Հա

Ազգային

24/08/2021 - 13:49

«Օտարի օրակարգը սպասարկող իշխանութիւնը պայքարում է հայրենիքի պաշտպանների դէմ». Արծւիկ Մինասեան

Նիկոլ Փաշինեանը եւ նրա հետնորդները զբաղւած են բռնապետութիւն հաստատելով, ժողովրդավարութիւնը քայքայելով եւ հայրենիքը վերջնականապէս թշնամուն յանձնելով: Այս մասին յայտարարեց պատգամաւոր, «Հայաստան» խմբակցութեան քարտուղար Արծւիկ Մինասեանը նոյն դաշինքի պատգամաւոր Արմէն Չարչեանի կալանքի վերաբերեալ դատարանի որոշմանը նւիրւած մամուլի ասուլիսին:

«alikonline.ir»- Նիկոլ Փաշինեանը եւ նրա հետնորդները զբաղւած են բռնապետութիւն հաստատելով, ժողովրդավարութիւնը քայքայելով եւ հայրենիքը վերջնականապէս թշնամուն յանձնելով: Այս մասին յայտարարեց պատգամաւոր, «Հայաստան» խմբակցութեան քարտուղար Արծւիկ Մինասեանը նոյն դաշինքի պատգամաւոր Արմէն Չարչեանի կալանքի վերաբերեալ դատարանի որոշմանը նւիրւած մամուլի ասուլիսին:

Յիշեցնենք, որ ըստ օրէնսդրութեան, ժողովրդի ընտրեալը կարող է ձերբակալւել միայն ԱԺ հաստատմամբ եւ գլխաւոր դատախազի առաջարկութեամբ: Իշխանութիւնները զերծ են մնացել նման «ձեւականութիւններից»:

Արծւիկ Մինասեանն արձանագրեց, որ այս կերպ իշխանութիւններն արդէն ունեն երեք պատանդ պատգամաւոր: Նրա խօսքով` ընդդիմութեան դէմ յարուցւած բազմաթիւ քրեական գործերն անմիջական քայլեր են բռնապետութեան հաստատման ուղղութեամբ: «Նրանք չեն վարանում բարձրաձայն խօսել այդ մասին, դա ամրագրւած է նաեւ այսպէս կոչւած կառավարութեան ծրագրում: Սեւ ու սպիտակով գրւած է, որ դատարանը, հետաքննութիւնը եւ ոստիկանութիւնը պէտք է կատարեն կառավարութեան ցանկութիւնները: Դա ոչ միայն ներքին եւ միջազգային օրէնսդրութեան խախտում է, այլեւ` դիկտատուրայի ուղղակի հաստատում եւ քաղբանտարկեալների բացայայտ ապօրինի հետապնդում: Այս հարցերը կը դրւեն միջազգային կառոյցների առջեւ եւ կստանան իրաւական եւ քաղաքական շարունակութիւն: Յարձակումները չեն կանգնեցնի «Հայաստան» դաշինքին եւ չեն ստիպի նրանց շեղւել ընտրւած ուղուց` յանուն Հայաստանի եւ Արցախի անվտանգութեան»,- վստահեցրեց Մինասեանը:

Պատասխանելով կառավարութեան ծրագրի վերաբերեալ դաշինքի դիրքորոշման մասին հարցին, որը կը ներկայացւի վաղը, Մինասեանը նշեց, որ պրոֆեսոր Չարչեանի ձերբակալութեան հարցում իշխանութիւնների նպատակը դաշինքին հիմնական աշխատանքից` ամբողջ ճշմարտութիւնը խորհրդարանում ասելուց շեղելն է, բայց դա չի յաջողւի: «Մնացած մանրամասները` վաղը»,- խոստացաւ Մինասեանը:

Հարցին, թէ ինչու իշխանութիւնները չանցան խորհրդարանական պատժամիջոցների ճանապարհով եւ արդեօ՞ք դա ընդհանրապէս անհրաժեշտ է` հաշւի առնելով Ազգային ժողովի մեծամասնութիւնը, Մինասեանը նշեց, որ դա ծայրայեղ վտանգաւոր գաղափար է: «Այդ տրամաբանութեամբ նրանց նոյնիսկ պէտք է չէ օրէնքներ ներկայացնել խորհրդարան: Չէ որ նրանք մեծամասնութիւն են»,- պարզաբանեց պատգամաւորը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։