Հա

Ազգային

20/11/2021 - 11:55

Եւրոխորհրդարանի 33 պատգամաւոր կոչ է անում Եւրոմիութեանը ստիպել Ադրբեջանին դուրս բերել զինւած ուժերը Հայաստանի Հանրապետութիւնից

Եւրոխորհրդարանի պատգամաւոր Լուկաս Ֆուրլասի նախաձեռնութեամբ, Եւրոխորհրդարանի 33 պատգամաւոր նամակով դիմել են ԵՄ բարձր ներկայացուցիչ Ժոզէֆ Բորէլին՝ անդրադառնալով նոյեմբերի 16-ին Ադրբեջանի զինւած ուժերի ներխուժմանը Հայաստանի Հանրապետութեան ինքնիշխան տարածք:

Բրիւսէլ, 19 նոյեմբեր 2021թ.- Եւրոխորհրդարանի պատգամաւոր Լուկաս Ֆուրլասի նախաձեռնութեամբ, Եւրոխորհրդարանի 33 պատգամաւոր նամակով դիմել են ԵՄ բարձր ներկայացուցիչ Ժոզէֆ Բորէլին՝ անդրադառնալով նոյեմբերի 16-ին Ադրբեջանի զինւած ուժերի ներխուժմանը Հայաստանի Հանրապետութեան ինքնիշխան տարածք:

Եւրոխորհրդարանի պատգամաւորները դատապարտում են Ադրբեջանի ագրեսիան՝ պահանջելով ադրբեջանական զինւած ուժերի անյապաղ եւ ամբողջական հեռացումը ՀՀ տարածքից եւ կոչ են անում ԵՄ Եւրոմիութեան Արտաքին Գործողութիւնների ծառայութեանը ճնշում գործադրել Ադրբեջանի վրայ՝ դադարեցնելու եւ կանխելու Հայաստանի տարածքային ամբողջականութեան խախտումը։

ՀՅԴ Եւրոպայի Հայ Դատի գրասենեակի նախագահ Գասպար Կարապետեանը ողջունում է նախաձեռնութիւնը՝ շեշտելով, որ «ի տարբերութիւն ԵՄ արտաքին գործերի ծառայութեան յայտարարութեանը, նամակը յստակօրէն ագրեսորին իր անունով է կոչում: Անհրաժեշտ է յստակ գործողութիւններով ճնշում բանեցնել Ադրբեջանի վրայ, որպէսզի անյապաղ եւ ամբողջութեամբ լքի Հայաստանի Հանրապետութեան ինքնիշխան տարածքը»։

Նամակի բովանդակութիւնը հետեւեալն է. «Նոյեմբերի 16-ին, Ադրբեջանի զինւած ուժերը յարձակում են իրականացրել Հայաստանի Հանրապետութեան արեւելեան սահմանի երկայնքով։ Որպէս Եւրոխորհդարանի անդամներ, դատապարտում ենք ադրբեջանական յարձակումը եւ ներխուժումը ՀՀ ինքնիշխան տարածք, որը խախտում է 2020 թւականի նոյեմբերի 9-ին ստորագրած հրադադարի ռեժիմի յայտարարութիւնը եւ լրջօրէն վտանգում է տարածաշրջանի փխրուն խաղաղութիւնը։ Ադրբեջանական զինւած ուժերը պէտք է անյապաղ եւ ամբողջութեամբ լքեն Հայաստանի Հանրապետութեան տարածքը։

Մենք խորապէս ցաւում ենք նոյեմբերի 16-ի յարձակման հետեւանքով ատաջացած մարդկային կորուստների համար։

Ցանկացած գործողութիւն կամ հռետորաբանութիւն, որը վտանգում է ՀՀ արեւելեան ու հարաւային շրջանների բնակչութեան անվտանգութիւնը, խաղաղ բնականոն կեանքն ու մարդու իրաւունքները, պէտք է անմիջապէս դադարեցնել։

Կոչ ենք անում Եւրոմիութեան Արտաքին Գործողութիւնների ծառայութեանը օգտագործել իր բոլոր լծակները՝ դադարեցնելու եւ կանխելու ՀՀ տարածքային ամբողջականութեան խախտումն ինչպէս նաեւ ռազմատենչ հռետորաբանութիւնը»։

ՀՅԴ Եւրոպայի Հայ Դատի գրասենեակ

 

