Հա

Ազգային

26/10/2021 - 16:10

ՀՅԴ Հայ Դատի Կենտրոնական գրասենեակի յայտարարութիւնն օտարերկրեայ որոշ գործիչների հակահայ յայտարարութիւնների վերաբերեալ

Արցախի Հանրապետութեան նկատմամբ ադրբեջանա-թուրքական ագրեսիայի արդիւնքն ազդել է ոչ միայն Թուրքիայի եւ Ադրբեջանի ռազմաքաղաքական ղեկավարութեան քաղաքական վարքի, այլ նաեւ օտարերկրեայ որոշ շրջանակների վրայ, որոնք, խեղաթիւրելով ու նենգափոխելով արցախեան հիմնախնդրի էութիւնը, հանդէս են գալիս միակողմանի յայտարարութիւններով։ Այդ յայտարարութիւնները գրեթէ բացարձակ նմայնութեամբ կրկնում են ադրբեջանական պետական դիրքորոշումները։

Արցախի Հանրապետութեան նկատմամբ ադրբեջանա-թուրքական ագրեսիայի արդիւնքն ազդել է ոչ միայն Թուրքիայի եւ Ադրբեջանի ռազմաքաղաքական ղեկավարութեան քաղաքական վարքի, այլ նաեւ օտարերկրեայ որոշ շրջանակների վրայ, որոնք, խեղաթիւրելով ու նենգափոխելով արցախեան հիմնախնդրի էութիւնը, հանդէս են գալիս միակողմանի յայտարարութիւններով։ Այդ յայտարարութիւնները գրեթէ բացարձակ նմայնութեամբ կրկնում են ադրբեջանական պետական դիրքորոշումները։

Ցաւալի է, որ պատերազմական յանցագործութիւններով յայտնի եւ ինքնորոշվող ժողովրդի նկատմամբ ագրեսիա իրականացրած կողմի պաշտպանութեանն են լծւել նաեւ ԵԱՀԿ Մինսկի խմբի անդամ պետութիւններում կարեւոր հանգամանքներ զբաղեցնող կամ զբաղեցրած պետական ու կրօնական գործիչներ։ Մասնաւորապէս՝ խստօրէն դատապարտում ենք Ռուս ուղղափառ եկեղեցու Մոսկւայի պատրիարքարանի արտաքին եկեղեցական կապերի բաժնի ղեկավար միտրոպոլիտ Իլարիոնի եւ Մինսկի խմբի ամերիկացի նախկին համանախագահ Մեթիւ Բրայզայի խնդրայարոյց յայտարարութիւնները։ Վերջինս տեւական ժամանակահատւած է, որ իր առօրեայ գործունէութեամբ ու անձնական հետաքրքրութիւններով գտնւում է ադրբեջանական եւ թուրքական շրջանակների տրամադրութեան տակ։ Հետեւաբար, Բրայզայի հակահայ յայտարարութիւններն այդքան զարմանայարոյց չէին, որքան Ռուս ուղղափառ եկեղեցու բարձրաստիճան հոգեւորականի յայտարարութիւնը՝ Արցախի փոքր հատւածի՝ հայկական վերահսկողութեան տակ գտնւելու ժամանակաւոր բնոյթի մասին։

Հայաստանեայց Առաքելական Սուրբ Եկեղեցու եւ Ռուս ուղղափառ եկեղեցու յարաբերութիւնները չափւում են հարիւրամեակներով, ու թէեւ ժամանակ առ ժամանակ գրանցւած անախորժ միջադէպերին, ի պատիւ մեր հոգեւոր հայրերի, հնարաւոր է եղել փոխադարձ յարգանքի եւ արժեւորման միջավայրում շտկել խնդիրները։ Հայ ժողովուրդն իրաւունք ունի քոյր եկեղեցու հայրերից ակնկալելու նւազագոյնը անկողմնակալ դիրքորոշում։ Լիայոյս ենք, որ միտրոպոլիտ Իլարիոնի յայտարարութիւնը որեւէ աղերս չունի ռուսական եկեղեցու պաշտօնական դիրքորոշման հետ։

Ակնյայտ է, որ ադրբեջանական կողմը, միջազգային սաստկացող ճնշումների եւ վերահաս պատժի անխուսափելիութեան հեռանկարի ֆոնին, ձեռնամուխ է եղել իր արարքների միջազգային լեգիտիմութեան պատրանքի ձեւաւորմանը` այդ գործում փորձելով ներառել հնարաւորինս հնչեղ անուններ։

Միջազգային ամենատարբեր գործընկերներից եւ հոգեւոր կառոյցների պետերից ակնկալում ենք իրենց իրաւասութիւնների սահմաններում կանխել կարեւոր հանգամանքներ զբաղեցնող անձանց ներգրաւումն ադրբեջանական քարոզչամեքենայում։

Արտաքին գործընկերները մեր ժողովրդի հանդէպ իրենց քաղաքականութիւնը չպէտք է պայմանաւորեն` ելնելով մեր երկրի անցողիկ դժւարութեամբ կամ Հայաստանի իշխանութիւնների կեցւածքով։ Մեր ժողովուրդն իր պատմութեամբ քանիցս ապացուցել է ծանրագոյն դժւարութիւնները յաղթահարելու՝ իր ունակութիւնը։

ՀՅԴ Հայ Դատի յանձնախմբերն ու գրասենեակներն ամբողջ աշխարհում շարունակում են ուշի ուշով հետեւել յընթացս զարգուցումներին, պետական կառոյցների եւ անհատ գործիչների յայտարութիւններին։

 

ՀՅԴ Բիւրոյի Հայ Դատի

կենտրոնական գրասենեակ

26.10․2021 թ.

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։