Հա

Ազգային

21/12/2021 - 12:30

«Վերելք» Սիւնիք փոքր ձեռնարկատիրութիւնների ստեղծման ծրագիր

«Վերելք» Սիւնիքը ընդունակութիւնների, կապիտալի եւ կարողութիւնների հիբրիդային ձեռներեցութեան ծրագիր է, որը նախաձեռնել եւ կազմակերպել է Հայ Յեղափոխական Դաշնակցութեան Բիւրոյի Երիտասարդական գրասենեակը Revolve Consulting-ի հետ, ՀՅԴ ՀԵՄ-ի ջանքերով:

«Վերելք» Սիւնիքը ընդունակութիւնների, կապիտալի եւ կարողութիւնների հիբրիդային ձեռներեցութեան ծրագիր է, որը նախաձեռնել եւ կազմակերպել է Հայ Յեղափոխական Դաշնակցութեան Բիւրոյի Երիտասարդական գրասենեակը Revolve Consulting-ի հետ, ՀՅԴ ՀԵՄ-ի ջանքերով:

«Վերելք» Սիւնիք ծրագիրը մեկնարկել է սոյն թւականի հոկտեմբերի 12-ին։ Այն հիմնւած է «Վերելք» Արցախի փորձի վրայ եւ նպատակ է հետապնդում Սիւնիքում ձեռներեցութեամբ հետաքրքրւած երիտասարդներին տրամադրել գիտելիք եւ սկզբնական ներդրում, որպէսզի երիտասարդներն իրականութիւն դարձնեն իրենց բիզնես մտքերը եւ գործնական ներդրում ունենան իրենց համայնքների զարգացման եւ բարգաւաճման գործում։

Ծրագիրն արդէն աւարտել է իր առաջին փուլը, որին մասնակցել են 35 երիտասարդներ՝ Սիւնիքի տարբեր բնակավայրերից։ Մասնակիցները մէկ ամսւայ ընթացքում մասնակցել են հետեւեալ թեմաներով դասընթացների, որոնք անց են կանցւել ոլորտի առաջատար մասնագէտների կողմից․

- Գաղափարի յղացում

- Շուկայավարում

- Ֆինանսների պլանաւորում

- Ռազմավարական կառավարում

- Հանրային խօսք

- Բիզնես գաղափարի ներկայացում

Դասընթացների արդիւնքում մասնակիցները մշակել եւ կատարալագործել են սեփական գաղափարները։ Դասընթացները յաջողութեամբ աւարտած 12 երիտասարդներ (9 ծրագիր) արդէն ընտրւել են եւ կը մասնակցեն «Վերելք» Սիւնիք ծրագրի երկրորդ փուլին՝ Բիզնես ճամբարին, որը տեղի կունենայ 2022 թ. յունւարի 12-16 Կապանում։ Բիզնես ճամբարի ընթացքում արդէն իսկ ընտրւած 12 մասնակիցները եռօրեայ խտացւած աշխատանքներից յետոյ, պէտք է ներկայացնեն իրենց ծրագրերը «Վերելք» Սիւնիք ծրագրի ժիւրիի անդամներին։

Բիզնես ճամբարի աւարտին յաղթող նախագծերը կը մտնեն մոնիտորինգի փուլ, որը կուղեկցի ձգտող ձեռներեցներին համապատասխան խորհդատւութեամբ եւ սկզբնական ներդրումով:

«Վերելք» ծրագրի առաքելութիւնն է՝ երիտասարդութեան գիտելիքների պաշարի հզօրացումը, թիկունք կանգնել եւ խրախուսել՝ սեփական միտքերը եւ գաղափարները իրականութիւն դարձնելու համար, ծառայելով իրենց համայնքին եւ շրջապատին: Իսկ ներազգային գետնի վրայ, կարեւոր միջոց է հանդիսանում պայքարելու Արցախում եւ Սիւնիքում պատերազմի հետեւանքով առաջացած տնտեսական եւ դեմոգրաֆիկ մարտահրաւէրները դիմագրաւելու նպատակով:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։