Յարակից լուրեր

  • Արգելափակւեց մուտքը դէպի Ադրբեջանական հիւպատոսութիւն եւ երթեւեկութիւն կանգ առաւ Ուիլշըր պողոտայում
    Արգելափակւեց մուտքը դէպի Ադրբեջանական հիւպատոսութիւն եւ երթեւեկութիւն կանգ առաւ Ուիլշըր պողոտայում

    Ի պատասխան Բերձորի միջանցքի անմարդկային շրջափակման, ամերիկահայ համայնքի հարիւրաւոր անդամներ եւ նրանց համախոհները Լոս Անջելէսում ԱՄՆ Դաշնային շէնքից երթով շարժւեցին դէպի Ադրբեջանի հիւպատոսութիւն եւ արգելափակեցին Ուիլշըր պողոտան։ Ժամանելով Ադրբեջանի հիւպատոսութիւն՝ ամբոխը շարունակել է ամբողջութեամբ փակել Սեփուլուեդայի մօտ գտնւող Ուիլշըր փողոտան՝ խորհրդանշական կերպով արգելափակելով մուտքը դէպի ադրբեջանական հիւպատոսութիւն, ճիշտ այնպէս, ինչպէս Ադրբեջանը շուրջ 50 օր շրջափակում է Արցախն արտաքին աշխարհին կապող միակ ճանապարհը։

  • Հայաստանի ու Ադրբեջանի հանդէպ իրանական կողմի տրամադրութիւնները
    Հայաստանի ու Ադրբեջանի հանդէպ իրանական կողմի տրամադրութիւնները

    Իրանում յստակ գիտակցում են, որ Ադրբեջանի ու Թուրքիայի վարած քաղաքականութիւնն անմիջական սպառնալիք է նաեւ իրենց համար, ուստի կարեւորում են Հայաստանի հետ փոխգործակցութեամբ այդ սպառնալիքների չէզոքացումը: Այս համատեքստում հետաքրքրական են նաեւ հայ-ադրբեջանական յարաբերութիւնների սրացումներին իրանական մամուլի օպերատիւ արձագանգները, հայկական կողմի տեսակէտները ներկայացնելու հարցում բաց մօտեցումը:

  • Ադրբեջանն ամբողջութեամբ անջատել է Հայաստանից Արցախ գազամատակարարումը
    Ադրբեջանն ամբողջութեամբ անջատել է Հայաստանից Արցախ գազամատակարարումը

    Ադրբեջանն ամբողջութեամբ անջատել է Հայաստանից Արցախ գազամատակարարումը: Ինչպէս «Արմէնպրես»-ին տեղեկացրին Արցախի Հանրապետութեան տեղեկատւական շտաբից, դրանով պայմանաւորւած՝ առաջիկայում կը դադարեցւի Ստեփանակերտ քաղաքի գազամատակարարումը:

  • Դադարեցնել Ադրբեջանի ցեղասպանական շրջափակումը Արցախի դէմ
    Դադարեցնել Ադրբեջանի ցեղասպանական շրջափակումը Արցախի դէմ

    Բուենոս Այրէսի հայ համայնքը յունւարի 23-ին ցոյց է կազմակերպել Բուենոս Այրէսի Օբելիսկի մօտ՝ ցոյց տալու Ադրբեջանի կողմից Արցախի Հանրապետութեան պաշարումը եւ 2022 թւականի դեկտեմբերի 12-ից Լաչինի շրջափակման հետեւանքով Արցախում ստեղծւած հումանիտար ճգնաժամը:

  • Շարունակւում են բանակցութիւնները Ստեփանակերտ-Գորիս ճանապարհով անխոչընդոտ շարժը վերսկսելու վերաբերեալ. ՌԴ ՊՆ
    Շարունակւում են բանակցութիւնները Ստեփանակերտ-Գորիս ճանապարհով անխոչընդոտ շարժը վերսկսելու վերաբերեալ. ՌԴ ՊՆ

    Ռուսաստանի խաղաղապահ զօրախումբը շարունակում է Լեռնային Ղարաբաղում իր առջեւ դրւած խնդիրների կատարումը: Ինչպէս տեղեկացնում է «Արմէնպրես»-ը, այս մասին հաղորդագրութիւն է տարածել ՌԴ պաշտպանութեան նախարարութիւնը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։