Հա

Ազգային

25/11/2021 - 08:34

ՀՅԴ Յունաստանի Հայ Դատի յանձնախմբի ջանքերով, Սալոնիկ քաղաքի տրանսպորտի վրայ յայտնւած ադրբեջանական գովազդը հեռացւել է

Հ.Յ.Դ. Յունաստանի Հայ Դատի յանձնախումբի ազդու միջամտութեամբ կանգ առաւ Թեսաղոնիկէի քաղաքի հանրակառքերուն վրայ երեւցած ատրպէյճանական գովազդային արշաւը, որ ցոյց կու տար Ատրպէյճանի զինուած ուժերուն կողմէ բռնագրաւուած Շուշի քաղաքի պատմական բերդը եւ անոր պարիսպներուն վրայ երեւցող Շուշիի անուան ատրպէյճանական տարբերակը, իսկ յունարէն լեզուով գրուած էր «Շուշա, Ատրպէյճան» գրութիւնը։

Հ.Յ.Դ. Յունաստանի Հայ Դատի յանձնախումբի ազդու միջամտութեամբ կանգ առաւ Թեսաղոնիկէի քաղաքի հանրակառքերուն վրայ երեւցած ատրպէյճանական գովազդային արշաւը, որ ցոյց կու տար Ատրպէյճանի զինուած ուժերուն կողմէ բռնագրաւուած Շուշի քաղաքի պատմական բերդը եւ անոր պարիսպներուն վրայ երեւցող Շուշիի անուան ատրպէյճանական տարբերակը, իսկ յունարէն լեզուով գրուած էր «Շուշա, Ատրպէյճան» գրութիւնը։

Հանրակառքը նկարուած էր Թեսաղոնիկէի ճամբաներուն վրայ եւ անոր նկարը լայն տարածում գտած էր ընկերային ցանցերու օգտատէրերուն կողմէ, որոնք բուռն կերպով դատապարտեցին ատրպէյճանական փորձերը՝ ներկայացնելու հայկական Շուշին որպէս ատրպէյճանական քաղաք։ Նշենք, որ զանազան լրագրողներ եւս իրենց էջերէն բողոքի արտայայտութիւններով պահանջեցին ծրագիրի կասեցումը։

Հայ Դատի յանձնախումբի անդամները արագ հակազդելով, կապի մէջ մտան Թեսաղոնիկէի հանրային փոխադրամիջոցներու սպասարկութեան տնօրէնին հետ, որ խոստացաւ անմիջականօրէն դադրեցնել մնացեալ հանրակառքերու նոյն գովազդով երեւումը եւ ամբողջութեամբ չեղարկել ծրագիրը։ Տնօրէնը յայտնեց, թէ գովազդային աշխատանքը յանձնուած էր մասնագիտացած ընկերութեան մը, իսկ պետական սպասարկութեան պատասխանատուները տեղեակ չէին անոր պարունակութենէն։ Յիշեցնենք, որ շաբաթներ առաջ, ատրպէյճանական նմանօրինակ գովազդային ծրագիր մը երեւցաւ Լոնտոնի մէջ եւ կանգ առաւ շնորհիւ Հ.Յ.Դ. Լոնտոնի Հայ Դատի յանձնախումբի ջանքերուն։

Նշենք, որ Յունաստանի մէջ Հ.Հ. դեսպանութիւնը եւս կարճ յայտարարութեամբ մը հանդէս եկաւ ատրպէյճանական քարոզչական սադրանքին մասին եւ յայտնեց, թէ յունահայ համայնքային կառոյցներուն հետ միասին ամէն միջոց կը գործադրուի, որպէսզի այդ սադրանքը չէզոքացուի եւ ապագային չկրկնուի։

 

azator.gr

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։