Հա

Ազգային

11/12/2021 - 13:30

Խմբագրական. Շարունակելու համար պատմական երթը (ՀՅԴ 131-ամեակին առիթով)

Ծանր պայմաններու մէջ Հայ Յեղափոխական Դաշնակցութիւնը կը նշէ իր հիմնադրութեան 131-ամեակը: Ծանր են հայրենիքի պայմանները: Եւ բնականաբար հայրենիք հասկացողութեան մէջ կը ներառուին թէ՛ Հայաստանի եւ թէ՛ Արցախի հանրապետութիւնները:

Ծանր պայմաններու մէջ Հայ Յեղափոխական Դաշնակցութիւնը կը նշէ իր հիմնադրութեան 131-ամեակը: Ծանր են հայրենիքի պայմանները: Եւ բնականաբար հայրենիք հասկացողութեան մէջ կը ներառուին թէ՛ Հայաստանի եւ թէ՛ Արցախի հանրապետութիւնները:

Դաշնակցութիւնը առանձին օրակարգեր չունի. անոնք բոլորը ըստ էութեան հայրենիքի եւ հայութեան առջեւ դրուած խնդիրներն են: Ռազմագերիներու վերադարձի հրամայականէն մինչեւ նահատակուածներու ընտանիքներու հոգատարութիւն, աճիւններու հայրենադարձման անյետաձգելիութենէն մինչեւ բռնագրաւուած տարածքներու վերաազատագրում` Դաշնակցութեան մեծ օրակարգերն են:

Տակաւի՛ն. բանակի վերականգնումը, դիւանագիտութեան աշխուժացումը, բանակցային նոր ռազմավարութեան մշակումը, տեղեկատուական պատերազմին մէջ նոր դիրքեր գրաւելը, սահմանազատման եւ սահմանագծման գործընթացներուն պատրաստուիլը եւ ապաշրջափակման պայմանաւորուածութիւններուն ընդառաջ նոր օրէնսդրութեան մշակումը Դաշնակցութենէն ակնկալուած աշխատանքներ են:

Դաշնակցութենէն կ՛ակնկալուի տակաւին ներհասարակական մթնոլորտի առողջացում, բաժանարար գիծերու ջնջում, խոցուած արժէքներու վերականգնում` ազգային, հոգեւոր, քաղաքացիական: Ասոնք միայն գերակայ ուղղութիւններ են յետպատերազմեան հայրենիքի մէջ ինքզինք գտնելու եւ նոր էջ բանալու:

Հարուածները շատ ուժեղ էին թէ՛ արտաքին եւ թէ՛ ներքին առումներով: Եւ մենք ունեցանք սահմաններու խախտելիութիւն, թշնամիի թափանցում, դիրքերու զիջում:

Այս բոլորի յաղթահարման միջոց է իշխանափոխութիւնը, զոր իբրեւ առաջադրանք յայտարարած է Դաշնակցութիւնը: Իրաւական պետութիւնը, ժողովրդավարական կարգերու լիարժէք կիրարկումը, անկախ արդարադատութեան կայացումը եւ քաղաքացիական առողջ հասարակարգի ստեղծումը` ընկերային արդարութեամբ պայմանաւորուած, կը շարունակեն մնալ Դաշնակցութեան հայաստանեան գործունէութեան փլաթֆորմի հիմնադրոյթները:

Այս բոլորի իրականացման համար աւելի քան անհրաժեշտ է իշխանափոխութիւնը: Երկրի ազգային պետականութեան վերադարձը:

Սփիւռքի մէջ եւս հրամայական դարձած է վերականգնումն ու համախմբումը: Մեր ցանցային դրուածքի բերելիք անգնահատելի առաւելները տեսանելի չեն, այնքան ատեն որ չ՛աշխատիր համազգային ցանցային կառոյցը: Համահայկական օրակարգի մշակման գործընթացի բացակայութիւնը, դասական կառոյցներու ներկայացուցիչներու ոչ արդիւնաւէտ, պարագայական համախմբուածութիւնը չեն օգներ ցանցային աշխատելաձեւի կայացման գործին:

Բաժանարարութիւնը պէտք է ի սպառ վանել ո՛չ միայն հայրենիքի, այլ նաեւ սփիւռքի երկնակամարէն. համախմբուիլը կարեւորագոյն եւ ռազմավարական նշանակութիւն ունեցող օրակարգերու շուրջ աւելի քան կենսական է: Այս եւս կ՛ակնկալուի Դաշնակցութենէն: Մանաւանդ որ կը գտնուինք անկիւնադարձային նոր աշխարհաքաղաքական էութիւն ունեցող օրակարգերու եւ գուցէ նաեւ պարտադրուող համաձայնագիրներու սեմին: Հայութեան տեսակէտն ու դիրքորոշումը անհրաժեշտ են: Այդ դիրքորոշումները չեն կրնար հատուածային ըլլալ. անոնց համազգայնացումը Դաշնակցութեան պարտականութիւնն է ամէնէն առաջ:

Սփիւռքի մէջ նման օրակարգերու մտածողութիւնը, նախաձեռնութիւնն ու գործնական առաջին քայլերուն նկատելի մասը ռահվիրայի կարգավիճակով լիբանանահայութեան կը վերաբերէր: Փոխուած են նաեւ Լիբանանի եւ հետեւաբար լիբանանահայութեան պայմանները:

Ապահովականէն քաղաքական, ընկերայինէն տնտեսական եւ ֆինանսական աննախադէպօրէն ճգնաժամային է կացութիւնը այստեղ: Եւ որմէ՞ պիտի ակնկալուի ժողովրդային կարիքներուն փութալը, կառոյցներու անսասանութիւնը ապահովելը, եկեղեցի, դպրոց կառոյց եւ միութիւններ պահելը, եթէ ոչ Դաշնակցութենէն:

Ճգնաժամային նման պայմաններու մէջ Դաշնակցութիւնը կը ներկայանայ հանրութեան եւ խնդիրները մատնանշելէ ետք ցոյց կու տայ ուղիները: Այն ուղիները, որոնցմէ պիտի անցնի ժողովուրդը Դաշնակցութեան առաջնորդութեամբ: Այդպէս եղած է պատմական երթը:

Եւ ժողովուրդը գիտակից է, շա՛տ լաւ գիտէ, որ Դաշնակցութեան հետեւելով է, որ յաջողած է անցնիլ ամէնէն վտանգաւոր, ամէնէն վհատեցուցիչ եւ ամէնէն դժուար ճամբաներէն շարունակելու համար իր պատմական երթը:

 

«Ազդակ»

 

Յարակից լուրեր

  • ՀՅԴ օրուայ տօնակատարութիւն Դաշնակցութեան հիմնադրութեան 131-ամեակի առիթով
    ՀՅԴ օրուայ տօնակատարութիւն Դաշնակցութեան հիմնադրութեան 131-ամեակի առիթով

    Հայ Յեղափոխական Դաշնակցութեան Արեւմտեան Ամերիկայի Միացեալ Նահանգների Կենտրոնական Կոմիտէի նախաձեռնութեամբ ապրիլի 3-ին Գլենդէլի «Ալեքս» թատրոնում տեղի ունեցաւ ՀՅԴ օրուայ տօնակատարութիւն: Յայտագիրը սկսուեց դրօշակի արարողութեամբ: ՀՄԸՄ-ի շրջանային դրօշակակիր խմբի միջոցով եւ նուագախմբի ուղեկցութեամբ բեմ հանուեցին ԱՄՆ-ի, Հայաստանի, Արցախի եւ ՀՅԴ դրօշակները եւ հնչեցին համապատասխան քայլերգերը:

  • Թորոնթոն մեծ շուքով տօնեց ՀՅԴ 131-ամեակը, Փետրուարեան ապստամբութիւնն ու Արցախեան շարժումը
    Թորոնթոն մեծ շուքով տօնեց ՀՅԴ 131-ամեակը, Փետրուարեան ապստամբութիւնն ու Արցախեան շարժումը

    Մեր ազգին ու հայրենիքին համար ոչ միայն ճակատագրական, այլ նաեւ օրհասական ժամանակաշրջանի մը ընթացքին, 5 մարտ 2022-ի երեկոյեան, հոծ բազմութեամբ նշուեցաւ Հայ Յեղափոխական Դաշնակցութեան 131-րդ տարեդարձը, ազգային ըմբոստացումի երկու կարեւոր փաստեր՝ Փետրուարեան Ապստամբութեան 101-րդ ամեակին եւ Արցախեան Ազատագրական Պայքարի սկզբնաւորումի 34-րդ ամեակին հետ:

  • Ուժեղ տնտեսութեամբ ուժեղ ազգային ինքնատիպութիւն ունենալու բանաձեւի դաշնակցական մոդելը
    Ուժեղ տնտեսութեամբ ուժեղ ազգային ինքնատիպութիւն ունենալու բանաձեւի դաշնակցական մոդելը

    Հայաստանի Առաջին Հանրապետութեան կառավարութիւնը 1920 թ․ յունիսի 10-ին հաստատեց նախապէս Խորհրդարանի կողմից ընդունւած Հայաստանի անկախութեան փոխառութեան մասին օրէնքի նախագիծը։ Օրէնքը նախատեսում էր նորանկախ պետութեան արդիւնաբերական ուժերը եւ տնտեսութիւնը վերականգնելու եւ հանրապետութեան թղթադրամի ֆոնդն ապահովելու նպատակով կազմակերպել հանգանակութիւն։

  • Դաշնակցութիւն ունեցող ազգը չի մեռնի
    Դաշնակցութիւն ունեցող ազգը չի մեռնի

    Չէի ուզենայ աւելորդ բառեր գործածել բնութագրելու համար այս օրերին Հայաստանին պատուհասած համակողմանի աղէտը, որ ձգւում է արդէն 4 տարի: Աղէտ՝ այս մէկ հատիկ բառն էլ բաւական է, որ ՀՀ ներկայ կառավարիչների գործունէութիւնը ասոցացւի 1895 թ. Զէյթունում, 1915 թ. Արեւմտեան Հայաստանում, 1920 եւ 1988 թւականներին Խորհրդային Հայաստանում տեղի ունեցած ողբերգական իրադարձութիւնների հետ. զոհեր, տեղահանութիւն, նախճիր, պետականութեան կորուստ, փլատակներ… 

  • ՀՅ Դաշնակցութիւնը մշտապէս երիտասարդ է
    ՀՅ Դաշնակցութիւնը մշտապէս երիտասարդ է

    Հայ Յեղափոխական Դաշնակցութեան օրուան տօնակատարութիւնը տեղի ունեցաւ Երեւանի մէջ 5 փետրուար 2022-ին: Սովորութիւն դարձած է յատուկ թուական չունեցող այդ օրը նշել ամէն տարի` նոյեմբեր կամ դեկտեմբեր ամիսներուն: Այդպէս ալ եղաւ սփիւռքի բազմաթիւ վայրերուն մէջ, ուր տարուան մը գործունէութեան հրապարակային հաշուետուութեան կողքին, բանախօսները առիթ ունեցան նաեւ ուրուագծելու յառաջիկայ գործունէութեան գլխաւոր ուղղութիւնները: Նոյնը կատարուեցաւ Հայաստանի մէջ, աւելի քան ամսուան մը յապաղումով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։