Հա

Ազգային

09/08/2021 - 11:50

ՔՊ-ականներու մանկապարտէզին մէջ

Ազգային Ժողովի 8-րդ գումարման առաջին նիստի առաջին հինգ օրերը եկան ապացուցելու, որ ՔՊ-ականները մանկապարտէզի վերածած են երկրի պետական համակարգի գլխաւորագոյն իշխանութիւնը՝ Օրէնսդիր մարմինը։

ՍԵԴՕ ՊՈՅԱՃԵԱՆ

 

Ազգային Ժողովի 8-րդ գումարման առաջին նիստի առաջին հինգ օրերը եկան ապացուցելու, որ ՔՊ-ականները մանկապարտէզի վերածած են երկրի պետական համակարգի գլխաւորագոյն իշխանութիւնը՝ Օրէնսդիր մարմինը։

ԱԺ-ի, այսինքն՝ Հայաստանի Օրէնսդիր մարմնի թէ՛ իրաւունքը եւ թէ՛ պարտականութիւնն է բարձրացնել հարցեր, քննել հարցեր, վերահսկել գործադիր իշխանութեան աշխատանքները, համարատուութեան հրաւիրել գործադիրի իշխանութեան անդամները, ուղղութիւն տալ եւ ուղղել գործադիր իշխանութեան վարքագիծը ներքին, արտաքին եւ պաշտպանական բնագաւառներէն ներս, եւ մշակել օրէնքներ յօգուտ երկրին եւ ժողովուրդին։

Մինչ ընդդիմութիւնը փորձ կը կատարէր կիրարկելու խորհրդարանական վերոնշեալ իրաւունքները եւ պարտաւորութիւնները, ԱԺ-ի ՔՊ-ական նախագահն ու երկու փոխնախագահները կը խափանէին խորհրդարանական աշխատանքը՝ իրենց անտեղի միջամտութիւններով, որոնք, ըստ ձեւի եւ ըստ էութեան, յարիր են միայն բռնատիրական ղեկավարումի ոճին։

Բայց նոյնիսկ իրենց բռնական մօտեցումներուն մէջ, ՔՊ-ականները աւելի երեխայական էին քան մանկապարտէզի մը պարզ աշակերտը։

Կ՚արժէ անգամ մը եւս արձանագրել նիստերու ընթացքին ՔՊ-ականներու միջամտութիւններուն եւ արտայայտութիւններուն.-

- Կորեկդ արտայայտուէք

- Խօսափողը կ՚անջատեմ

- Նկատողութիւն եմ արձանագրում

- Յաջորդիւ ձայնի իրաւունքէ կը զրկուէք

- Անջատէ՚ք խօսափողը, լքէ՛ք կենտրոնական ամբիոնը

- Ես ձեզ արգելում եմ էդ բառապաշարով խօսելը, կարող եմ նոյնիսկ դահլիճից դուրս հրաւիրել ձեզ

- Անջատում եմ խօսափողը Օրէնքի 52րդ յօդուածի 3րդ կէտի համատեղ

- Մի ստիպէք ես անվտանգութեան աշխատակիցներին հրաւիրեմ եւ ձեզ դուր բերել

Գալ շաբաթ, նիստերը շարունակելով, մանկապարտիզային այս մթնոլորտի մէջ, մի զարմանաք եթէ Ալեն Սիմոնյանը եւ իր 70 երեխաները նաեւ երգեն հետեւեալ մանկական խաղը.-

«Թաշկինակ մը ձգել կ՚ուզեմ կոր, կ՚ուզեմ կոր, կ՚ուզեմ կոր։

Թաշկինակ մը ձգել կ՚ուզեմ կոր, խելօք նստողին»։

 

Օգոստոս 7, 2021

 

Յարակից լուրեր

  • Ամերիկեան նաւազները (marines) Արարատեան դաշտ չմտան
    Ամերիկեան նաւազները (marines) Արարատեան դաշտ չմտան

    Հայաստանի թէ Սփիւռքի տարածքին մեր ազգային կեանքի մէջ ախտագին ու միաժամանակ վտանգաւոր իրականութիւն է արեւելումի (օրիէնթացիայի) խանութպաններուն երեւոյթը։ Ըստ իրենց շրջանակի թիւին, մարդիկ խանութ կը բանան կամ կրպակ կը հաստատեն՝ ծախելու այս կամ այն օտար երկրի ենթադրեալ օգուտն ու հովանաւորութիւնը՝ հայութեան եւ Հայաստանին համար։

  • Բթամիտներուն վերադարձը
    Բթամիտներուն վերադարձը

    Պոլշեւիկներու ժամանակ անոնք գովերգեցին պոլշեւիզմը Դաշնակցութիւնը հալածելով։ Ապա դարձան պոլշեւիկներուն դէմ Դաշնակցութիւնը մեղադրելով։

  • Մակունցը կը հետեւի Թուրքիոյ դեսպանի օրինակին՝ ընդդէմ հայ երիտասարդներուն
    Մակունցը կը հետեւի Թուրքիոյ դեսպանի օրինակին՝ ընդդէմ հայ երիտասարդներուն

    Երէկ Ուաշինկթընի ՀՀ դեսպանատան մէջ ՀՀ դեսպան Լիլիթ Մակունցը «գունագեղ» ընդունելութիւն մը կազմակերպած էր՝ նշելու համար ՀՀ անկախութեան 30-ամեակը։

  • Մենք չենք ինչ որ էինք
    Մենք չենք ինչ որ էինք

    Մենք կ՚ըսենք, թէ մենք ե՛նք ինչ որ էինք, բայց մենք չենք ինչ որ էինք։

    Կը ներկայացնենք մենք մեզ ինչ որ էինք, բայց մենք շուքն իսկ չենք ինչ որ էինք։

  • Դուք չէիք թոյլ տար որ հոս հասնի հայրենիքը
    Դուք չէիք թոյլ տար որ հոս հասնի հայրենիքը

    Մեր մեծ ընկերներ, Անկախութեան Օրն է այսօր։ Կ՚ուզենք ձեզի ըսել «Անկախութեան Օրը Շնորհաւոր»։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։