինւորների, կամաւորների, ազատատենչ հայորդիների նահատակութիւնը,

- Պատերազմի հետեւանքով հազարաւոր անյայտ կորած, հաշմանդամութիւն ձեռք բերած եւ վիրաւորում ստացած անհատների ճակատագիրը,

- Տասնեակ հազարաւոր մեր հայրենակիցների տեղահանութիւնը,

- Սոցիալ-տնտեական եւ քաղաքական ծանր ճգնաժամը,

- Պետութեան առջեւ ծառացած լրջագոյն մարտահրաւէրները,

Կարեւորելով`

Ազգային ներուժի համախմբման, նորոգման եւ ամրապնդման գործում Հայաստան-Արցախ-Սփիւռք եռամիասնութեան բացառիկ հնարաւորութիւնները

Գիտակցելով՝

Պետութեան զարգացումը, հզօրացումն ու յարատեւութիւնը ապահովելու հրամայականը

Յարատեւ պայքարի վճռականութեամբ յայտարարում ենք, որ յանձնառու ենք․

- Վերականգնել Արցախի Հանրապետութեան տարածքային ամբողջականութիւնը,

- Իրացրած լինելով ժողովուրդների իրաւահաւասարութեան եւ ազատ ինքնորոշման սկզբունքը՝ հետապնդել Արցախի Հանրապետութեան անկախ եւ ինքնիշխան անխուսափելի կարգավիճակի՝ միջազգային ճանաչումը,

- Լծւել պետականաշինութեան, անվտանգային, ազգային, պատմամշակութային եւ հոգեւոր հիմնասիւների, ինչպէս նաեւ սոցիալ-տնտեսական ենթակառուցւածքների զարգացման, հզօրացման եւ ամրապնդման սուրբ գործին։

Արձանագրելով, որ Արցախի հարցի կարգաւորումը հանդիսանում է համայն հայութեան գերագոյն իդեալի՝ միացեալ Հայաստանի կերտման առաջին հանգրւանը՝ մենք կոչ ենք անում աշխարհասփիւռ հայութեանը, մասնաւորաբար հայ երիտասարդութեանը իր ողջ ներուժը, գիտելիքները, հնարաւորութիւններն ու մասնագիտական կարողութիւնները ի սպաս դնել վերոնշեալ նպատակների իրագործմանն ու իրականութիւն դարձնել Արցախեան հակամարտութեան վերջնական եւ հայանպաստ կարգաւորումը»:

Յաջողութիւն բոլորիս աշխատանքներին:

Յարակից լուրեր

  • Համազգայինի եւ ՀՅԴ ԱԵՄ-ի համատեղ միջոցառումը Քոլատակում
    Համազգայինի եւ ՀՅԴ ԱԵՄ-ի համատեղ միջոցառումը Քոլատակում

    Երէկ՝ յուլիսի 19-ին, Համազգային հայ կրթական եւ մշակութային միութեան Արցախի գրասենեակի եւ ՀՅԴ Արցախի երիտասարդական միութեան համատեղ նախաձեռնութեամբ Մաղաւուզ գիւղի Համազգայինի ազգային երգի ու պարի խմբակների երեխաների համար կազմակերպւեց արշաւ-էքսկուրսիա դէպի Մարտակերտի շրջանի Քոլատակ գիւղում գտնւող Յակոբավանք:

  • Լաւատեսութիւնը վարակիչ պէտք է լինի
    Լաւատեսութիւնը վարակիչ պէտք է լինի

    ՀՅԴ Բիւրոյի երիտասարդական գրասենեակի եւ ՀՅԴ Արցախի երիտասարդական միութեան նախաձեռնած «Արցախի երիտասարդութեան կարողականութիւնների եւ հմտութիւնների զարգացում» ծրագրի շրջանակում Արցախում էր Մարիաննա Վարդանեանը՝ իր մասնագիտական գիտելիքները «Բիզնես մոդելների հիմունքներ» դասընթացի մասնակիցներին փոխանցելու համար:

  • «Վերելք» բիզնես ճամբարի ամփոփիչ մրցոյթին յաղթել են 3 մասնակիցներ
    «Վերելք» բիզնես ճամբարի ամփոփիչ մրցոյթին յաղթել են 3 մասնակիցներ

    Սոյն թւականի յունիսի 18-ին կայացել է ՀՅԴ Բիւրոյի երիտասարդական գրասենեակի եւ ՀՅԴ Արցախի երիտասարդական միութեան նախաձեռնած «Վերելք» բիզնես ճամբարի ամփոփիչ մրցոյթին եւ եզրափակիչ արարողութեանը։

  • Արցախի երիտասարդները հզօր են
    Արցախի երիտասարդները հզօր են

    ՀՅԴ Բիւրոյի Երիտասարդական գրասենեակի եւ ՀՅԴ Արցախի երիտասարդական միութեան նախաձեռնած «Արցախի երիտասարդութեան կարողութիւնների եւ հմտութիւնների զարգացում» ծրագրի շրջանակում Արցախում հերթական դասախօսութիւնն է վարել Քրիստինէ Վարդանեանը:

  • Ձեւաւորւել է Արցախի երիտասրդական խորհուրդը
    Ձեւաւորւել է Արցախի երիտասրդական խորհուրդը

    Մայիսի 25-ին իր անդրանիկ նիստը գումարեց «Արցախի երիտասրդական խորհուրդը»: 

    «Արցախի երիտասրդական խորհուրդ»-ը ձեւաւորւել է «Արցախի երիտասարդական համաժողով»-ի արդիւնքում, որը կազմակերպւել էր ՀՅԴ Արցախի Երիտասարդական միութեան կողմից սոյն թւականի մայիսի 9-ին:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։