Հա

Ազգային

29/11/2021 - 12:50

Անորոշութիւններով լեցուն եռեակ յայտարարութիւնը

26 նոյեմբեր 2021-ին Սոչիի մէջ հանդիպեցան Հայաստանի Հանրապետութեան վարչապետը եւ Ազրպէյճանի Հանրապետութեան ու Ռուսիոյ Դաշնութեան նախագահները: Երեք ժամ տեւած բանակցութիւններէ ետք, երեք ղեկավարները տուին մամլոյ ասուլիս մը եւ հրապարակեցին սեղմ յայտարարութիւն մը: Երեքն ալ գոհունակութիւն յայտնեցին իրենց ունեցած կառուցողական խօսակցութիւններուն մասին:

ՏԻԳՐԱՆ ՃԻՆՊԱՇԵԱՆ

 

26 նոյեմբեր 2021-ին Սոչիի մէջ հանդիպեցան Հայաստանի Հանրապետութեան վարչապետը եւ Ազրպէյճանի Հանրապետութեան ու Ռուսիոյ Դաշնութեան նախագահները: Երեք ժամ տեւած բանակցութիւններէ ետք, երեք ղեկավարները տուին մամլոյ ասուլիս մը եւ հրապարակեցին սեղմ յայտարարութիւն մը: Երեքն ալ գոհունակութիւն յայտնեցին իրենց ունեցած կառուցողական խօսակցութիւններուն մասին:

Հրապարակուած յայտարարութիւնը որեւէ անմիջականօրէն գործադրելի կարգաւորման մասին չի խօսիր: Ո՛չ գերիներու վերադարձի հարցը, ո՛չ Հայաստանի ու Ազրպէյճանի սահմանին ստեղծուած վիճակին դարմանումը, ո՛չ Արցախի կարգավիճակի հարցը կը շօշափուին: Կը խօսուի «Հարաւային Կովկասի կայունութեան, անվտանգութեան եւ տնտեսական զարգացման» նպաստելու անհրաժեշտութեան մասին, հայ-ազրպէյճանական տագնապը դիտելով իբրեւ Հարաւային Կովկասի խաղաղութեան վերաբերող ընդհանրական հարց մը:

Մամլոյ ասուլիսի ընթացքին Նիկոլ Փաշինեան չմոռցաւ յիշեցնելու, որ ինք տարածաշրջանին մէջ խաղաղութեան ժամանակաշրջան մը յառաջացնելու համար պատուէր (մանտա) ստացած է Հայաստանի ժողովուրդէն: Անորոշ կը մնայ, թէ խաղաղութիւն յղացքին տակ ի՛նչ կը հասկցուի: Հայաստանը եւ Արցախը իրաւունքներ ունի՞ն: Որո՞նք են, Նիկոլ Փաշինեանի բնորոշմամբ, այդ իրաւունքները: Բանակցութիւններու ընթացքին Հայաստանի վարչապետը ի՞նչ պահանջներ կը ներկայացնէ: Այս հարցերը դժբախտաբար հրապարակային պատասխաններ չունին եւ արդարացիօրէն կասկած կը յարուցեն, որ Նիկոլ Փաշինեան հարկադրուած է բարձր գին վճարելու տենչալի խաղաղութիւնը ձեռք բերելու համար:

Խաղաղութեան տենչանքը համատարած է ու բնական: Ո՞վ չ՛ուզեր խաղաղ պայմաններու տակ զարկ տալ երկրի բազմակողմանի բարգաւաճման: Թշնամիին պարտադրած խաղաղութիւնը սակայն կրնայ խաբուսիկ ըլլալ, ժամանակաւոր, յաջորդ փուլի մը աւելին ստանալով` նոր «խաղաղութիւն» մը պարտադրելու հեռանկարով:

Միակ գործնական որոշումը կը վերաբերի սահմանազատման երկկողմ յանձնախումբի մը ստեղծման: Ժամկէտ չէ ճշդուած: Սահմանազատման յաջորդող սահմանագծումը, կողմերու խնդրանքով պիտի կատարուի Ռուսիոյ Դաշնութեան խորհրդատուական աջակցութեամբ: Ոչ մէկ խօսք միջանկեալ կարգադրութեան մասին: Սահմանազատումը կրնայ շատ երկար ժամանակ պահանջել. հայկական գրաւուած տարածքները, մինչեւ վերջնական որոշում, ի՞նչ կարգավիճակ պիտի ունենան:

Յառաջիկայ շաբթուան ընթացքին, երեք երկիրներու փոխվարչապետները Մոսկուայի մէջ ժողով պիտի ունենան ու եռակողմ հանդիպման ընթացքին պայմանաւորուած միջոցառումներու մասին գործնական յստակացումներ կատարելէ ետք, պիտի յայտարարեն զանոնք: Մեզի կը մնայ սպասել, յուսալով, որ այդ յստակացումները մեր հարցադրումներէն գէթ ոմանց դրական պատասխան կը բերեն:

Կը մնայ մեծագոյն հարցը. Ազրպէյճանի եւ Նախիջեւանի միջեւ հաղորդակցութիւն ստեղծելու խնդիրը: Իլհամ Ալիեւի փայփայած միջանցք բնորոշումը չէ օգտագործուած: Անորոշ կերպով կ՛ըսուի, որ երեք ղեկավարները ընդգծած են «տարածաշրջանի տնտեսական ներուժը բացայայտելու համար յստակ նախագծերի հնարաւորինս արագ մեկնարկի անհրաժեշտութիւնը»: Չենք գիտեր, թէ որո՞նք են «յստակ նախագծերը», որոնք շուտափոյթ պէտք է գործադրուին:

Անորոշութիւններով հարուստ եռակողմ յայտարարութիւնը Հայաստանի ապագային նկատմամբ վտանգներու տարակուսանք կը յառաջացնէ: Հայաստանի իշխանութիւնները պարտաւոր են յստակ բացատրութիւններով փարատել արդարացի մտահոգութիւնները: Եթէ ի վիճակի չեն, ինչպէս ցարդ ցոյց տուած են, պաշտպանելու Հայաստանի ու հայութեան կենսական շահերը, պէտք է իրենց տեղը զիջին ուրիշներու, որոնք աւելի ատակ են Հայաստանը առաջնորդելու ցանկալի խաղաղութեան նաւահանգիստ:

 

«Ազդակ»

 

Յարակից լուրեր

  • Ամէն փոփոխութիւն անպայման աւելի լաւին չ՛առաջնորդեր
    Ամէն փոփոխութիւն անպայման աւելի լաւին չ՛առաջնորդեր

    Երկար ժամանակէ ի վեր չենք խօսած Լիբանանի մէջ տիրող կացութեան մասին: Ի՞նչ խօսէինք. անվերջ արժեզրկուող դրամանիշի, անոր հետեւանք` գիներու յարատեւ բարձրացման, աղքատութեան շատացման, յոռետեսութեան ու անելանելիութեան զգացումին տարածման պայմաններուն մէջ դժուար էր կատարուածը հասկնալ ու վերլուծումի փորձ կատարել: Պետական ղեկավարներու կողմէ կացութիւնը հակակշռելու նախաձեռնութիւններ ալ չկային, ու բոլորս անկարող ականատեսներ դարձած էինք պետական մեքենային ամլացման:

  • Սփիւռքի ձգտումներուն հակասող որեւէ զիջում աընդունելի է
    Սփիւռքի ձգտումներուն հակասող որեւէ զիջում աընդունելի է

    2022 թուականին «Սփիւռքի տարի» հռչակումը եւ սփիւռքի մէջ բարեփոխումներու ձեռնարկումը մոռացութեան պէտք չէ մատնէ Հայաստանի հետ յարաբերութեան կարեւորութիւնը: Սփիւռքի վերակազմակերպման անհրաժեշտութեան շեշտումը զայն Հայաստանէն անջատելու նպատակ չի հետապնդեր: Ընդհակառակն, կազմակերպ ու գործօն սփիւռքը Հայաստանի համար կրնայ դառնալ կարեւոր յենարան մը` աղբիւր թէ՛ մասնագիտացած մարդուժի եւ թէ՛ տնտեսական ներդրումներու:

  • Հզօր Հայաստան եւ հզօր Սփիւռք
    Հզօր Հայաստան եւ հզօր Սփիւռք

    Մեծի Տանն Կիլիկիոյ Արամ Ա. կաթողիկոս հայրապետական ամանորեան գիրով 2022 տարին կը հռչակէ «Սփիւռքի տարի»:

    1988-ին ծայր առած ղարաբաղեան պահանջատիրական շարժումը, որ հետագային վերածուեցաւ Խորհրդային Միութենէն անջատման ու անկախութեան շարժման եւ հնարաւոր դարձուց Արցախի հայութեան ինքնորոշման ու Լեռնային Ղարաբաղի ինքնավար մարզի տարածքի ընդարձակման, յանգեցաւ հայկական երկու անկախ պետութիւններու ստեղծման:

  • Ժողովուրդի զարթնումը խաբէութենէն
    Ժողովուրդի զարթնումը խաբէութենէն

    Հայաստանի մէջ դէպքերու ընթացքը իրաւացի կը դարձնէ հետեւեալ հարցումը. ինչո՞ւ տեղի ունեցաւ 2018 թուականի իշխանափոխութիւնը, զոր կատարողները յեղափոխութիւն կոչեցին: Նախկին բոլոր իշխանութիւններն ալ անթերի չէին: Քաղաքագիտութեան մէջ ընդունուած է, որ բոլոր նորանկախ պետութիւններուն մէջ, ուր քաղաքացիական հասարակութիւնը չէ ձեւաւորուած տակաւին, ժողովրդավարութեան կիրարկումը կ՛առաջնորդէ քողարկուած սակաւապետութեան, իսկ ազատական տնտեսութիւնը` մենաշնորհներու ստեղծման: 

  • Վերջ պարսաւանքին եւ խարխափումին
    Վերջ պարսաւանքին եւ խարխափումին

    Կիրքերը չեն հանդարտիր Հայաստանի մէջ: Տեղական ինքնակառավարման մարմիններու ընտրութիւնները իրենց երկու փուլերով ցոյց տուին, որ կառավարող մեծամասնութեան դիրքերը զգալիօրէն կը նահանջեն: Կառավարական շրջանակները կեղծ գոհունակութեամբ կը յայտարարեն, որ իրենք յաջողած են ապահովել ժողովրդական ազատ կարծիքի գերակայութիւնը: Սակայն իրենց արարքները ցոյց կու տան, որ ցնցուած են ու մտահոգ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։