Հա

Ազգային

29/06/2021 - 11:40

«Ճգնաժամը յաղթահարւած չէ, պայքարը շարունակւում է»․ Արթուր Խաչատրեան

Հայ Յեղափոխական Դաշնակցութեան Գերագոյն մարմնի անդամ, «Հայաստան» դաշինքի պատգամաւորի թեկնածու Արթուր Խաչատրեանը չի կիսում վարչապետի պաշտօնակատար Փաշինեանի տեսակէտը, թէ ԱԺ արտահերթ ընտրութիւններով աւարտւեց պատերազմից յետոյ առաջացած ներքաղաքական ճգնաժամը: Աւելին` ընդդիմադիր գործչի խօսքով` պայքարը շարունակւում է:

Ստորեւ ներկայացնում ենք հատւածներ Արթուր Խաչատրեանի Azatutyun.am-ին տւած հարցազրոյցից:

«alikonline.ir» - Հայ Յեղափոխական Դաշնակցութեան Գերագոյն մարմնի անդամ, «Հայաստան» դաշինքի պատգամաւորի թեկնածու Արթուր Խաչատրեանը չի կիսում վարչապետի պաշտօնակատար Փաշինեանի տեսակէտը, թէ ԱԺ արտահերթ ընտրութիւններով աւարտւեց պատերազմից յետոյ առաջացած ներքաղաքական ճգնաժամը: Աւելին` ընդդիմադիր գործչի խօսքով` պայքարը շարունակւում է:

Ստորեւ ներկայացնում ենք հատւածներ Արթուր Խաչատրեանի Azatutyun.am-ին տւած հարցազրոյցից:

 

- Պարո՛ն Խաչատրեան, վարչապետի պաշտօնակատարը յայտարարեց, որ ներքաղաքական ճգնաժամը յաղթահարւած է, համաձա՞յն էք:

- Ոչ, ներքաղաքական ճգնաժամ առաջացաւ, որովհետեւ մենք պարտւեցինք պատերազմում, եւ նաեւ յետպատերազմեան զարգացումները էլ աւելի խորացրեցին ճգնաժամը: Եւ քանի դեռ այդ յետպատերազմեան զարգացումների արդիւնքում առաջացած բացասական երեւոյթները չեն վերացել, եւ երկիրը չի դուրս եկել զարգացման յետագծի վրայ, ինչն այս իշխանութիւնների դէպքում ես կարծում եմ` անհնար է, ես կարծում եմ` ներքաղաքական ճգնաժամի յաղթահարման մասին խօսելը առնւազն կա՛մ միամտութիւն է, կա՛մ ուղղակի մարդկանց հերթական անգամ կեղծ յոյսեր տալ է:

 

- Ըստ ամենայնի, նկատի ունի, որ փողոցից պայքարը տեղափոխւում է խորհրդարան, խնդրեմ, եկէք, ինչքան ուզում էք, քննադատէք, ձերն առաջարկէք:

- Խորհրդարան գալը եւ փողոցային պայքար շարունակելը փոխադարձաբար բացառող պատահարներ չեն: Եւ պայքարը կարելի է եւ պէտք է տանել թէ՛ խորհրդարանում, թէ՛ արտախորհրդարանում, թէ՛ փողոցում: Թող ինքը մեր փոխարէն չորոշի` մենք փողոցում շարունակելու ենք պայքարել, թէ ոչ:

 

- Նաեւ ձեր կողմից ճգնաժամի պատճառ բերւում էր, որ սա այլեւս 2018-ի 70 տոկոսանոց իշխանութիւնը չէ, կորցրել է լեգիտիմութիւնը: Հիմա վերգտաւ` 70 չէ, 54:

- Այո, բայց մի մոռացէք, որ ինքը յաջողացրեց 3 տարւայ ընթացքում կորցնել մօտ 200 հազար ձայն, կարծեմ, աւելի մեծ կորուստ արձանագրել են մէկ էլ հանրապետականները 18 թւականին` 17 թւականի համեմատ: Այսինքն` ինքը կորցրեց 190 հազար մարդ, ինքը խորհրդարանում կը ստանայ ակտիւ ընդդիմութիւն, իրական ընդդիմութիւն, արմատական ընդդիմութիւն, որը խորհրդարանում իրեն շատ այլ կերպ կը պահի, քան մինչ այս գործող ընդդիմութիւնը:

