Հա

Ազգային

16/05/2021 - 12:40

ՀՅԴ Բիւրոյի յայտարարութիւնը

Արցախեան վերջին պատերազմից յետոյ Ադրբեջանը, ոչ միայն շարունակում է սպառնալիքներ հնչեցնել եւ պահանջներ ներկայացնել, այլեւ բացայայտ քայլեր է ձեռնարկում Հայաստանի Հանրապետութեան ինքնիշխանութեան եւ տարածքային ամբողջականութեան դէմ։

Արցախեան վերջին պատերազմից յետոյ Ադրբեջանը, ոչ միայն շարունակում է սպառնալիքներ հնչեցնել եւ պահանջներ ներկայացնել, այլեւ բացայայտ քայլեր է ձեռնարկում Հայաստանի Հանրապետութեան ինքնիշխանութեան եւ տարածքային ամբողջականութեան դէմ։

Կոպտօրէն ոտնահարելով նոյեմբերի 9-ի զինադադարի եռակողմ յայտարարութեան դրոյթները, Ադրբեջանը ոչ միայն հրաժարւում է վերադարձնել գերիներին եւ այլ պահւող անձնանց, այլեւ Արցախի Հանրապետութեան Խծաբերդի, Հին Թաղերի ռազմակալումից, ապա նաեւ կասկածելի հիմքերով իրականացւած սահմանազատումներից յետոյ, չհանդիպելով որեւէ դիմադրութեան, անցել է բացայայտ զաւթողական քաղաքականութեան։

2021 թւականի մայիսի 12-ին Սիւնիքի եւ Գեղարքունիքի մարզերի որոշ ռազմավարական ուղղութիւններով ադրբեջանական զինուժը հատել է Հայաստանի Հանրապետութեան պետական սահմանը եւ խորացել մի քանի կիլոմետր։ Ադրբեջանական զինւորականների ներխուժման արդիւնքում առաջացել են անվտանգային լրջագոյն սպառնալիքներ։ Հեռահար նպատակադրումներով կատարւած ադրբեջանական բացայայտ ագրեսիան ստեղծել է ռազմական բախման եւ պատերազմի իրական վտանգ։

Օգտւելով Հայաստանի Հանրապետութեան իշխանութիւնների յանցաւոր անգործութիւնից, Ադրբեջանը փորձում է թելադրել իր կամքը՝ ոտնահարելով միջազգային իրաւունքի հանրաճանաչ նորմերը։ Այսօր արդէն վտանգւած է Հայաստանի տարածքային ամբողջականութիւնը։ Ադրբեջանի ագրեսիան կանխելու, հակազդելու փոխարէն Նիկոլ Փաշինեանի գլխաւորած վարչախումբը շարունակում է իր ապաշնորհ կառավարմամբ կործանման տանել երկիրը։

Այս ընթացքը պարտաւոր ենք կասեցնել։ ՀՅ Դաշնակցութեան Բիւրոն աշխարհի տարբեր երկրներում զօրաշարժի է ենթարկել Դաշնակցութեան բոլոր կարելիութիւնները՝ Ադրբեջանի վրայ ճնշում բանեցնելու ուղղութեամբ, միաժամանակ պատրաստ լինելով ինքնակազմակերպւելով պաշտպանել մեր պետութիւնն ու քաղաքացների անվտանգութիւնը։

 

ՀՅԴ ԲԻՒՐՕ

16 մայիս, 2021 թ.

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։