Հա

Ազգային

14/05/2021 - 08:25

Սիւնեցիների շահն ու անվտանգութիւնը որեւէ կերպ չստորադասե'լ, տուրք չտա'լ ապիկար իշխանութիւնների տեղեկատւական քմահաճութիւններին. ՀՅԴ Սիւնիքի «Լեռնահայաստան» Մարզային կոմիտէութեան յայտարարութիւնը

ՀՅԴ Սիւնիքի «Լեռնահայաստան» Մարզային կոմիտէութիւնը յայտարարութիւն է տարածել իշխանութիւնների դաւադիր քայլերի հետեւանքով առաջացած սահմանային լարւածութեան կապակցութեամբ.

ՀՅԴ Սիւնիքի «Լեռնահայաստան» Մարզային կոմիտէութիւնը յայտարարութիւն է տարածել իշխանութիւնների դաւադիր քայլերի հետեւանքով առաջացած սահմանային լարւածութեան կապակցութեամբ.

«Սիրելի՛ սիւնեցիներ

Վերջին օրերին ՀՀ պետական սահմանին` մասնաւորապէս Սիւնիքի մարզի հատւածում, թշնամին օգտւելով ՀՀ իշխանութիւնների յանցաւոր անգործութիւնից, դիւերսիոն անցում է կատարել եւ ներխուժել ՀՀ սուվերեն տարածք։

ՀՅԴ Լեռնահայաստան Մարզային կոմիտէն դատապարտում է թշնամու վարքագիծը եւ այդ գործողութիւններին իշխանութիւնների ոչ համարժէք պատասխանները, հանրութեան զգօնութիւնը թուլացնող իրարամերժ յայտարարութիւնները` սահմանախախտ դիւերսանտներին ներկայացնելով իբրեւ մոլորեալներ։

ՀՅԴ Սիւնիքի մարզային կառոյցի անունից կոչ ենք անում.

- խստօրէն պահպանել ՀՀ Սահմանադրութեամբ ամրագրւած սահմանների անձեռմխելիութեան ապահովման գործառոյթները, իսկ պատախանատու մարմինների անգործութիւնը դարձնել քննութեան առարկայ։

- սահմանել հսկողութիւն սահմանի ողջ երկայքով, սահմանախախտերին տալ քրէաիրաւական գնահատական եւ կարգավիճակ։

- մարզային իշխանութիւններին յորդորում ենք վերադառնալ պատասխանատու գործառոյթների տիրոյթ։ Սիւնեցիների շահն ու անվտանգութիւնը որեւէ կերպ չստորադասել եւ տուրք չտալ ապիկար իշխանութիւնների տեղեկատւական քմահաճութիւններին։ Հանրութեան տրամադրել բաւարար չափի ճշգրիտ տեղեկատւութիւն իրավիճակի վերաբերեալ` ապահովագրելով ապատեղեկատւութեան ազդեցութիւնից։

Դատապարտելի է իշխանութիւնների անպատասխանատու մօտեցումները, առաջացած խնդիրներին լուծումներ չունենալու վերաբերեալ հնչեցւած մտահոգութիւնները ներկայացնել քաղաքական դիւիդենտներ ստանալու լոյսի ներքոյ։ Սիւնիքն ու սիւնեցին անպարտելի են, սա պէտք արձանագրեն բոլորն առանց բացառութեան։

 

ՀՅԴ Լեռնահայաստան Մարզային կոմիտէ

13.05.2021 թ.»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։