Հա

Ազգային

01/11/2021 - 13:25

Համբիկ Սասունեանի ազատագրումը առիթ է պայքարի աշխուժացման

Լիբանանեան քաղաքական կեանքի արհեստական խափանման եւ տնտեսական ու ընկերային տագնապի լուծման հեռանկարները դէպի փակուղի մղող երեւոյթները յուսահատութեան կը մատնեն քաղաքացիները: Եթէ լուծման նշոյլներ յայտնուին, նոր տագնապ մը կը ծագի, անակնկալօրէն, յիշեցնելու համար, որ Լիբանանի քաղաքացիները հաւաքական անողոք պատիժի դատապարտուած են իրենց ղեկավարներուն վարած սխալ քաղաքականութեան համար, որ… պարզորոշ կերպով չի մատնանշուիր:

ՏԻԳՐԱՆ ՃԻՆՊԱՇԵԱՆ

 

Լիբանանեան քաղաքական կեանքի արհեստական խափանման եւ տնտեսական ու ընկերային տագնապի լուծման հեռանկարները դէպի փակուղի մղող երեւոյթները յուսահատութեան կը մատնեն քաղաքացիները: Եթէ լուծման նշոյլներ յայտնուին, նոր տագնապ մը կը ծագի, անակնկալօրէն, յիշեցնելու համար, որ Լիբանանի քաղաքացիները հաւաքական անողոք պատիժի դատապարտուած են իրենց ղեկավարներուն վարած սխալ քաղաքականութեան համար, որ… պարզորոշ կերպով չի մատնանշուիր:

Հայաստան կը պատրաստուի ի նպաստ «երկարատեւ խաղաղութեան» համաձայնութիւններ կնքելու: Երկուստեք կը խօսին դրական ազդակներու մասին, որոնք լաւագոյն եզրայանգման մը հեռանկար կը նախանշեն: Չ՛ըսուիր սակայն, թէ ի՛նչ հեռանկարի շուրջ կ՛ընթանան գաղտնի բանակցութիւնները: Գաղտնիքին խիստ պահուիլը արդարօրէն իրաւունք կու տայ կասկածելու, որ հայկական կողմը կը պատրաստուի նոր զիջումներու, որոնք պիտի գան աւելնալու նախորդ երկու յայտարարութիւններով ամրագրուած ծանր նահանջներուն վրայ:

Տարապայման այս կացութեան ի տես, յուսահատելու ու պատրանաթափ պայքարէ հրաժարելու բաւարար պատճառներ կան: Սակայն խաւարը վանող լոյսի շող մը միշտ ալ կը յայտնուի անոնց համար, որոնք լոյսին կը հաւատան:

Նախորդ շաբաթավերջին հայկական քաղաքական երկնակամարին վրայ առկայծող լոյսի շողը Համբիկ Սասունեանի շատ ուշացած ազատագրումն է բանտէն եւ իր տեղափոխումը Հայաստան: Համբիկ Սասունեանի եւ իր նմաններուն արարքներուն յիշեցման այս առիթը կու գայ յիշեցնելու, որ յուսահատական ու տեղատուութեան պայմաններուն մէջ, կը գտնուին նուիրեալներ, որոնք կը յաջողին արմատապէս փոխել պարտուողական ու յարմարուողական մտածելակերպը եւ կացութեան համար անհամաչափ հակազդեցութեամբ, կը շրջեն իրերու ընթացքը:

Այդպէս եղաւ նախորդ դարու 60-ական ու 70-ական թուականներուն: Երբ Եղեռնի յիսնամեակի բազմահազարանոց հաւաքներն ու ցոյցերը, մեծ պետութիւններուն ներկայացուած յուշագիրները հանդիպեցան կիրթ ու կրաւորական արձագանգներու, երբ եւրոպական կարեւորագոյն թերթերէն մէկուն խմբագրապետը Ապրիլ 24-ի առիթով պատմաբան յօդուածագիրին կը բացատրէր, որ մամուլը պատմութեան մեկնաբանութեամբ չի զբաղուիր, այլ ժամանակակից դէպքերը կը ներկայացնէ ու այդ առիթով անոնց շարժառիթները կը բացատրէ, հրաւէր կ՛ուղղէր գործելու, դէպքեր յառաջացնելու:

Ու այդ դէպքերը յառաջացան ու Ցեղասպանութեամբ ողբացող ու Հայաստանի Հանրապետութեան կորուստով ընդարմացած հայութենէն ստեղծեցին պահանջատէր ու պայքարող հայութիւն, որ երկարատեւ յամառ մաքառումներէ ետք Հայ դատը դարձուց ժամանակակից պայքարի առարկայ եւ վերակերտեց Հայաստանի Հանրապետութեան անկախութիւնը:

Այսօր, տեղատուութեան, յուսաբեկման ու յարմարուողականութեան մթնոլորտին մէջ, քառասնամեակ մը ամբողջ արգելափակուած ազատամարտիկին կալանքէն ազատումը մեզի կը յուշէ, որ ամէն կալանք ի վերջոյ ազատագրում կ՛ենթադրէ: Համբիկ Սասունեանի օրինակելի վերաբերումը, իր քաջ ու աներեր կեցուածքը եւ բանտէն իր ոգեւորող ու քաջալերող նամակագրութիւնը շատերու համար պայքարի ուղենիշ դարձան: Այս ազատագրումը մեզի կը յիշեցնէ, որ կարիքը ունինք վերազարթնումի, ոգիի բարձրացման, ազգային հպարտութեան, աշխարհի մէջ արժանապատիւ ապրելու մեր իրաւունքին ամրագրման:

Իրաւունքը կը պահանջէ աշխատանք, ճիգ ու տառապանք: Արդիւնքը` յաղթանակ:

 

«Ազդակ»

 

Յարակից լուրեր

  • Ամէն փոփոխութիւն անպայման աւելի լաւին չ՛առաջնորդեր
    Ամէն փոփոխութիւն անպայման աւելի լաւին չ՛առաջնորդեր

    Երկար ժամանակէ ի վեր չենք խօսած Լիբանանի մէջ տիրող կացութեան մասին: Ի՞նչ խօսէինք. անվերջ արժեզրկուող դրամանիշի, անոր հետեւանք` գիներու յարատեւ բարձրացման, աղքատութեան շատացման, յոռետեսութեան ու անելանելիութեան զգացումին տարածման պայմաններուն մէջ դժուար էր կատարուածը հասկնալ ու վերլուծումի փորձ կատարել: Պետական ղեկավարներու կողմէ կացութիւնը հակակշռելու նախաձեռնութիւններ ալ չկային, ու բոլորս անկարող ականատեսներ դարձած էինք պետական մեքենային ամլացման:

  • Սփիւռքի ձգտումներուն հակասող որեւէ զիջում աընդունելի է
    Սփիւռքի ձգտումներուն հակասող որեւէ զիջում աընդունելի է

    2022 թուականին «Սփիւռքի տարի» հռչակումը եւ սփիւռքի մէջ բարեփոխումներու ձեռնարկումը մոռացութեան պէտք չէ մատնէ Հայաստանի հետ յարաբերութեան կարեւորութիւնը: Սփիւռքի վերակազմակերպման անհրաժեշտութեան շեշտումը զայն Հայաստանէն անջատելու նպատակ չի հետապնդեր: Ընդհակառակն, կազմակերպ ու գործօն սփիւռքը Հայաստանի համար կրնայ դառնալ կարեւոր յենարան մը` աղբիւր թէ՛ մասնագիտացած մարդուժի եւ թէ՛ տնտեսական ներդրումներու:

  • Հզօր Հայաստան եւ հզօր Սփիւռք
    Հզօր Հայաստան եւ հզօր Սփիւռք

    Մեծի Տանն Կիլիկիոյ Արամ Ա. կաթողիկոս հայրապետական ամանորեան գիրով 2022 տարին կը հռչակէ «Սփիւռքի տարի»:

    1988-ին ծայր առած ղարաբաղեան պահանջատիրական շարժումը, որ հետագային վերածուեցաւ Խորհրդային Միութենէն անջատման ու անկախութեան շարժման եւ հնարաւոր դարձուց Արցախի հայութեան ինքնորոշման ու Լեռնային Ղարաբաղի ինքնավար մարզի տարածքի ընդարձակման, յանգեցաւ հայկական երկու անկախ պետութիւններու ստեղծման:

  • Ժողովուրդի զարթնումը խաբէութենէն
    Ժողովուրդի զարթնումը խաբէութենէն

    Հայաստանի մէջ դէպքերու ընթացքը իրաւացի կը դարձնէ հետեւեալ հարցումը. ինչո՞ւ տեղի ունեցաւ 2018 թուականի իշխանափոխութիւնը, զոր կատարողները յեղափոխութիւն կոչեցին: Նախկին բոլոր իշխանութիւններն ալ անթերի չէին: Քաղաքագիտութեան մէջ ընդունուած է, որ բոլոր նորանկախ պետութիւններուն մէջ, ուր քաղաքացիական հասարակութիւնը չէ ձեւաւորուած տակաւին, ժողովրդավարութեան կիրարկումը կ՛առաջնորդէ քողարկուած սակաւապետութեան, իսկ ազատական տնտեսութիւնը` մենաշնորհներու ստեղծման: 

  • Վերջ պարսաւանքին եւ խարխափումին
    Վերջ պարսաւանքին եւ խարխափումին

    Կիրքերը չեն հանդարտիր Հայաստանի մէջ: Տեղական ինքնակառավարման մարմիններու ընտրութիւնները իրենց երկու փուլերով ցոյց տուին, որ կառավարող մեծամասնութեան դիրքերը զգալիօրէն կը նահանջեն: Կառավարական շրջանակները կեղծ գոհունակութեամբ կը յայտարարեն, որ իրենք յաջողած են ապահովել ժողովրդական ազատ կարծիքի գերակայութիւնը: Սակայն իրենց արարքները ցոյց կու տան, որ ցնցուած են ու մտահոգ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։