Այնպւս որ, չէ, լեգիտիմութեան մասին եթէ խօսում ենք, թող Սահմանադրական դատարանի որոշումը գայ, որովհետեւ Վարչական դատարանի որոշում ունենք, որն արձանագրել է, որ եղել են խախտումներ: Այնպէս որ, այս յայտարարութիւնները, որ սա առանց խախտումների անցկացւած միակ ընտրութիւնը, արդէն այդպիսին չէ:

Հիմա մնում է միւս խնդիրները տեսնել, թէ այդ խախտումները որքանով են ազդել ընտրութիւնների ելքի վրայ: Իսկ որ այդ խախտումները եղել են աստղաբաշխական չափերի, կարծում եմ` որեւէ մէկի համար գաղտնիք չի: Օրինակ` վարչապետը գնացել է, վարչապետի ԺՊ եղած ժամանակ, տեսէք, գնացել է ինչ-որ գիւղ, ասում է` այս գիւղի ճանապարհը պէտք է ասֆալտապատենք, շրջւում է, տարածքային կառավարման նախարարին ասում է` ե՞րբ կասֆալտապատենք, մինչեւ այս տարւայ վերջ: Այսինքն` եթէ դա բացայայտ ընտրակաշառք չի, ապա էլ ի՞նչ է:

Ստացել ենք այսքան ձայներ, մենք այդ ձայների տէրը պէտք է լինենք եւ քիչ-քիչ պէտք է մեծացնենք մեր ներկայութիւնը խորհրդարանում, նաեւ գալիք ընտրութիւններին, որոնք մեր խորին համոզմամբ` էլի լինելու են արտահերթ, որովհետեւ այս իշխանութիւնները նախ Սահմանադրութեան փոփոխութեան հարց են տալու, երկրորդը` քանի որ ճգնաժամը չի յաղթահարւել, խորանալու է, թէ՛ Արցախի հետ կապւած, թէ՛ տնտեսութեան հետ կապւած, կը լինեն նոր արտահերթ ընտրութիւններ` իմ խորին համոզմամբ: Եւ արդէն այդտեղ շատ աւելի լուրջ կը լինի պայքարը:

 

- Բայց այս յայտարարութիւնները հնչում են ժամանակին ձեր ասածի ֆոնին, որ ոչ մի ձայն էլ չունի այս իշխանութիւնը, վստահութիւն չունի, եւ ձեր նշաձողը յիշէք` քարոզարշաւին յայտարարել, որ իշխանութեան ժամերը հաշւած են, վերջնահաշւարկ էիք դրել, եւ պարզւում է` դա ընդամէնը 21 տոկոս է, պարո՛ն Խաչատրեան:

- Դա ընդամէնը 21 տոկոս է, բայց 270 հազար մարդ է, դա նշանակում է, որ բնակչութեան զգալի մի հատւած մեզ է վստահել: Մենք մնացել ենք հիմնական ընդդիմադիր ուժ, եւ մենք պատւով կը կատարենք մեր այդ առաքելութիւնը, հետագայում նաեւ իշխանութիւնը փոխելու:

 

- Ո՛չ միջազգային, ո՛չ տեղական դիտորդները ընտրութիւնները չեն համարում կեղծւած այն իմաստով, որ խախտումները որեւէ ազդեցութիւն չեն ունեցել: Աւելին` երեւի ծանօթ էք, անգամ ընդդիմութեան են մեղադրում կեղծիքների փորձերի մէջ, «Անկախ դիտորդին» կարող եմ վկայակոչել, «Ականատեսին», որոնք «Հայաստան» դաշինքի անունն են տալիս այդ թւում:

- Նախ անկախ դիտորդների մասին որ խօսում էք, ես ուզում էի իմանալ` ո՞ր անկախ դիտորդական կազմակերպութեան:

 

- Հայաստանեան դաշտում ներկայացւած քաղհասարակութիւնը, պաշտպան կազմակերպութիւններ:

