Հա

Ազգային

21/09/2021 - 12:30

ՀՅԴ Բիւրոյի ուղերձը Անկախութեան տօնի առթիւ

Սիրելի՛ հայրենակիցներ․

Մեր նորօրեայ անկախ պետականութեան 30-ամեայ տարեդարձը ստիպւած ենք դիմաւորել ծանր պայմաններում։ Վերջին պատերազմի վերքերը խորն են, կորուստները ցաւալիօրէն շատ։ Վտանգւած է աշխարհի քաղաքական քարտէզի վրայ մեր ինքնիշխան գոյութեան իրաւունքը։ Առկայ մարտահրաւէրներին ու արտաքին ուժերին դիմակայելու անհրաժեշտ նախապայմանը ներքին ամրութիւնն է։ Նախեւառաջ այդ խաթարւած ամրութիւնը վերականգնելու հարց ունենք։

Սիրելի՛ հայրենակիցներ․

Մեր նորօրեայ անկախ պետականութեան 30-ամեայ տարեդարձը ստիպւած ենք դիմաւորել ծանր պայմաններում։ Վերջին պատերազմի վերքերը խորն են, կորուստները ցաւալիօրէն շատ։ Վտանգւած է աշխարհի քաղաքական քարտէզի վրայ մեր ինքնիշխան գոյութեան իրաւունքը։ Առկայ մարտահրաւէրներին ու արտաքին ուժերին դիմակայելու անհրաժեշտ նախապայմանը ներքին ամրութիւնն է։ Նախեւառաջ այդ խաթարւած ամրութիւնը վերականգնելու հարց ունենք։

Ցաւօք, արտահերթ խորհրդարանական ընտրութիւնները չնպաստեցին այդ խնդրի լուծմանը։ Ճգնաժամը ոչ միայն չի յաղթահարւել, այլեւ միտում ունի աւելի խորանալու։ Մանիպուլեացիաներով, վարչա-իշխանական լծակների գործադրմամբ ձեռք բերւած ընտրական քւէները օրւայ իշխանութիւնը ընկալել է որպէս իր ձախողումների, ապաշնորհ կառավարման եւ կործանարար քաղաքականութեան ինդուլգենցիա։ Շարունակ խօսելով ժողովրդի անունից եւ թաքնւելով ժողովրդի թիկունքում իշխող վարչախումբը այդ նոյն ժողովրդին տարել եւ տանում է պարտութեան ու հայրենազրկման։

Խօսելով ժողովրդավարութիւնից, մարդու իրաւունքներից, ազատութիւններից ու քաղաքական հանդուրժողականութիւնից օրւայ իշխանութիւնները դրսեւորում են բռնապետական բացայայտ հակումներ, ոտնակոխ են անում օրէնքն ու մարդկանց օրինական իրաւունքները, զբաղւած են թշնամանք սերմանելով ու ատելութեան քարոզելով։

Սթափւելու, անցած ճանապարհը արժեւորելու, վերագնահատումներ կատարելու, յստակ ազգային օրակարգ եւ ծրագիր որդեգրելու ու հետեւողականօրէն գործադրելու հրամայականի առջեւ ենք։

Շնորհաւորելով մեր ժողովրդին անկախութեան տօնի առիթով՝ Հայ Յեղափոխական Դաշնակցութիւնը, իբրեւ համահայկական կազմակերպութիւն, վերահաստատում է իր յանձնառութիւնը` շարունակելու պայքարը թէ ներքին, թէ արտաքին ճակատների վրայ ի շահ ազգային, ուժեղ պետականութեան եւ Արցախի ինքնորոշման ու ազատութեան։ Խորապէս համոզւած ենք՝ անկախ պետականութիւնը բացարձակ արժէք է ու նաեւ՝ ազգի բնականոն զարգացման նախապայմանը։ Իշխանութիւնները անցողիկ են, պետականութեան տէրը բոլորս ենք ու բոլորս անելիք ունենք։ Հայաստանի Հանրապետութիւնը աշխարհասփիւռ հայութեան հայրենիքն է եւ ըստ այդմ՝ հայոց անկախ պետականութեան հզօրացումն ու ամրապնդումը համայն հայութեան գերխնդիրն է: Արեամբ, զոհողութիւններով ու քրտինքով կերտւած մեր անկախ պետականութիւնը այսօր առաւել քան երբեւէ մեր բոլորի հոգածութեան ու նւիրումի կարիքն ունի։ Մեզ պարտադրւող փորձութիւնները կարող ենք եւ պէտք է յաղթահարենք։

 

ՀՅԴ Բիւրօ

21-ը սեպտեմբերի, 2021 թ.

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։