Հա

Ազգային

06/11/2021 - 13:15

Վեցեակի շինծու եւ դաւադիր հարթակը

Վերջին քանի մը օրերուն, կովկասեան բարձրաւանդակին առնչուող նոր եզրոյթ մը սկսած է տարածուիլ, շնորհիւ Անգարայի գործօն դերակատարութեան։ Վեցեակի՝ 3+3 հարթակի մասին նոր յանկերգ մը ունի Թուրքիոյ նախագահ Էրտողան:

«Ստելը երբեք չի կրնար մեզ փրկել այլ սուտէ մը»:

Վացլաւ Հաւէլ (1936-2011, Չեխոսլովաքիոյ վերջին նախագահը, մտաւորական, գրագէտ)

 

Վերջին քանի մը օրերուն, կովկասեան բարձրաւանդակին առնչուող նոր եզրոյթ մը սկսած է տարածուիլ, շնորհիւ Անգարայի գործօն դերակատարութեան։ Վեցեակի՝ 3+3 հարթակի մասին նոր յանկերգ մը ունի Թուրքիոյ նախագահ Էրտողան: 

Յանկերգին մէջ կը պնդէ, որ այս ծրագիրին շուրջ բազմիցս քննարկում եւ զրոյց ունեցած է Ատրպէյճանի իր պաշտօնակիցին՝ «եղբայր» Իլհամ Ալիեւի հետ։ 

Յետ-44-օրեայ պատերազմի զարգացումներուն մօտէն հետեւողին համար յստակ է, թէ մատնանշուած՝ վեցեակի երկիրներն են Թուրքիան, Ատրպէյճանը, Ռուսիան, Իրանը, Վրաստանն ու Հայաստանը։ Ըստ Էրտողանի, եթէ այս վեց երկիրները սերտ գործակցութիւն ցուցաբերեն, ստեղծուած պիտի ըլլայ խաղաղութեան հարթակ մը, մինչդեռ հայկական դիտանկիւնէն, անիկա նոր դաւ մըն է ընդդէմ Հայաստանի ու Արցախի։ 

Մէջբերենք նաեւ Թուրքիոյ արտաքին գործոց նախարար Մեւլութ Չաւուշօղլուի մէկ արտայայտութիւնը, թէ՝ Հայաստանի հետ յարաբերութիւններու կարգաւորման հարցը հետզհետէ աւելի լրջօրէն կը քննարկուի եւ թէ՝ Անգարան Երեւանէն դրական շօշափելի քայլերու մասին ստոյգ տեղեկութիւններ ստացած է, փոխադարձաբար դրական որոշումներ տրուած են՝ ի պատասխան Երեւանի դրական քայլերուն։ 

Հոս տեղին է հարց տալ, թէ «դրական քայլեր» ըսելով, ի՞նչ ի մտի ունի կամ կը յայտնաբերէ Չաւուշօղլուն։ 

Անվտանգութեան խորհուրդի քարտուղար Արմէն Գրիգորեան վերջին օրերու բացայայտ ձաբռտուքնե՞րը, ըստ որոնց՝ Հայաստան Ատրպէյճանէն կը սպասէ դրական մօտեցում, եւ պատրաստ է սահմանագծման եւ սահմանազատման աշխատանքին: 

Հոս միջանկեալ տեղին յիշեցում-հաստատում մը. Մայիս 12-էն ի վեր, ազերիական բանակը Հայաստանի գերիշխան Հանրապետութեան Գեղարքունիքի մարզի Նորաբակ, Վերին Շորժա եւ Կութ գիւղերու, ինչպէս նաեւ Սիւնիքի մարզի Սեւ լիճի սահմանային տարածքներէն ներս լայն թափանցումներ կատարած է, արդէն այդ շրջաններուն մէջ կ’ամրանայ, իբրեւ թէ անոնք ըլլային Ատրպէյճանի մէկ մասը. չմոռնանք նաեւ Գորիս-Կապան մայր ճամբուն մէկ երկար հատուածին խլումը, ուր «մաքսատուն» ալ հաստատուած է, իրանեան բեռնատարներէ ետք, հայկական ինքնաշարժներ կը կանգնեցուին…: 

