Հա

Ազգային

29/01/2022 - 11:10

Դասեր քաղելու օրը (Հայկական բանակի հիմնադրութեան 30-ամեակին առիթով)

28 յունուար է այսօր, նորանկախ Հայաստանի Հանրապետութեան բանակի հիմնադրութեան օրը: 30 տարի առաջ, այսօր, ստեղծուեցաւ մեր պետականութեան ամրապնդման, հայ հողին եւ ժողովուրդին ապահովութեան գլխաւոր երաշխիքը հանդիսացող հայկական բանակը:

Վ. ԱՒԱԳԵԱՆ

 

28 յունուար է այսօր, նորանկախ Հայաստանի Հանրապետութեան բանակի հիմնադրութեան օրը: 30 տարի առաջ, այսօր, ստեղծուեցաւ մեր պետականութեան ամրապնդման, հայ հողին եւ ժողովուրդին ապահովութեան գլխաւոր երաշխիքը հանդիսացող հայկական բանակը:

Անցնող 30 տարիներուն, իւրաքանչիւր 28 յունուարին, մեր ժողովուրդը գնահատեց ու պատուեց քաջութեան, նուիրումի եւ հերոսութեան հոմանիշ իր բանակայինները` զանոնք նկատելով ազգին պատիւը եւ հայրենիքին հպարտութիւնը:

Երկու տարի է, սակայն, Հայաստանն ու հայութիւնը տարբեր պայմաններու մէջ կը նշեն 28 յունուարը: Տօնական հանդիսութիւններ չեն կազմակերպուիր, ո՛չ ալ զինուորական շքերթներ տեղի կ՛ունենան:

Տակաւին թարմ է յիշատակը Արցախեան 44-օրեայ պատերազմին եւ սահմանային վերջին բախումներուն զոհուած բանակայիններուն: Տակաւին անթաղ նահատակներ կան: Որոնողական աշխատանքներով աճիւններ կը յայտնաբերուին: Կորսուած եւ գերեվարուած պարագաներ կան: Ցաւն ու կսկիծը կրկնակի են: Ցա՛ւ հարազատ զաւկի, եղբօր, ամուսինի կամ հօր մը կորուստին, բայց նաեւ անսփոփելի ցաւ` ամբողջ հայրենիքի մը բեկորներու կորուստին:

28 յունուարը այլեւս լռութեան եւ յարգանքի օր է` ոգեկոչելու համար յիշատակը բոլոր անոնց, որոնք ինկան հայրենիքի սահմաններու պաշտպանութեան եւ հայ մարդու անվտանգութեան պահպանման ճամբուն վրայ:

28 յունուարը խոնարհումի եւ մեծարանքի օր է բոլոր անոնց, որոնք սեփական արեամբ վճարեցին իշխանութիւններու անձնատուական քաղաքականութեան ծանր գինը:

28 յունուարը նաեւ ուխտի օր է` նահատակ բանակայիններու շիրիմներուն դիմաց հաստատելու, որ մեկնողներուն գործը կիսատ չմնաց: «Լաւագոյն տղոց» գործը նոյնքան նուիրումով կը շարունակեն, պիտի՛ շարունակեն նորերը, մինչեւ որ կարելի ըլլայ դուրս գալ պարտուած ազգ-բանակի հոգեվիճակէն, մինչեւ որ կարելի ըլլայ իր յաղթական աւարտին հասցնել մեր յարատեւ կռիւը, արժանապատիւ խաղաղութիւն պարտադրելու մեր երկար ու դժուար երթը:

28 յունուարը նաեւ ու մանաւա՛նդ օրն է մտածելու, քննելու, դասեր քաղելու եւ միասնաբար ճշդելու, թէ ինչպէ՞ս կարելի է շրջանցել հայ կեանքի այս տխուր օրերը` վերստին հզօր բանակ կերտելու, փորձառու ղեկավարութեամբ, արդիական զէնքերով եւ մարտավարական ժամանակակից մեթոտներով զինեալ ուժեր ունենալու եւ մեր ժողովուրդին ազգային իր յաղթանակներու, հպարտութեան եւ արժանապատուութեան կորսուած բերկրանքը վերադարձնելու համար:

