Հա

Ազգային

05/10/2021 - 19:30

ՀՅԴ Բիւրօ. «Դաշնակցութեանն արատաւորելու՝ ՀՀ կառավարութեան ղեկավարի նորագոյն փորձը վիրաւորանք է ոչ միայն ՀՅԴ-ին, այլեւ Իրանին»

ՀՅ Դաշնակցութեան Բիւրոյի յայտարարութիւնը տարածաշրջանային վերջին զարգացումների վերաբերեալ ԱԺ-ում ներկայացրեց ՀՅԴ Բիւրոյի նախագահ, ԱԺ«Հայաստան» խմբակցութեան անդամ Արմէն Ռուստամեանը:

ՀՅ Դաշնակցութեան Բիւրոյի յայտարարութիւնը տարածաշրջանային վերջին զարգացումների վերաբերեալ ԱԺ-ում ներկայացրեց ՀՅԴ Բիւրոյի նախագահ, ԱԺ «Հայաստան» խմբակցութեան անդամ Արմէն Ռուստամեանը:

 

«ՀՅ Դաշնակցութեան Բիւրօն ուշադիր հետեւում է տարածաշրջանային զարգացումներին։ Այս ուղղութեամբ չափազանց ուշագրաւ են անցած շաբաթներին Իրանի Իսլամական Հանրապետութեան հրապարակած դիրքորոշումները եւ կատարած քայլերը տեղի ունեցող իրադարձութիւնների վերաբերեալ՝ երկրի հիւսիսարեւմտեան հատւածում, որը սահմանակցում է Հայաստանի Հանրապետութեանը, Արցախի բռնազաւթւած տարածքներին ու Ադրբեջանին։

Իրեն հարեւան գրեթէ բոլոր տարածաշրջանները՝ Արեւելեան Միջերկրածովքից մինչեւ Հարաւային Կովկաս եւ Մերձաւոր Արեւելք ապակայունացնող եւ ռազմական բախումներ հրահրող Թուրքիայի Հանրապետութիւնը, այժմ էլ Ադրբեջանի միջոցով է փորձում իր ռազմավարական դիրքերը բարելաւել Կասպից ծովի աւազանում եւ Իրանի հիւսիսային հատւածում։ Թշնամական որոշ շրջանակներ նոյնիսկ բացայայտ ակնարկում են Իրանում միջէթնիկ բախումներ հրահրելու հեռահար նպատակների մասին։

Արցախի Հանրապետութեան նկատմամբ սանձազերծւած եւ պատերազմական յանցագործութիւններով ուղեկցւող ագրեսիայի ընթացքում ու ի հետեւանք դրա՝ ադրբեջանաթուրքական տանդեմին յաջողւել է Հարաւային Կովկասը մտցնել աշխարհաքաղաքական սակարկութիւնների նոր յորձանուտի մէջ եւ էապէս վտանգել տարածաշրջանային անվտանգութիւնը։ Ադրբեջանաթուրքական այս արկածախնդրու­թիւնը նախ եւ առաջուղղւած է տարածաշրջանի բնիկ ժողովուրդների եւ աւանդաբար այս տարածաշրջանում քաղաքական ազդեցութիւն ունեցող պետութիւնների դէմ։ Ըստ հաւաստի տարբեր հրապարա­կումների՝ Ադրբեջանը շարունակում է Արցախի գրաւեալ տարածքներում պահել «ծայրայեղ-իսլամիստ» վարձկանների, ինչպէս եւ ռազմական հնարաւորութիւններ տրամադրել այլ ուժերի։

Տարածաշրջանային անվտանգութեան հերթական խաթարումը չի՛ կարող վերաբերւել միայն Հայաստանին։ Հետեւաբար, ողջունում ենք տարածաշրջանային անօրինական եւ վտանգաւոր վերաձեւումները կանխելու Իրանի ղեկավարութեան ռազմաքաղաքական կամքը։

Հայաստանի ղեկավարումը դեռեւս իրականացնող իշխանութեանը խստօրէն զգուշացնում ենք՝ փորձ չանե՛լ երկիրը մատնելու հերթական կապիտուլեացիային եւ փորձ չանե՛լ դաշնակիցների հետ յարաբերութիւններ հաստատել «առեւտրի» տրամաբանութեամբ։