Եւ ահա, այս իրական ու ազգային կորուստներ մատնող ենթապատկերին առջեւ է որ Երեւանի բանբերը եղող պաշտօնատարը կը խօսի աւելի առջեւ երթալու մասին, ըսելով, որ կարելի է յառաջ շարժիլ հայ-թրքական յարաբերութիւններու լուծման հոլովոյթին մէջ, իր կարգին յանկերգելով, թէ «Աւելի արդիւնաւէտ կ՛ըլլայ, որ սկսինք այդ աշխատանքները, որովհետեւ ե՛ւ մենք, ե՛ւ թրքական կողմը նշած ենք, որ կան դրական ազդակներ, եւ կրնանք սկսիլ յարաբերութիւններու կարգաւորումին»: 

Բաց աչքերով դիտողին համար դժուար չէ տեսնել, թէ «Անտառի օրէնք»-ներու վրայ հիմնուած է Էրտողանի այս յերիւրանքը՝ վեցեակի մտայղացումը. անիկա հրապարակ կը նետուի այն պահուն, երբ ԵԱՀԿ-Ի Մինսքի խմբակը վերստին գործի լծուած է՝ ստանձնելու հիմնահարցի լուծման գործընթացը։ Հարցը կը բարդանայ, երբ աչքի առջեւ բերենք, որ 3+3-ի տարազը սկսած է արձագանգներ գտնել կարգ մը հզօր միջնորդներու մօտ, իսկ Հայաստան կարծէք թէ դատապարտուած է, իբրեւ անղեկ շիւղ մը, երթալու հոսանքն ի վար… 

Աւելին: Զուգադիպութի՞ւն, թէ՞ դիտումնաւոր քայլ մըն էր այն, որ նոյն օրերուն, Միացեալ Նահանգներու արտաքին գործոց նախարարութեան Եւրոպայի եւ Եւրասիոյ գործերով նորանշանակ փոխտեղակալ Էրիքա Օլսըն, շրջանային համագործակցութիւնը խթանելու եւ երկկողմանի հարցեր քննարկելու նպատակով, այցելած էր տարածաշրջան՝ Հայաստան, Ատրպէյճան եւ Վրաստան։ Օլսըն նաեւ իր մասնակցութիւնը բերած էր հարաւկովկասեան շրջանի ամերիկեան դեսպանատուներու ղեկավարներու ընդհանուր ժողովին: 

Զուգահեռաբար, Էրտողան, Ֆրանսայի նախագահ Էմանուէլ Մաքրոնի հետ հանդիպման պահուն, ամենայն ինքնավստահութեամբ քարոզ մը կարդացած էր վեցեակի հարթակի իր մտայղացման մասին, աւելցնելով եւ հաւաստիացնելով, թէ Ատրպէյճանի նախագահ Ալիեւն ալ, ծանօթ՝ իբրեւ իր հլու կամակատարը, սրտբացօրէն եւ ամենայն անկեղծութեամբ տրամադրուած է շարունակելու վեցեակի հարթակի դրական քայլերը: 

…Նոյեմբեր 9-10-ի պարտութեան «հռչակագիր»-ին առաջին տարելիցի օրերուն, միայն ու միայն ժողովուրդին կը մնայ աչքերը լայն բանալ, վերջ տալ պատրանքներով տարուելու «երթ»-ին, իրատես ըլլալ եւ ոտքի կանգնիլ, մերժել յաւելեալ կործանման տանող ընթացքը, կասեցնել եւ շրջել զայն, ձեռնարկել փրկութեան ու վերականգնումի ԳՈՐԾին: 

 

«Հայրենիք»-ի խմբագրական

Պոսթըն

 

Յարակից լուրեր

  • Ամէն փոփոխութիւն անպայման աւելի լաւին չ՛առաջնորդեր
    Ամէն փոփոխութիւն անպայման աւելի լաւին չ՛առաջնորդեր