- Քաղացիական հասարակութիւնը, ցաւօք սրտի, էապես քաղաքականացւեց դեռեւս 2018 թւականին, եւ դա Հայաստանի վրայ խոշոր հաշւով բաւականին մեծ բացասական ազդեցութիւն ունեցաւ: Եթէ կան կոնկրետ մեղադրանքներ, պէտք է դիմէին ոստիկանութիւն, դատախազութիւն, քրէական գործեր յարուցւէին: Քանի չկայ որեւէ կոնկրետ ապացոյց, ինչ-որ մեղադրանքներ, թէ «Հայաստան» դաշինքը կեղծիքների է դիմել, իհարկէ աբսուրդ է:

 

Յարակից լուրեր

  • «Հայաստան» դաշինքի յայտարարութիւնը
    «Հայաստան» դաշինքի յայտարարութիւնը

    2020 թւականի նոյեմբերի 9-ի եռակողմ յայտարարութեամբ հաստատւած հրադադարի ռեժիմի կոպիտ խախտումներն ադրբեջանական զինւած ուժերի կողմից շարունակական բնոյթ են կրում, նոյնիսկ վիրաւորում են ստացել մեր մի շարք զինծառայողներ։

  • ԱՄՆ Ներկայացուցիչների պալատի անդամի հետ քննարկւել են հայ-ամերիկեան յարաբերութիւնների առաջնահերթութիւնները
    ԱՄՆ Ներկայացուցիչների պալատի անդամի հետ քննարկւել են հայ-ամերիկեան յարաբերութիւնների առաջնահերթութիւնները

    ԱՄՆ Ներկայացուցիչների պալատի Արտաքին յարաբերութիւնների յանձնաժողովի անդամ, հայ համայնքի վաղեմի բարեկամ Դէյւիդ Սիցիլինին (Դեմոկրատական կուսակցութիւն, Ռոդ Այլենդ նահանգ) 2021 թ. հոկտեմբերի 11-ին ընդունել է ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Արթուր Խաչատրեանին եւ ՀՅԴ Բիւրոյի անդամ Արամ Գալուստեանին (ԱՄՆ)՝ քննարկելու հայ-ամերիկեան քաղաքական յարաբերութիւնների առաջնահերթութիւնները։

  • «Հայաստան» դաշինքի յայտարարութիւնը
    «Հայաստան» դաշինքի յայտարարութիւնը

    Ի պատասխան մամուլի մի շարք միջոցների կողմից ՀՀ Ազգային ժողովի «Հայաստան» խմբակցութեանն ու պատգամաւորներին ուղղւած հարցման` յայտնում ենք, որ «Հայաստան» խմբակցութեան անդամները 2021թ. օգոստոս-սեպտեմբեր ամիսներին այցելել են ՀՀ բոլոր մարզեր եւ Երեւանի վարչական շրջաններ, կազմակերպւել են հանդիպումներ տարբեր համայնքներում հարիւրաւոր ՀՀ քաղաքացիների հետ (այցերը շարունակւում են), ծանօթացել նրանց խնդիրներին եւ առաջարկներին, ինչով պայմանաւորւած ընթանում են օրէնսդրական նախաձեռնութիւնների ստեղծման եւ պատգամաւորական գործունէութեան աշխատանքների կազմակերպման այլ լայնածաւալ աշխատանքներ: 

  • «Հայաստան» դաշինքը շարունակում է մարզային այցելութիւնները
    «Հայաստան» դաշինքը շարունակում է մարզային այցելութիւնները

    «Հայաստան» դաշինքը շարունակում է մարզային այցելութիւնները: ԱԺ «Հայաստան» խմբակցութեան պատգամաւորները հոկտեմբերի 9-ին եւ 10-ին Լոռու մարզկենտրոն Վանաձոր եւ Արագածոտնի մարզկենտրոն Աշտարակ քաղաքներում հանդիպումներ են ունեցել քաղաքացիների հետ։

  • «Սա Արցախը թուրքերին յանձնելու ամենապարզ խոստովանութիւնն է». Ա. Խաչատրեանը՝ ՀՀ կառավարութեան բիւջետային ուղերձների մասին
    «Սա Արցախը թուրքերին յանձնելու ամենապարզ խոստովանութիւնն է». Ա. Խաչատրեանը՝ ՀՀ կառավարութեան բիւջետային ուղերձների մասին

    ՀՅԴ անդամ, ՀՀ ԱԺ «Հայաստան» խմբագցութեան պատգամաւոր Արթուր Խաչատրեանը ֆէյսբուքեան իր էջում գրել է.

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։