Հայ Յեղափոխական Դաշնակցութեանը արատաւորելու՝ ՀՀ կառավարութեան ղեկավարի նորագոյն փորձը վիրաւորանք է ոչ միայն ՀՅԴ-ի հասցէին, որ միշտ գործել է հայ-իրանական յարաբերութիւնների սերտացման ուղղութեամբ, այլ նաեւ Իրանին, որին մէկ յօդւածի հիման վրայ դիրքորոշում ճշտելու վերագրում է արւում։

ՀՅ Դաշնակցութիւնն իր ամբողջ կարողականութեամբ՝ Հայրենիքում եւ Սփիւռքում, այդ թւում ՀՅԴ Հայ Դատի համաշխարհային ցանցով եւ միջազգային քաղաքական յարաբերութիւնների ճանապարհով շարունակում է աշխատանքներ տանել հայ ժողովրդի իրաւունքների պաշտպանութեան եւ ադրբեջանաթուրքական տանդեմի յանցագործ մտադրութիւնների իրականացումը կանխելու ուղղութեամբ»։

 

ՀՅԴ ԲԻՒՐՕ

5 հոկտեմբերի 2021 թ.

 

Յարակից լուրեր

  • ՀՅԴ Բիւրոյի յայտարարութիւնը
    ՀՅԴ Բիւրոյի յայտարարութիւնը

    Վերջին օրերին հերթական անգամ առերեսւեցինք դաւադիր պայմանաւորւածութիւնների նոր դրսեւորումների։ Տագնապի ու անընդունելի կորուստների ընթացքը շարունակւում է։ Եւ կրկին հայրենադաւ իշխանութիւնները իրենց բնորոշ դերի մէջ են՝ ստերով եւ կեղծ մտահոգութիւններով քողարկելով սեփական յանցաւոր վարքագիծը։ Ակնյայտ է, սկսւել է սողացող կապիտուլեացիայի նոր գործընթաց, գործընկերների հետ յարաբերութիւններում արձանագրւում են նոր սխալներ եւ կրկին թշնամու պահանջների կատարումը ներկայացւելու է որպէս հաւանական նոր պատերազմի կանխարգելմանն ուղղւած պարտադրւած քայլ։

  • ՀՅԴ Բիւրոյի յայտարարութիւնը
    ՀՅԴ Բիւրոյի յայտարարութիւնը

    Խստիւ դատապարտում ենք Մուրադ Փափազեանի նկատմամբ կիրառուած ապօրինի քայլը, ինչը առանց պատշաճ բացատրութեան եւ վերանայման չի կարող մնալ։

  • ՀՅԴ Բիւրոյի յայտարարութիւնը
    ՀՅԴ Բիւրոյի յայտարարութիւնը

    2022թ. ապրիլի 13-ին ՀՀ ԱԺ ամբիոնից իր ելոյթի ժամանակ Նիկոլ Փաշինեանի ինքնախոստովանական ցուցմունքները եւ Հայաստան-Ադրբեջան, Հայաստան-Թուրքիա յարաբերութիւնների, Արցախի ու Հայաստանի Հանրապետութեան անվտանգային խնդիրների վերաբերեալ յայտնած դիրքորոշումները, փաստերի եւ իրողութիւնների նենգափոխումները վերջնականապէս բացայայտեցին վարչապետի պաշտօնը զբաղեցնողի ու իր վարչախմբի քաղաքական եւ բարոյական սնանկութիւնը։

  • ՀՅԴ Բիւրոյի յայտարարութիւնը
    ՀՅԴ Բիւրոյի յայտարարութիւնը

    Կը կատարուի այն՝ ինչ կ՚ակնկալուէր. Ազրպէյճանը, օգտուելով Ուկրաինոյ հարցին վրայաշխարհի ուշադրութեան կեդրոնացումէն, քայլեր կը կատարէ աւարտին հասցնելու իրհակահայ ծրագրերը, որոնք իրականացնելու նորագոյն հանգրուանը սկսաւ 2020 թուականի 44-օրեայ պատերազմով։

  • Ամենայն Հայոց կաթողիկոսն ընդունեց ՀՅԴ նորընտիր Բիւրոյի անդամներին
    Ամենայն Հայոց կաթողիկոսն ընդունեց ՀՅԴ նորընտիր Բիւրոյի անդամներին

    Մարտի 9-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց կաթողիկոսը Մայր Աթոռ Սուրբ Էջմիածնում ընդունեց ՀՅԴ նորընտիր Բիւրոյի անդամներին՝ առաջնորդութեամբ Բիւրոյի ներկայացուցիչ Յակոբ Տէր-Խաչատուրեանի։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։