Հա

Ազգային

01/06/2021 - 12:05

Առաջարկ ընտրելու մասին

Ո՜ւֆ, պրծանք: Հայաստանի մէջ գրանցուած շուրջ 110 կուսակցութիւններուն հինգէն միայն մէկը կը մասնակցի պատգամաւորական արտակարգ ընտրութեան: 13 կուսակցութիւն եւ 4 դաշինք. ընտրութիւնը պիտի կատարուի 17 ցուցակներու միջեւ: Թէեւ դիւրին չէ 17-էն մէկը ընտրել, բայց յարաբերաբար աւելի հեշտ է հարիւրին մէջէն ընտրութենէն:

ՏԻԳՐԱՆ ՃԻՆՊԱՇԵԱՆ

 

Ո՜ւֆ, պրծանք: Հայաստանի մէջ գրանցուած շուրջ 110 կուսակցութիւններուն հինգէն միայն մէկը կը մասնակցի պատգամաւորական արտակարգ ընտրութեան: 13 կուսակցութիւն եւ 4 դաշինք. ընտրութիւնը պիտի կատարուի 17 ցուցակներու միջեւ: Թէեւ դիւրին չէ 17-էն մէկը ընտրել, բայց յարաբերաբար աւելի հեշտ է հարիւրին մէջէն ընտրութենէն:

Ընտրութիւնը դիւրացնող հնարք մըն ալ կայ. կարելի է անունները անտեսել - արդէն ոմանք անծանօթ են կամ գրեթէ - եւ նկատի ունենալ ծրագիրները: Այս հնարքը անսխալական է, քանի որ շատերը ծրագիր չունին, ոմանց ծրագիրն ալ գալիքին մասին չէ, այլ սովորութեան ուժով` նախկիններու քննադատութեան կամ, աւելի ճիշդ, սխալներու ինքնարդարացման կը վերաբերի: Մեզի համար ապագան է անհրաժեշտ, նոյնիսկ անմիջական ու մօտաւոր ապագան:

Ըստ օրինի, ընտրապայքարը չէ սկսած: Եթէ ոմանք-քիչերը – ընտրապայքարին նախորդող ժամանակը կ՛օգտագործեն ծրագիրներ մշակելու համար, ուրիշներ արդէն լծուած են աշխուժ ընտրապայքարի:

Անցնող երեք տարիներու ընթացքին, իբրեւ թէ յեղափոխութիւն իրականացուցած վարչախումբը ժամանակ վատնեց հիները պարսաւելով, որուն իբրեւ արդիւնք` գրեթէ ոչինչ իրագործեց: Պարտութիւնը, տարածքներու կորուստը, հազարաւոր զոհերը եւ կրկնապատիկ վիրաւորները կը թուի, որ իրագործում կը համարուին, քանի որ վարչապետի պաշտօնակատարը կը յայտարարէ, որ… հպարտ է պարտութեան համար:

Հրաժարական տուած իշխանութիւնը անդադար շեփորահարեց, որ արդար ընտրութեան իբրեւ արդիւնք, յաղթած է ու տիրացած աննախընթաց ժողովրդային օրինականութեան: Ընտրութեամբ տիրացած օրինականութեան ուժով հաստատեց միանձնեայ իշխանութիւն, որ նոյնքան աննախընթաց աղէտէն ետք, կը շարունակէ կիրարկուիլ:

Հին ու նոր ռազմագերիները մոռնալով, սահմաններուն վրայ խախտումները ստորագնահատելով, վարչապետի պաշտօնակատարը շրջաններ կ՛այցելէ ու ամէն օր մէկը միւսին գերազանցող անհեթեթ միտքեր կ՛արտաբերէ: Եւ քանի որ վարչապետն է յայտարարողը, որոշ մամուլի օրկաններ կը մեկնաբանեն ու կը տարածեն: Հարիւր տարի առաջ պատահածը ներկային մէջ տեղադրելով, Նիկոլ Փաշինեան կը կարծէ արդարացուցած ըլլալ, ի յառաջագունէ, պատրաստուող նորագոյն զիջումները:

Վարչական հնարաւորութիւններու օգտագործումը ինչպէ՞ս տեղի կ՛ունենայ: Եթէ իբրեւ վարչապետ շրջաններ կ՛այցելես, բայց իբրեւ թեկնածու կը բարբանջես, ժամանակաւոր պաշտօնդ ընտրական նպատակներու համար շահագործած չե՞ս ըլլար: Բայց ինչո՞ւ զարմանալ. զրպարտութիւնն ու սուտը քաղաքական ստորագրութեան վերածողներէն արդա՞ր է այլ բան ակնկալել:

Վերադառնանք ընտրութեան: Շուտով կը սկսի պաշտօնական ընտրապայքարը, իր սահմանափակումներով եւ հաւասարութեան կանոններով, 17 ցուցակներու ներկայացուցիչներ պէտք է գովազդեն, հաւասար պայմաններով, իրենց նախընտրական ծրագիրները: Թէ՛ ծրագիր ունեցողը, թէ՛ ունենալ ձեւացնողը եւ թէ՛ ի սպառ չունեցողը: Համբերութիւն պէտք է մաղթել ընտրողներուն ու ծով իմաստութիւն… որպէսզի կարենան անիրականանալի խոստումները անտեսել ու երկիրը իր խոր ճգնաժամէն դուրս բերելու ատակ իշխանութիւն ձեւաւորել:

«Ազդակ»

 

Յարակից լուրեր

  • «Ռեսուրս կայ». «Այլընտրանքային նախագծեր խումբ»
    «Ռեսուրս կայ». «Այլընտրանքային նախագծեր խումբ»

    Չորս ամիս է, ինչ սկսել ենք «Հայկական օրակարգ» նախագիծը։ Քննարկւել են ներքին եւ արտաքին բազմաթիւ խնդիրներ։ Դրել ենք սկզբունքներ. չենք խուսափում որեւէ բարդ հարցից, յարգում ենք միմեանց տեսակէտները, չենք վիրաւորում եւ չենք փառաբանում որեւէ մէկին։ Քննարկում ենք հարցեր ու փորձում ձեւակերպել լուծումներ։ Այս մասին յայտարարութիւն է տարածել «Այլընտրանքային նախագծեր խումբը»:

  • Ակնարկ. 6-րդ կէտը չէ նախատեսած տարածքներու յանձնում
    Ակնարկ. 6-րդ կէտը չէ նախատեսած տարածքներու յանձնում

    Հայաստանի վարչապետը մամլոյ ասուլիսի ընթացքին պարզ դարձուց, որ Հայաստան-Արցախ կապող Լաչինի միջանցքի փոփոխութեան կը նախապատրաստուին կողմերը: Իր այս հաստատումը հիմնաւորելու համար ան յղում կատարեց 9 նոյեմբերի յայտարարութեան ներառած համապատասխան կէտին` այլընտրանքային երթուղիի կառուցման համաձայնութեան: Ըստ իրեն, նոր կառուցուող երթուղային ճանապարհը պիտի ըլլայ աւելի յուսալի, եւ անիկա նպատակ ունի ամուր կապ, աւելի որակեալ ճանապարհ ապահովելը: 

  • Ակնարկ. Թուրանական կամուրջի կասեցումն ու «ռեւանշիստական» ուժերը
    Ակնարկ. Թուրանական կամուրջի կասեցումն ու «ռեւանշիստական» ուժերը

    Անգարայէն եւ Պաքուէն հնչող յայտարարութիւնները ապաշրջափակման եւ սահմանազատման-սահմանագծման առումներով որոշ շտապողականութիւն կը մատնեն եւ բնականաբար համակարգուած ըլլալու համոզումը կը փոխանցեն:

  • Իշխանութիւն եւ բարոյականութիւն
    Իշխանութիւն եւ բարոյականութիւն

    Երկիրներու միջեւ յարաբերութիւնները քննարկելու առիթով կը դիմագրաւենք մնայուն գործելաձեւ մը: Յարաբերութիւնները, նոյնիսկ երկու բարեկամ երկիրներու միջեւ, չեն հիմնուիր արդարութեան, իրաւունքի, ճշմարտութեան ու նմանատիպ բարեմիտ գաղափարներու վրայ: Յաճախ կը կրկնենք, որ յարաբերութիւններու մղիչ ուժը շահն է: Եթէ բարեկամական են երկու համարժէք պետութիւններու յարաբերութիւնները, կը գտնուի փոխադարձ զիջումներով, իւրաքանչիւրին շահը պահպանող լուծումը:

  • Իրանի եւ Հայաստանի նոր հիւպատոսութիւնների բացման անհրաժեշտութիւնն ու կարեւորութիւնը
    Իրանի եւ Հայաստանի նոր հիւպատոսութիւնների բացման անհրաժեշտութիւնն ու կարեւորութիւնը

    Աւելի քան երեք տասնամեակ է անցել Խորհրդային Միութեան փլուզումից ու Հայաստանի Հանրապետութեան անկախացումից, իսկ Իրանն ու Հայաստանը դիւանագիտական ​​յարաբերութիւնների հաստատման երեսունամեակը բոլորելու նախաշեմին են։

    Հայաստանը Իրանի միակ քրիստոնեայ հարեւանն է, որը պատմա-մշակութային շատ առանձնայատուկ կապեր ունի Իրանի հետ, իսկ իրանահայ հայրենակիցների առկայութիւնն Իրանում առաւել իւրայատուկ է դարձնում այն։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։