Հա

Ազգային

23/07/2021 - 09:00

«Այս իշխանութեան օրօք մենք չենք բացառում պետականութեան կորուստը, եւ մեր քայլերն ու գործողութիւնները լինելու են ոչ ստանդարտ». Իշխան Սաղաթելեան

Մենք մինչ ընտրութիւններն էլ ասում էինք, որ այս իշխանութեան վերարտադրւելու դէպքումճգնաժամը ոչ միայն չի յաղթահարւելու, այլ այն նոր դրսեւորումներ է ունենալու, որովհետեւ ճգնաժամի բուն պատճառը, ըստ էութեան, հեռացւած չէ, երկրում շարունակւում է անվտանգային եւ քաղաքական ճգնաժամը: Այս մասին երէկ ասաց ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելեանը՝ խօսելով Փաշինեանի՝ ՍԴ որոշման անդրադարձի մասին:

«alikonline.ir» - Մենք մինչ ընտրութիւններն էլ ասում էինք, որ այս իշխանութեան վերարտադրւելու դէպքում ճգնաժամը ոչ միայն չի յաղթահարւելու, այլ այն նոր դրսեւորումներ է ունենալու, որովհետեւ ճգնաժամի բուն պատճառը, ըստ էութեան, հեռացւած չէ, երկրում շարունակւում է անվտանգային եւ քաղաքական ճգնաժամը: Այս մասին երէկ ասաց ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելեանը՝ խօսելով Փաշինեանի՝ ՍԴ որոշման անդրադարձի մասին:

Խօսելով Փաշինեանի այն յայտարարութեան մասին, թէ յետընտրական իրավիճակում պատրաստ են համագործակցութեան՝ զերծ ատելութեան խօսքից, բռնութեան խօսոյթից, վիրաւորանքից՝ Սաղաթելեանը նշեց, որ նախ է պէտք է յստակ արձանագրել, որ ատելութեան խօսքը ՀՀ քաղաքական դաշտ ներմուծել է Նիկոլ Փաշինեանը:

«Նա եւ նրա ամբողջ իշխանութիւնը կառուցւած է ամբողջովին ստի եւ կեղծիքի վրայ, ինքն էր հասարակութեանը բաժանում «սեւերի եւ սպիտակների», ինքն էր մուրճը վերցրել եւ վազվզում փողոցներով, ինքն էր ասում՝ թաթիկներդ կը կտրեմ, կը փռեմ ասֆալտին, ծնօտդ կը ջարդեմ եւ այլն: Այսինքն՝ ատելութեան խօսքը ՀՀ-ում տարածել է թիւ մէկ պաշտօնեան»,- շեշտեց նա:

Խօսելով մանդատները վերցնելու եւ հետագայ գործունէութեան մասին՝ Իշխան Սաղաթելեանը յիշեցրեց՝ ասել են, որ լինելու են նոր որակի ընդդիմութեան եւ օգտւելու են ԱԺ-ի ընձեռած ողջ գործիքակազմից, որպէսզի նոր ուժ տան իրենց սկսած պայքարին:

«Օգտւելու ենք բոլոր հնարաւորութիւններից՝ քննիչ յանձնաժողով ստեղծելու, լսումներ կազմակերպելու, հարցապնդումներ իրականացնելու, օրէնսդրական փոփոխութիւններ առաջարկելու: Այս իմաստով ինչ հնարաւոր է, անելու ենք, բայց սա չի նշանակում, որ մենք թողնելու ենք փողոցը, որովհետեւ մենք ստանդարտ եւ դասական վիճակում չենք, մենք կորցրել ենք Արցախի 75 տոկոսը, ունեցել ենք մարդկային հսկայական կորուստներ եւ այս իշխանութեան օրօք մենք չենք բացառում պետականութեան կորուստը, հետեւաբար, մեր քայլերն ու գործողութիւնները եւս ոչ ստանդարտ են լինելու, դասական իմաստով չենք գնալու նստելու ԱԺ-ում հարց տանք, պատասխան ստանանք, ելոյթ ունենանք ու դրանով սահմանափակւի մեր ընդդիմադիր գործունէութիւնը»,- ընդգծեց նա:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։