    Երկար ժամանակէ ի վեր չենք խօսած Լիբանանի մէջ տիրող կացութեան մասին: Ի՞նչ խօսէինք. անվերջ արժեզրկուող դրամանիշի, անոր հետեւանք` գիներու յարատեւ բարձրացման, աղքատութեան շատացման, յոռետեսութեան ու անելանելիութեան զգացումին տարածման պայմաններուն մէջ դժուար էր կատարուածը հասկնալ ու վերլուծումի փորձ կատարել: Պետական ղեկավարներու կողմէ կացութիւնը հակակշռելու նախաձեռնութիւններ ալ չկային, ու բոլորս անկարող ականատեսներ դարձած էինք պետական մեքենային ամլացման:

  • Ակնարկ. Համահայկակա՛ն ցունամիի մը հրամայականը
    Ակնարկ. Համահայկակա՛ն ցունամիի մը հրամայականը

    Աշխարհի մեծ իրադարձութիւններէն մեկուսի ինկած արշիպեղագոսի մը մէջ, որ կը կոչուի Թոնկա, 14 եւ 15 յունուարին տեղի ունեցաւ բնական աղէտ մը, որ ահազանգի ալիքներ տարածեց մինչեւ հազարաւոր քիլոմեթ» հեռուները գտնուող ծովափերուն: Ընդծովեայ հրաբուխ մը, որ յաճախ «մանր» բորբոքումներ ունեցած է անցեալ տարիներուն, պայթեցաւ այնպիսի ուժգնութեամբ մը, որուն պատճառով ստեղծուած ցունամիի ալիքները հասան մէկ կողմէ մինչեւ Ճափոն ու Չինաստան, իսկ դէպի արեւելք` Միացեալ Նահանգներու ու Խաղաղականը եզերող երկիրներու ափերը:

  • «Թուրքիան կը դառնա՞յ Հայաստանի «մեծ եղբայրը»». Regnum
    «Թուրքիան կը դառնա՞յ Հայաստանի «մեծ եղբայրը»». Regnum

    Հետեւելով Հայ Կաթողիկէ պատրիարք Ռաֆայէլ Պետրոս 21-րդին օրինակին, որն անցեալ տարւայ դեկտեմբերի կէսերին մեկնաբանել է Հայաստանի եւ Թուրքիայի միջեւ յարաբերութիւնները վերականգնելու նախաձեռնութիւնը, օրերս իրենց խօսքն են ասել Կոստանդնուպոլսի Հայ Առաքելական Եկեղեցու պատրիարք Սահակ Մաշալեանը եւ համայնքի ներկայացուցիչները։

  • Թուրքիան լիակատար կերպով աջակցում է Ուկրայինայի տարածքային ամբողջականութեանը
    Թուրքիան լիակատար կերպով աջակցում է Ուկրայինայի տարածքային ամբողջականութեանը

    «Circle Foundation»-ի կողմից անցկացւած վեբինարի ժամանակ Թուրքիայի նախագահ Ռեջեփ Թայիփ Էրդողանի մամուլի խօսնակ Իբրահիմ Քալընը նշել է, որ Ուկրայինայի դէմ Ռուսաստանի կողմից ռազմական գործողութեան հետեւանքները մեծ եւ անդառնալի կը լինեն: Նա ընդգծել է, որ Թուրքիան պատրաստ է խնդրի լուծման համար ցանկացած դեր ստանձնել: Գրում է «Ermenihaber.am»-ը:

  • Ձերբակալւել է Էրդողանին ուղիղ եթերում վիրաւորած թուրք լրագրողը
    Ձերբակալւել է Էրդողանին ուղիղ եթերում վիրաւորած թուրք լրագրողը

    Թուրք լրագրողուհի Սեդէֆ Քաբաշը ձերբակալւել է Թուրքիայի նախագահ Ռեջեփ Թայիփ Էրդողանի հասցէին ուղիղ եթերում հնչեցրած վիրաւորական արտայայտութիւնների համար, նրա խօսքերը լայն արձագանգ են գտել սոցիալական ցանցերում: Այս մասին ըստ News.am-ի՝ գրում է «ՌԻԱ Նովոստի»-ն՝ յղում անելով CNN Turk-ին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։