28 յունուար է այսօր: Տօնդ շնորհաւո՛ր հայկական բանակ:

Յիշատակդ պայծառ` դիրքերու վրայ ծառայող թէ անմահութեան երկինքէն դիրքերուն հսկող հա՛յ զինուոր:

 

«Ազդակ»

 

Յարակից լուրեր

  • Վայրկեան մը յոտնկայս (ՀՅԴ-ի 132-ամեակին առիթով)
    Վայրկեան մը յոտնկայս (ՀՅԴ-ի 132-ամեակին առիթով)

    Հայ Յեղափոխական Դաշնակցութեան կեանքը այսօր ալ կը շարունակէ թաւալիլ նուիրեալներու զոհաբերութեամբ, մտքի եւ բազուկի հսկայական աշխատանքով, տարիներու փորձառութեամբ եւ այն խոր համոզումով, որ վայրկեան մը յոտնկայս լռութիւնը 132 տարուան կեանքի մը բազմամիլիոն վայրկեաններէն տարբեր վայրկեան մըն է, որովհետեւ ան իր մէջ կ՛ամրապնդէ հազարաւոր խոնարհներու քրտինքին ադամանդեայ խտացումը:

  • Փնտռուած յաղթանակը (Մայիս 28-ի առիթով)
    Փնտռուած յաղթանակը (Մայիս 28-ի առիթով)

    Հայաստանի անկախութեան 104-րդ տարեդարձը` մայիս 28-ը երկու տարիէ կը նշենք տօնական մթնոլորտէ շատ հեռու:

  • Յիշենք բոլորը մէկ առ մէկ
    Յիշենք բոլորը մէկ առ մէկ

    Օրացոյցի թերթիկը կը յիշեցնէ, որ այսօր 13 Ապրիլ է. Լիբանանի քաղաքացիական պատերազմի բռնկումին յիշատակման օրն է։

    47 տարի առաջ, այսօրուան պէս, 13 Ապրիլ 1975-ին, Այն Ռըմմէնէի օթոպիւսին տխրահռչակ դէպքով Լիբանան մտաւ քաղաքացիական երկա՜ր պատերազմի մը մէջ, որուն զինուորական ճակատումներուն հանգրուանը աւարտեցաւ Թաէֆէի 1989-ի համաձայնութեամբ, բայց քաղաքական, տնտեսական, քարոզչական-տեղեկատուական ճակատումները կը շարունակուին մինչեւ այսօր, բոլոր ճակատներու վրայ եւ պարբերական սաստկութեամբ։

  • «Զուտ հայկական մոդելի բանակ է պէտք». Կարէն Յովհաննիսեան
    «Զուտ հայկական մոդելի բանակ է պէտք». Կարէն Յովհաննիսեան

    Բանակին չպէտք է վերաբերւել միայն ելակով կամ զինւորների ներքնազգեստներով, բանակը պետութիւն է պետութեան ներսում՝ Yerkir.am-ի հետ հարցազրոյցում ասաց ռազմական փորձագէտ Կարէն Յովհաննիսեանը Հայոց Բանակի կազմաւորման 30-ամեակի օրը։

  • «Մեր ժողովուրդը փաստեց իր տոկալու կամքը եւ զօրութեամբ կրցաւ ապրիլ. 2022-ը այս կամքով է, որ պէտք է դիմաւորենք». Շեշտեց Յ. Բագրատունի «Վանայ ձայն»-ի հետ յատուկ հանդիպումի մը ընթացքին
    «Մեր ժողովուրդը փաստեց իր տոկալու կամքը եւ զօրութեամբ կրցաւ ապրիլ. 2022-ը այս կամքով է, որ պէտք է դիմաւորենք». Շեշտեց Յ. Բագրատունի «Վանայ ձայն»-ի հետ յատուկ հանդիպումի մը ընթացքին

    Հայկական երեսփոխանական պլոքի եւ ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի անցեալ տարուան աւարտին «Վանայ ձայն»-ի հետ ունեցաւ յատուկ հանդիպում մը, որուն ընթացքին «Վանայ ձայն»-ի տնօրէն Վիգէն Աւագեանի հետ անդրադարձաւ 2021-ի իրադարձութիւններուն: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։