Հա

Ազգային

27/07/2021 - 12:00

Լիզպոնեան կամքով

Լիզպոնի հերոսական գործողութեան 38-ամեակն է այս տարի։ 27 Յուլիս 1983-ին, Հայկական Յեղափոխական Բանակի հինգ անձնազոհներ գրաւեցին Փորթուգալի մայրաքաղաք Լիզպոնի թրքական դեսպանատունը եւ իրենց հետ պայթեցուցին զայն, երբ չկատարուեցան իրենց պահանջները։ Անոնք ընտրեցին անմահութիւնը՝ իմացեալ մահուան ճամբով։ Իրենց մահով անոնք կեանք տուին ազգին ու գաղափարին։

ՎԻԳԷՆ ԱՒԱԳԵԱՆ 

 

Լիզպոնի հերոսական գործողութեան 38-ամեակն է այս տարի։ 27 Յուլիս 1983-ին, Հայկական Յեղափոխական Բանակի հինգ անձնազոհներ գրաւեցին Փորթուգալի մայրաքաղաք Լիզպոնի թրքական դեսպանատունը եւ իրենց հետ պայթեցուցին զայն, երբ չկատարուեցան իրենց պահանջները։ Անոնք ընտրեցին անմահութիւնը՝ իմացեալ մահուան ճամբով։ Իրենց մահով անոնք կեանք տուին ազգին ու գաղափարին։

Լիզպոնի հերոսական գործողութիւնը պսակադրումը եղաւ 1975-էն ետք շղթայազերծուած Հայ Դատի պայքարի ուժական փուլին։ Ամբողջ Սփիւռքի մէջ, հինգ նահատակ հերոսներուն անձնազոհութեան, գաղափարապաշտութեան եւ հայրենասիրութեան օրինակը գործեց աննախընթաց ազդեցութիւն, յատկապէս իր արմատներուն վերադարձող եւ հայ ժողովուրդի արդար դատին համար յանձնառութիւն ստանձնած երիտասարդ սերունդին համար։

Լիզպոնի հինգը բոցավառեցին ազգային ազատագրական պայքարի հուրը եւ դարձան յաւերժական արժէք ու ներշնչման աղբիւր իրերայաջորդ սերունդներու։ Դժուար չէ անոնց սխրանքին եւ 1988-ի թէ 1991-ի խոյանքներուն միջեւ ոգեղէն կապը տեսնելը։ Լիզպոնը դարձաւ նշանակալից հանգրուան՝ հայրենի հողի եւ իրաւունքի համար մղուած հետագայ պայքարներուն։

Այսօր, իրենց նահատակութենէն 38 տարի ետք, ազատութեան զոհասեղանին իրենք զիրենք նուիրաբերած Արան, Վաչէն, Սեդրակը, Սիմոնն ու Սագոն տակաւին մեզի հետ են ու միշտ պիտի մնան մեզի հետ, այնքան ատեն որ կը շարունակենք ապրիլ անոնց արարքով։ Անոնք կը մեռնին միայն այն ժամանակ, երբ մեր մէջ կը մեռնի անոնց արեամբ շնչաւորուած ամբողջական հայութեամբ ամբողջական Հայաստանի երազը։

Լիզպոնի օրերուն երազ էր անկախ հայրենիք ունենալը։ Այսօր երազ է ունենալ հզօր հայրենիք, ամուր Զանգեզուրով, անպարտելի Գեղարգունիքով եւ Տաւուշով։ Երազ է Շուշին իր իրաւատիրոջ վերադարձնել, Հատրութը տուն բերել եւ Արցախի բռնագրաւեալ հողերը հայ մարդու քրտինքով ծաղկեցնել։ Այո՛, երազ է Ստեփանակերտն ու Նախիջեւանը ունենալ Հայաստանի սահմաններէն ներս, Ջաւախքը իր տագնապները յաղթահարած, Սփիւռքը Հայաստան վերադարձած։

Այս բոլորը երազներ են այսօր, Լիզպոնեան կամքով իրականանալի՛ երազներ սակայն, յաղթանակներու համը ճաշակած ժողովուրդի մը գաղափարական զաւակներուն համար։ Եւ ճիշդ այդ կը պատգամեն Լիզպոնի հերոսները իրենց նահատակութենէն 38 տարի ետք։ Հարկ է խոնարհիլ իրենց յիշատակին դիմաց եւ շարունակել իրենց ուրուագծած ճամբան, ի խնդիր հայութեան պատմական իրաւունքներուն ամբողջական վերականգնումին եւ հայ ազգի գերագոյն իտէալներուն կենսագործումին։

 

Յարակից լուրեր

  • 2 սեպտեմբերը պայքարի շարունակման յուշարար
    2 սեպտեմբերը պայքարի շարունակման յուշարար

    Կար ժամանակ, երբ 2 Սեպտեմբերը հոմանիշ էր ազգային յաղթանակի եւ հպարտութեան օրուան։

    Կար ժամանակ, երբ Արցախի Հանրապետութեան անկախութեան տօնը՝ 2 Սեպտեմբերը յուշարարն էր դէպի Միացեալ Հայաստան մեր համահայկական երթի առաջին հանգրուանին։

  • «Թուրքիայի դեսպանատուն մտնելիս նռնակը չի տրաքել»․ Սիմոն Գաֆալեանը մանրամասներ է պատմում Լիզբոնի հնգեակի գործողութիւնից
    «Թուրքիայի դեսպանատուն մտնելիս նռնակը չի տրաքել»․ Սիմոն Գաֆալեանը մանրամասներ է պատմում Լիզբոնի հնգեակի գործողութիւնից

    Քունգ ֆուի մարզանք էինք անում՝ ինքնապաշտպանութեան, Սաքոյի ոտքը ծնկից ջարդւեց՝ իմ աչքի առջեւ ծալւեց, ոսկորը մի քանի տեղից կոտրւել էր, գիպսի մէջ էր, հետաքրքրական է, որ տակաւին չէր առողջացել, դեռ ժամանակ էր պէտք մէկ-երկու ամիս, ինչպէ՞ս է գնացել գործողութեան, զարմանում եմ, գիպսը կտրե՞լ է, թէ՞ այդպէս է գնացել, տանը գաւազանով էր ման գալիս, դուրս չէր ելնում՝ Yerkir.am-ի հետ հարցազրոյցում Լիսբոնի 5 նահատակներից Սարգիս Աբրահամեանի մասին պատմեց ՀՅԴ անդամ Սիմոն Գաֆալեանը, որը Լիբանանի Բուրջ Համուտ թաղամասում ապրել է այդ տղաների հետ կողք-կողքի։

  • Նահատակ հերոսները հարց կու տան․- ի՞նչ պատասխան պիտի տաք...
    Նահատակ հերոսները հարց կու տան․- ի՞նչ պատասխան պիտի տաք...

    …Լիզպոնի նահատակները, անոնց ճամբան բացողներն ու նոյն ուղին շարունակողները, գիտե՛նք՝ թէ ի՞նչ պատասխան պիտի ստանան մեզմէ, հայութեան զանգուածներէս, երբ վճռենք մեր կեանքէն վանել պարտուողականութեան ու հայրենակորուստի յարմարելու վերջին նշոյլը: 

  • Խմբագրական. Լիզպոնն ու տարածքներու վերականգնման հրամայականը
    Խմբագրական. Լիզպոնն ու տարածքներու վերականգնման հրամայականը

    Լիզպոնի խոյանքին ամբողջ խորհուրդը, իմաստն ու նպատակը պատմական իրաւունքներու վերականգնման սկզբունքին կը վերաբերէր: Գործողութիւնը իրականացուցած իւրաքանչիւր հերոս իր պատգամին մէջ առանցքային նշանակութեամբ կ՛անդրադառնար հայկական հողերու ազատագրման հրամայականին:

  • Խոնարհումով յիշենք այս հինգ երիտասարդների անունները
    Խոնարհումով յիշենք այս հինգ երիտասարդների անունները

    Յուլիս 27, 1983թ. Պորտուգալիայի մայրաքաղաք Լիզպոն։

    Ինչո՞ւ Լիզպոն, ինչո՞ւ յուլիսեան այդ օրը։

    Այդ օր Լիզպոնում գումարւելու էր Եւրոպայում թուրքական դեսպանների խորհրդակցութիւն։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։